Спорт
Што да прави кога го сакаат – Федерер со АТП награда иако одигра само шест меча во 2020

Новак Ѓоковиќ, Роџер Федерер и Рафаел Надал беа меѓу добитниците на АТП наградите објавени во понеделникот.
Ѓоковиќ беше „прославен“ како освојувач на првото место на АТП листата рекорден шести пат во кариерата, откако освои четири титули, вклучувајќи ја и осмата круна од Австралија опен, додека шампионите од САД опен, Мате Павиќ и Бруно Соареш се број 1 во пласман на двојки.
Федерер, кој одигра само шест меча во сингл цела сезона, 18-та година едноподруго ја добива наградата како омилен тенисер на публиката, додека Надал, освојувачот на Ролан Гарос, трета година едноподруго е добитник на наградата „Штефан Едберг“ за најфер тенисер.
Русинот Андреј Рубљев е добитник за наградата за најдобар раст во годината, откако скокна од 23. место на 8. место со пет освоени титули. Американецот Тиафоу ја доби наградата „Артур Еш“ за хуманитарно дело за неговата добротворна акција за помош при пандемијата на КОВИД-19. 17-годишниот Шпанец, Карлос Алкараз е добитник на наградата за најдобар „новак“ во сезоната, откако освои три титули во Челенџ турнејата, додека Канаѓанецот Васек Поспишил е добитник на наградата за камбек – во 2019 година тој беше на операција на грбот, а оваа година стигна до две АТП финалиња и направи скок од 90 места на АТП листата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лоши вести за Реал, Салиба го продолжи договорот со Арсенал

На големо разочарување на Реал Мадрид, Вилијам Салиба реши да остане во Лондон.
Арсенал успеа да постигне договор со стоперот од Франција и да ја продолжи соработката до 2030 година.
Реал Мадрид го таргетираше францускиот репрезентативец, со цел да го доведе следната сезона за малку пари, со оглед на тоа што неговиот договор со Арсенал истекуваше во 2027 година.
Сепак, „Топџиите“ реагираа брзо и му обезбедија на Салиба нов, петгодишен договор.
Заедно со Габриел, Французинот е единствениот стандарден играч во одбраната на Арсенал. Играчите на позициите лев и десен бек се менуваат, во зависност од тактичките барања на играта, но Микел Артета има целосна доверба во двајцата стопери.
Ова не е крајот на добрите вести за Арсенал. Конечните преговори во врска со продолжувањето на соработката со Букајо Сака се во тек. Англискиот репрезентативец исто така треба да остане на „Емирати“ во следните пет години.
Foto/ „X“
Спорт
Руни проговори за проблемите со алкохолот: Сопругата ме спаси

Легендарниот англиски фудбалер Вејн Руни призна дека имал проблем со алкохолизам.
Руни со години беше кошмар за противничките дефанзивци и голамни во дресот на Манчестер јунајтед, Во подкаст со поранешниот соиграч Рио Фердинанд, тој призна дека долго време се борел со голем проблем.
„Ставав капки за очи и џвакав мастика пред тренинг за да не се забележи. Знаев дека ќе пијам без престан два дена, а потоа ќе доаѓам на натпревар и ќе постигнувам голови. После тоа, повторно ќе продолжам да пијам“, рече Руни и додаде:
„Не сакав да ги оптоварувам другите. Мислев дека можам сам да се справам со тоа, но не можев. Бев во сериозна неволја.“
Неговата сопруга Колин, со која е во врска уште од тинејџерските денови, го извлкла од пробелемите со алкохолот.
„Колин ме познава подобро од кој било друг. Од 17-годишна возраст, таа може да види кога не сум во вистинската насока и секогаш знаеше како да ме запре. Таа ме држеше под контрола. Во некои моменти се прашував зошто постојано ми велеше „немој да го правиш ова, немој да го правиш она“, но денес знам дека таа ми го спаси животот. Искрено верувам дека без неа немаше да бидам жив“, искрено се присети Руни и подвлече:
„Моите грешки се добро познати на јавноста, но дваесет години таа е таа што ме враќа на вистинскиот пат. Без неа, одамна ќе залутав.“
Спорт
Даниела Алексовска повторно ќе ја претставува Македонија на Светското ММА Првенство во Грузија

Само две недели по спектакуларната победа со армбар во првата рунда на “ARMMADA” 14 во Скопје, Алексовска повторно влегува во кафезот – овој пат на највисокото светско ниво: Светското ММА Првенство во Тбилиси, Грузија, од 27 септември до 2 октомври.
Таа ќе се натпреварува во категоријата до 52.2 кг, каде моментално е рангирана 3-та во светот, благодарение на златниот медал кој го освои на Европското првенство годинава.
Ова ќе биде нејзино второ учество на Светско првенство – минатата година во Узбекистан, каде успеа да се избори до бронзен медал.
Во својата група, Даниела ќе се соочи со ривали од Украина, Казахстан, Мексико и Азербејџан.
Заедно со својот тим „The Strongest Скопје“, како и Ивица Алексовски, претседател на Македонската ММА Федерација, и Стефан Пецевски, главен тренер, кои ќе бидат заедно со неа во Грузија, Даниела е решена да ја донесе златната медала во Македонија!