Црвена звезда ја надополни негативата од 1:2 од првиот меч, за дома со 5:0 да го „растури“ казахстанскиот Каират Алмати во второто коло од квалификациите за Лигата на шампиони.

Работата беше завршена уште во првото полувреме, кога со двата гола на Александар Катаи дојдоа до 3:0 предност, пред во второто полувреме, веќе до 56. минута да биде 5:0. Следен противник за српскиот шампион е молдавскиот Шериф Тираспол, кој вторпат го победи ерменскиот Алашкерт (3:1).

Во третото коло на квалификациите нема да биде шкотскиот вицешампион, Селтик, откако на гостувањето кај Митјиланд во Данска загубија со 2:1 во продолжението, откако во Шкотска беше 1:1. Бугарскиот шампион Лудогорец ја елиминираше словенечка Мура со 3:1 победа откако во Словенија беше 0:0, а во третото коло се и фаворитите Олимпијакос, ПСВ Ајндховен и Спарта Прага.

ЛИГА НА ШАМПИОНИ, КВАЛИФИКАЦИИ

Нефчи Баку (Азе) – Олимпијакос (Грц) 0:1, прв меч 0:1, вкупно 0:2

Шериф Тираспол (Мол) – Алашкерт (Ерм) 3:1, прв меч 1:0, вкупно 4:1

ЦФР Клуж (Ром) – Линколн (Гиб) 2:0, прв меч 2:1, вкупно 4:1

Митјиланд (Дан) – Селтик (Шко) 1:1, 2:1 по продолженија, прв меч 1:1, вкупно 3:2

Галатасарај (Тур) – ПСВ Ајндховен (Хол) 1:2, прв меч 1:5, вкупно 2:7

Лудогорец (Буг) – Мура (Сло) 3:1, прв меч 0:0, вкупно 3:1

Јанг Бојс (Шва) – Слован Братислава (Свк) 3:2, прв меч 0:0, вкупно 3:2

Црвена звезда (Срб) – Каират Алмати (Каз) 5:0, прв меч 1:2, вкупно 6:2

Спарта Прага (Чеш) – Рапид Виена (Авт) 2:0, прв меч 1:2, вкупно 3:2

Еден месец по крајот на неговиот договор, македонскиот репрезентативец Езѓан Алиоски се збогуваше со навивачите на Лидс јунајтед, праќајќи им емотивно видео на социјалните мрежи.

Алиоски помина четири години на „Еланд роуд“, од кои три под Марсело Биелса, со кого оствари влез во Премиер лигата во 2020. Во видеото тој се извини за доцното обраќање кон навивачите.

„Сакам да кажам некои зборови за семејствоот на Лидс, за фановите на Лидс. Сакам да се извинам бидејќи ми беше потребно и не беше лесно да се замине од така голем клуб како Лидс јунајтед . Сакам да ви се заблагодарам, посебно на навивачите кои од првиот момент ми го допреа срцето. Никогаш нема да ве заборавам. Секаде каде што ќе одам Лидс ќе биде со мене. Посебна благодарност до сопственикот Андреа Радрицани, до Виктор Орта, и секако до менаџерот Марсело Биелса, кој беше најдобар на светот. Ќе ми недостасувате сите. Го остваривме сонот за враќање во Премиер лигата, кога го имав најдоброто чувство во мојот живот. До фановите, имате нов навивач меѓу вас, тоа е Џани Алиоски и ќе го следам секој натпревар со вас. Маршираме заедно“, напиша Алиоски.

Dear Leeds United family, saying goodbye to you is one of the hardest things in my life. It’s taken me some time to turn the page. I realize how lucky I am, to have something that makes saying goodbye to so hard. This message is for you, from the bottom of my heart. Love always, pic.twitter.com/bwLwfCVq48

— Ezgjan Alioski (@ezgjanalioski) July 28, 2021

Лионел Меси ова лето, конечно, донесе голем трофеј за Аргентина освојувајќи ја Копа Америка на „Маракана“ во Рио и во еден од најемотивните моменти тој имаше видеопорака до својата сопруга и децата по трофејот.

Сега тој момент беше споделен на социјалните мрежи на аргентинската фудбалска мегаѕвезда и тоа како јасно посочена реклама на компанијата „Вацап“.

„Каков специјален момент. Ова беше веднаш по финалето кога ја прославував титулата од Копа Америка со моето семејство преку ‘Вацап’ видеопорака“, напиша Аргентинецот.

Видеото веќе е прегледано повеќе од 15 милиони пати и за него, секако, Меси ќе биде добро платен.

 

View this post on Instagram

 

A post shared by Leo Messi (@leomessi)