Спорт
Семенја со победа во првата трка по одлуката на ЦАС (видео)

Кастер Семенја лесно победи на трката на 800 метри на првиот митинг од Дијамантската лига во Доха, нејзината прва трка по губењето на случајот пред Судот за арбитража во спортот (ЦАС) против Интернационалната асоцијација на атлетските федерации (ИААФ).
Олимписката шампионка од Јужна Африка немаше конкуренција и стигна до победа со време од 1:54.98, нејзино четврто најдобро време во кариерата. Сепак, ова може да биде крај на нејзината доминација на трката на два круга бидејќи беше последната трка пред воведувањето на контроверзните нови правила.
Сега ИААФ ќе ги принудува Семенја и другите атлетичарки со високо ниво на природен тестостерон да го намалат нивото со одредени супстанции за да може да се натпреваруваат. Според некои од критичарите, ова е дискриминаторски, но други велат дека поради превисокото ниво на природен тестостерон, Семенја и другите атлетичарки имале нефер предност пред конкуренцијата.
Самата Семенја не изјави дали ќе ги почитува овие правила или ќе се префрли на подолгите трки (5.000 и 10.000 метри), каде што ова правило не важи.
„Зошто би се пензионирала? Имам 28 години и уште добри 10 години пред мене“, изјави Семенја во Катар.
Caster Semenya!??????
South Africa stand UP! ??????
??????????????
❤️❤️❤️❤️❤️❤️❤️
?????????#caster800m pic.twitter.com/6VhqpIPFB8— ?Kumkanikazi-Vuyiswa? (@vuiGLAMzee) May 3, 2019
Double Olympic champion Caster Semenya won her last 800 metres race today before the introduction of controversial rules limiting testosterone levels in female athletes. This is what she had to say after the race.
What a class athlete. pic.twitter.com/bRqK1ibD9Z
— Zoltan (@zoltanknowsbest) May 3, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.