Спорт
Сити против Звезда ја почнува одбраната на титулата, две дерби пресметки во Ф-групата
Вечерва стартува новата сезона во Лигата на шампионите, последна во формат со 24 екипи поделени во осум групи. Сезоната ќе ја отворат натпреварите Милан-Њукасл и Јанг Бојс-Лајпциг од 18.45 часот. Актуелниот шампион и според обложувалниците најголемиот фаворит за титулата, Манчестер сити, одбраната на трофејот ќе ја започне од 21 часот против Црвена звезда.
Е групата вечерва ги нуди дуелите Лацио-Атлетико Мадрид и Феенорд –Селтик. Интересен ќе биде натпреварот помеѓу италијанскиот и шпанскиот тим. Лацио и Атлетико играат променливо од почетокот на сезоната. Атлетико има проблем со повредени играчи. Надвор од тимот се двајца влијателни играчи од редот за врска, капитенот Коке и Аргентинецот Родриго Де Пол. Покрај нив повреден е и Тома Лемар, за него сезоната заврши минатиот викенд.
Ф групата е „група на смртта“. Милан лани играше во полу-финалето, добриот старт во новата сезона нема да го расипе ниту дебаклот од Интер во градското дерби. Њукасл по 20 години повотрно е дел од Лигата на шампионте. На „Паркот на принцовите“, ПСЖ ќе ја пречека Борусија Дортмунд.
Манчестер сити се наоѓа во Г групата. „Граѓаните“ вечерва ќе ја пречекаат Црвена звезда. Актуелниот шампион и покрај кадровските проблеми е апсолутен фаворит. Црвена звезда е во мала криза, загуби два од последните три натпревари во домашното првенство.
Барселона и Порто се издвојуваат како фавоти за првите две позиции во Х групата. Вечерва, Барселона ќе го пречека дебитантот во Лигата на шампионите Антверпен, а Шахтјор ќе го пречека Порто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Столе одличен, Валенсија го победи Леванте
Фудбалерите на Валенсија го победија Леванте во градското дерби со 2:0 (0:0) во рамките на 24-то коло од шпанската Ла Лига.
„Лилјаците“, со победата кај градскиот ривал избегаа од опасната зона, сега се 14-ти, а во исто време го турнаа Леванте во бездната. Леванте се претпоследни на табелата со 18 поени.
Македонскиот репрезентативец, Столе Димитиревски, имаше впечатлив настап, успеа да ја одбрани својата мрежа.
Главни протагонисти на победата на Валенсија беа Белгиецот Ларџи Рамазани и Умар Садик.
Прво, белгискиот напаѓач постигна прекрасен гол во 64-та минута за водство на гостите, а потоа Умар Садик стави тошка на победата.
Foto/ EPA
Спорт
МЗТ лесно до нов трофеј во Купот на Македонија
МЗТ Скопје го одбрани пехарот во Купот на Македонија. Во финалето на завршниот турнир, МЗТ лесно го победи домаќинот Куманово со 96:70. Екипата од Аеродорм го освои четвртиот трофеј во низа, вкупни 14-ти во клупската историја.
Финалноот меч за трофејот не донесе ниту трошка неизвесност. МЗТ од почетокот се наметна на теренот, на стартото на вториот период стекна двоцифрена предност, која потоа само растеше. Највисоките +25, МЗТ ги достигна во средишницата на третиот период.
Меквин со 23 поен и Гил со 17 поени го предводеа МЗТ до трофејот во Купот. Кај Кумановоа Митевски, Ѓуроски и Луковиќ постигнаа по 13 поени.
Foto/ mkd.basketball
Спорт
Стрем е кралица на ски скоковите, Ника Превц леташе до бронзата
Норвешката ски-скокачка Ана Одине Стрем стана двократна олимписка шампионка, откако победи и на големата сколаница на Игрите во Милано и Кортина. Словенката Ника Превц, која важеше за главен фаворит пред Олимписките игри, мораше да се задоволи со бронзениот медал.
Стрем стана првата олимписка шампионка на големата скокалница, бидејќи никогаш порано немало две дисциплини за жени на Олимписките игри. Првите скокови во женска конкуренција се одржаа на Игрите во Сочи во 2014 година.
Сега двократната олимписка шампионка го освои своето второ злато со 284,8 поени, по скокови од 130,5 и 132 метри. Еирин Марије Квандал ѝ донесе на Норвешка двоен триумф со 282,7, додека Ника го заврши натпреварувањето со 271,5 поени.
Младата Словачка немаше среќа со условите за време на првиот скок, но во втората серија успеа да се подобри и да освои уште еден медал.
Ника ги завршува Зимските олимписки игри во Милано и Кортина со по едно злато, едно сребро и една бронза. Таа освои злато во екипна конкуренција, сребро на малата скокалница и бронза, како што веќе споменавме, на голема скокалница.
Постариот брат на Ника, Домен, додаде злато на големата скокалница во семејната колекција, и има шанса дополнително да го зголеми бројот на медали, бидејќи следува натпреварот во екипна конкуренција.
Foto/ EPA

