Спорт
Руски ММА ѕвер! „Лудиот Макс“ Новоселов собори огромна мечка (видео)

Ако мислевте дека Хабиб Нурмагомедов е „најлудиот“ ММА фајтер од Русија, тогаш не сте запознаени со тешкашкот Максим „Лудиот Макс“ Новоселов.
Кога Хабиб стана прва УФЦ ѕвезда едно од видеата кои го потврдија митот за „борецот од Кавказот“ беше тоа на малиот борец против мечка. Сега, 46-годишниот Новоселов отиде чекор понапред – се бореше со огромна меча во кафез во Перм, Сибир, и успеа да ја „преврти“.
„Мечка се бори со мечка“, вели Новоселов на стартот на видеото, пред околу една минута да го малтретира животното.
„Тоа беше добар противник за мене – тежи околу 250 кила. Не страдавме ниту двајцата. Можеби мечката малку повеќе, бидејќи ретко се гледа човек како мене“, изјави Новоселов.
Тешкашот од Челјабинск, кој има професионален скор од 9 победи и 2 порази, е доста „озогласен“ во својата татковина. Тој доби затворска казна од 14 години во 1993 за убиство, а во 2012 година беше уапсен поради поврзаност со еден нарко-картел.
Новоселов исто така е познат по своите неверојатни тренинг-методи, како спарингот со секира со еден негов пријател во кој за малку ќе му ја откорнеше раката. Негов последен меч во октагонот беше победата во првата рунда против Александар Алексиќ на Фајт шампионатот Аслан.
Човек, кого сигурно нема да посакате да го сретнете на улица…
View this post on Instagram
Боевая Невменяемость#максшатун #мясорубка#командаИгоряиМакса#мненуженмиржелательновесь?
View this post on Instagram
ВДВ- никто кроме нас ✊#максшатун #россия#самбо#прикладноесамбо #школареальногобоямаксимановоселова
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шејн Ларкин ја заврши репрезентативната кариера

Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
Спорт
Атлетико без најдобриот играч отпатува во Ливерпул

Ливерпул, утре, ќе го пречека Атлетико Мадрид во еден од најпривлечните натпревари во првото коло, во Лигата на шампионите.
„Јорганџиите“ ќе бидат хендикепирани на „Енфилд“, тренерот Диего Чоло Сименоне нема да може да смета на првиот напаѓач, Хулијан Алварез.
За време на викендот против Виљареал, Аргентинецот почувствува непријатност во коленото, беше заменет, а по лекарските прегледи беше одлучено да се одмори и да го прескокне дуелот со шампионите на Англија.
Во негово отсуство, нападот на Атлетико ќе го предводат Антоан Гризман и Александар Серлот.
Атлетико објави дека Тијаго Алмада, Алекс Баена и Хозе Марија Хименез ќе го пропуштат натпреварот со Ливерпул.
Натпреварот во Ливерпул ќе започне во 21:00 часот.
Спорт
Седумте величествени на Карло Анчелоти

Селекторот на Бразил Карло Анчелоти (66) ги избра најдобрите играчи што ги тренирал во својата богата тренерска кариера. Италијанецот избра седум играчи.
Заедно со Модриќ, Анчелоти ги додаде и Бразилците Роналдо Назарио и Кака, кои ги тренираше во Милан, Дидие Дрогба од Брегот на Слоновата Коска, со кого работеше во Челзи, и ѕвездите на Реал Лука Модриќ, Винисиус Жуниор, Тони Крос и Кристијано Роналдо.
Карло Анчелоти е еден од најуспешните и најпочитуваните фудбалски тренери на сите времиња. Неговата тренерска кариера започна во средината на 1990-тите, а преку долгогодишна работа тој ги водеше врвните клубови низ Европа и освои импресивен број трофеи.
Откако ја заврши фудбалската кариера, тој започна како помошник тренер на италијанската репрезентација под водство на Ариго Саки на Светското првенство во 1994 година.
Во раната фаза на самостојната тренерска кариера ги тренираше Реџана, Парма и Јувентус помеѓу 1995 и 2001 година. Кариерата во нагорна линија започна да му се движи кога стана тренер на Милан (2001 – 2009), освои голем број големи трофеи, вклучувајќи ја и Лигата на шампионите.
Тој ги водеше германскиот Баерн Минхен, англискиот Челзи (ја освои Премиер лигата и ФА Купот), францускиот Пари Сен Жермен (шампион на Лига 1) и шпанскиот Реал Мадрид, каде што постави рекорди по бројот на освоени трофеи и Лигата на шампионите.
По Реал Мадрид, тој ги тренираше Наполи и Евертон, се врати во Реал, а од јуни 2024 година е селектор тренер на Бразил.
Вкупно, тој освои пет Лиги на шампиони, што е рекорд за тренер. Тој освои лиги во сите пет најдобри европски првенства (Италија, Англија, Франција, Германија, Шпанија).
Три пати го освои Светското клупско првенство на ФИФА. Има пет Суперкупови на УЕФА.
Вкупно, тој освои 15 трофеи со Реал Мадрид, што го прави најтрофеен тренер во историјата на клубот.
Foto/ EPA