Тео Ернандез очигледно е еден од ретките луѓе кои никогаш не ја губат довербата во Милан. Францускиот фудбалер на „росонерите“, кој при доаѓањето на „Сан Сиро“ изјави дека пристигнал да ја освои титулата од ЛШ со клубот, сега вели дека Милан може да стигне до четвртото место оваа сезона по кошмарниот старт на сезоната.

Милан го отпушти Марко Џампаоло по четири порази во првите седум натпревари и го донесе поранешниот шеф на Интер, Лацио и Фиорентина, Стефано Пиоли, кој викендов ќе дебитира против Лече.

„Подобро е за секој тренер да ја почне сезоната отколку да пристигне подоцна, но такви работи се случуваат. Мислам дека имаме добар тренер и сигурен сум дека можеме да одиме напред. Не го познавав претходно, но знам дека сака да игра добар фудбал и дека има добри идеи. Прво мораме да ги ’разбудиме’ навивачите и да ја добиеме нивната доверба. Јас работам исто секој ден и сакам да напишам историја со Милан. Верувам дека ќе завршиме во топ 4, бидејќи имме силен тим. Треба да покажеме срце и душа“, вели бекот.

Ернандез: Дојдов во Милан да ја освојам ЛШ!

Џејми Квин и Кас Хусаин, едни од најлошите боксери во историјата на Велика Британија, конечно ќе се сретнат во рингот на крајот на месецот. Двајцата имаат комбинирано 186 порази и имаат забележано само 9 победи.

29-годишниот Џејми Квин, со прекар „Девил чајлд“, има скор од 5 победи во 99 меча, иако мора да се спомене дека бил нокаутиран само трипати.  26-годишнот Хусаин пак, само четири пати излегол како победник во рингот во 100 меча, но и тој успеал да остане на нозе во сите рунди и само двапати бил нокаутиран. Сепак, и двајцата имаат уште еден неславен скор – никогаш не успеале да нокаутираат никого.

Хусаин последен пат победил во ноември 2016 година, и вели дека е подготвен за „вистинска војна“ во четири рунди во Олдам.

„Ретко се гледаат вакви мечеви. Јас во мојот 101. меч, а Џејми во својот 100. меч, еден против друг. Сме се сретнале многупати во соблекувалните, сме патувале заедно, но следната недела убаво ќе се удираме. Ќе биде вечер која нема да се заборави“, вели Хусаин.

Пол Погба и Давид де Хеа нема да можат да настапат за Манчестер јунајтед во големото дерби против Ливерпул на „Олд Трафорд“, додавајќи дополнителни главоболки на Оле Гунар Солскјер со повредените играчи.

Јунајтед ги пречекуваат Ливерпул во недела попладне, во обид да го прекинат стоотстотниот старт на „црвените“ по осум меча во Премиер лигата, но според „Скај спортс“ меѓу достапните фудбалери нема да бидат двете најголеми ѕвезди Погба и Де Хеа.

Де Хеа се повреди вчера на мечот помеѓу Шпанија и Шведска откако истегна мускул во бутниот мускул, додека Погба уште не се опорави од повредата на стапалото и покрај тоа што беше во Дубаи на посебна рехабилитација на топло време. Уште полошо, Погба најверојатно ќе биде во аут до крајот на месецот.