Лацио имаа фантастичен старт на „Луиџи Ферарис“ за да стигнат до 3:1 победа на гостувањето кај Сампдорија, благодарение на двата гола на капитенот Чиро Имобиле, и убавиот гол на Сергеј Милинковиќ-Савиќ, кој потоа доби и втор жолт картон.

Тимот на Маурицио Сари дојде во водство уште во седмата минута, кога Цакањи фантастично го пронајде Милинковиќ-Савиќ, за само десет минути подоцна Имобиле да го постигне својот прв гол. Тој подоцна во 37. минута стигна и до својот 13. гол оваа сезона, со што се израмни со Душан Влаховиќ од Фиорентина како најдобар стрелец во лигата. Милинковиќ-Савиќ во 67. минута од мечот доби и втор жолт картон, по што Матија Габијадини во 89. минута од мечот ги постави конечните 3:1.

Лацио се седми на табелата со 25 поени, колку што имаат и лутите градски ривали Рома пред нив, додека Самп остануваат 15. со само 15 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));

Андреј Рубљов и Данил Медведев ги добија своите мечеви во сингл во два сета, за Русија да ја совлада Хрватска со 2:0 и да ја освои својата прва Дејвис куп титула од 2006 и трета вкупно во историјата.

Откако во првиот меч, Рубљов со 6:4/7:6(5) го совлада Борна Гојо, во вториот меч, шампионот од САД опен, Данил Медведев исто така покажа дека во моментов е еден од најдобрите тенисери на светот, победувајќи го Марин Чилиќ со 7:6(7)/6:2. Хрватите се надеваа на барем една сингл победа, бидејќи потоа во мечот во двојки ќе беа фаворити со прворангираниот тим во двојки Никола Мектиќ-Мате Павиќ. Но, вака тие остануваат со двете Дејвис куп титули во 2005 и 2018 година.

Русија на патот до титулата го победи домаќинот Шпанија, но и Германија во полуфиналето, потпирајќи се токму на одличната сингл игра на Рубљов и Медведев.

The moment @DaniilMedwed defeated Cilic 7-6(7) 6-2 to clinch a third Davis Cup title for RTF ⚪️🔵🔴#DavisCupFinals #byRakuten pic.twitter.com/yX6rrIQm4x

— Davis Cup (@DavisCup) December 5, 2021

Пред мечот, Стивен Џерард призна дека научил многу од својот поранешен менаџер на Ливерпул, Брендан Роџерс, и тоа неговите Астон вила го покажаа со камбек 2:1 победа над Лестер за да ги поминат на 10. место во Премиерлигата.

Харви Барнс им донесе рано водство на „лисиците“ уште во 14. минута, но само три минути подоцна Езра Конса успеа да израмни за домаќините. Конса постигна и втор гол во 54. минута, за совршена недела за Вила и за Џерард, кому сега му следува емотивно враќање на „Енфилд“ на гостување кај неговиот поранешен клуб, Ливерпул.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));