Спорт
Само бод за Баерн кај Хофенхајм

Актуелниот германски шампион, Баерн Минхен, си дозволи уште еден кикс во Бундес лигата. Попладнево Баварците, на гостински терен одиграа 1:1 со Хофенхајм. Со ист резултат заврши и натпреварот Унион Берлин-Штугарт, додека Фрајбург во финишот го победи Волфсбург.
Баерн во минатото коло одигра нерешено со Баер Леверкузен, а во ова со Хофенхајм. головите в овој динамичен натпревар, со многу шанси, беа постигнати во првото полувреме.
Баумгартнер погоди во 32.минута за Хофенхајм, а израмни Левендовски во третата минута од судиското надополнување на времето во првото полувреме.
Во второто полувреме Сане (два пати), Мусијала и Чупо-Мотинг е успеаја да го совладаат домашниот голман. Најдобрата шанса за Хофенхајм ја имаше Крамариќ на кого Нојер му одбрани во ситуација „еден на еден“.
Фрајбург, со голот на Шлотербрг во 87.минута го победи Волфсбург со 3:2 и ја продолжи трката за место во Лигата на шампионите.
Преходно Волфсбург се вратија во мечот по водството на Фрајнург од 2.0.
По еден гол постигнаа Унион Берлин и Штутгарт. Авониѓи од пенал во 41.минута им донесе водство на домаќините, израмни Калајџиќ во последната минута од напреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јокиќ по НБА кариерата сака да стане дресер на коњи

Никола Јокиќ, двократниот МВП на НБА лигата при посетата на Шведска откри дека неговиот сон по крајот на кошаркарската кариера е да биде дресер на коњи.
Јокиќ е во Шведска за „Елитлопет“, елитната коњичка трка, и вели дека по пензионирањето сака да се врати во својот Сомбор во Србија и да се посвети на својата втора љубов, коњите.
„Сонувам да се вратам во Србија и да бидам дресер. Мојата земја, за жал, е една од најлошите во ваквите тротинг трки и има можеби 150 такви коњи. Но, многу е забавно“, изјави Јокиќ.
Не е голема тајна дека Јокиќ има огромна љубов кон коњите. Тренерот на Денвер нагетс, Мајк Мелоун беше на гости во Србија овој месец за да му ја додели втората МВП награда, која Јокиќ ја доби во својата штала.
Alessandro Gocciadoro & Nikola Jokic på Solvalla 🔥🐴 pic.twitter.com/qSI2bZvLTk
— 🅿️eter Andersson 🇺🇦🎤 (@startsnabb) May 28, 2022
NBA 🏀 MVP Season 20-21 and 21-22 Nikola Jokić is warming up Vitruvio🐴 Participating in Sweden Cup during Elitloppet 2022!#elitloppet #elitloppet22 #Solvalla #viärsporten #nba #jokic #basketse @NBA pic.twitter.com/xXjfI9rFEr
— Solvalla (@Solvalla) May 28, 2022
Спорт
Марсело потврди дека заминува од Реал Мадрид со неверојатни 25 трофеи

Левиот бек на Реал Мадрид, Марсело по триумфот на „кралевите“ во финалето на Лигата на шампионите потврди дека си заминува од клубот, како фубалер со најмногу титули во дресот на „кралевите“, неверојатни 25 трофеи.
Тој почека да ја прослави титулата со своите соиграчи, по што потврди дека си заминува.
„Чувствувам голема радост и емоции. Тешко ми е да зборувам кога ги гледам семејството и моите соиграчи. Оваа сезона целосно ја заслужувавме. Ја освоив титулата од Лигата на шампионите пет пати, нешто што е тешко да се објасни. Ова е момент за младите момци кои го играа првото финале, а покажаа голема зрелост“, изјави Марсело.
Марсело покрај петте титули од ЛШ освои и четири трофеи од Светскиот клупски шампионат, три Европски суперкупови, шест трофеи од Ла лига, два од Копа дел реј и пет од Шпанскиот суперкуп.
Спорт
Зошто голот на Карим Бензема беше (правилно) поништен од ВАР?

Еден од моментите на вчерашното финале на Лигата на шампионите помеѓу Реал Мадрид и Ливерпул предизвика огромен интерес и многу контроверзи, откако голот на Карим Бензема во финишот на првото полувреме беше поништен поради офсајд.
Французинот ја смести топката во мрежата, откако според францускиот судија Клемен Турпан беше во офсајд позиција и покрај тоа што топката до него пристигна од Фабињо. Уште почудно, зад линијата на Бензема беше Енди Робертсон.
Судијата и ВАР проценија дека топката ја упатува Федерико Валверде, иако последниот допир доаѓа од Фабињо. Покрај тоа, Робертсон не се смета како играч кој би го поништил офсајдот, бидејќи Бензема е зад голманот, односно Робертсон во оваа ситуација се смета за голман – уште поточно, кога голманот не е на своја позиција, мора да има барем двајца дефанзивци зад стрелецот на голот.