Силекс имаше среќа и ги избегна силните европски клубови во првото квалификациско коло за Лигата на шампионите пред понеделничката ждрепка во Нион.

Силекс, кој го презеде местото на Вардар во ЛШ откако „црвено-црните“ не успеаја да стигнат до лиценца, е во групата 4 меѓу „не-носителите“ и можни противници му се Астана од Казахстан, Карабаг од Азербејџан, Макаби Тел-Авив од Израел и Динамо Тбилиси од Грузија.

Со ждрепка ќе се одреди кој ќе биде домаќин на единствениот меч, а доколку постои забрана за влез во таа земја, ќе се игра во другата.

На 22 јули годинава Александар Кирковски, планинар и планински тркач, реализира брзинско искачување на врвот Пелистер 2601 мнв со старт од Инфоцентар по патеката “преку Болници“.

Рутата до врвот и назад е долга вкупно 19 километри со 1200 висински метри, а Александар ја мина за вкупно 2 часа 05 минути и 31 секунда (1 час 16 минути успон, 49 минути спуст) што претставува најдобро регистрирано време досега на планината. За време на овој потфат имаше поддршка од битолските планинари: Горан Кузмановски, Саша Грбиќ, Стефан Петровски, Даниело Божиновски и Влатко Гроздановски.

Претходниот рекорд на оваа патека изнесуваше 2 часа 10 минути, а постои реално очекување во планинската заедница дека во иднина е можно оваа дистанца да се мине под 2 часа.

Брзинските искачувања на високите планини се актуелни од 90-тите години на Алпите, а во последните десетина години доживуваат светска популаризација. Со појавата на коронавирусот и откажувањето на најголем дел од спортските настани ширум светот, се повеќе спортисти се насочени кон различен тип на индивидуални потфати.

Во претходните неколку години Кирковски има реализирано брзински искачувања на повеќе светски врвови како Аконкагва 6962 мнв, Елбрус 5642 мнв, Мон Блан 4810 мнв, Матерхорн 4478 мнв и други.

Јувентус ги потврдија шпекулациите и го именуваа Андреа Пирло како тренер на клубот откако го отпуштија Маурицио Сари, само една недела откако го именуваа поранешниот фудбалер на клубот како тренер на У-23 тимот (неофицијално Јувентус-Б).

„Андреа Пирло е нов тренер на Јувентус. 41-годишниот Пирло е роден во Флоре во провинцијата Бреша и имаше легендарна кариера како фудбалер и тренер, освојувајќи ја Лигата на шампионите и Светското првенство. Во четири години во клубот, тој освои исто толку лигашк титули, и еден трофеј од Копа Италија. Денеска е почеток на ново поглавје во неговата кариера – од Маестро до Мистер. Од денеска тој е тренер на луѓето на Јувентус, и клубот му ја дава целосната доверба“, се вели во соопштението на Јуве.

Ова е прва тренерска работа за Пирло, кој го заменува Сари, кој доби отказ неколку часа по елиминацијата од Лион во Лигата на шампионите, откако ја освои деветтата титула во низа во Серија А.

UFFICIALE ✍️ Andrea Pirlo nuovo allenatore della Prima Squadra ➡️ https://t.co/gFxYuC28cj#CoachPirlo pic.twitter.com/6xWUAJ5u19

— JuventusFC (#Stron9er 🏆🏆🏆🏆🏆🏆🏆🏆🏆) (@juventusfc) August 8, 2020