Спорт
Солзите на Ангеловски кажуваат многу – човекот кој ја трансформираше репрезентацијата

Игор Ангеловски, или како што некои го нарекуваат Мрме. Човекот кој седна на клупата на македонската репрезентација во 2015 година, кога навивачите беа целосно разочарани од резултатите и залагањето, и кога можеше да се каже дека го достигнавме нашето фудбалско дно.
Квалификациите за Европското првенство во 2016 година не можеа да бидат полоши – стартувавме со 5:1 пораз од Шпанија, а успеавме да загубиме од Луксембург. Бошко Ѓуровски доби отказ, на негово место дојде Љубинко Друловиќ, а бевме на последното место во нашата група. Горан Пандев не беше во репрезентацијата поради конфликт со федерацијата.
„Ова е голем предизвик за сите нас. Никој не може да гарантира успех, но можам да ветам многу работа. Не се плашам од одговорноста иако резултатите и пласманот на ФИФА-листата не ни одат во прилог. Ќе направиме сè што можеме да го поправиме впечатокот, бидејќи имавме фудбалери со силен карактер. Знам што значи репрезентацијата за сите нас и оттука нема поголем мотив да се вложам себе и тимот за подобри резултати“, изјави Ангеловски кога беше именуван за селектор.
Горан Пандев се врати по две години, но почетокот не беше сјаен – во првите четири меча од квалификациите за СП 2018 година немавме ниту еден поен. Сепак, потоа резултатите почнаа да се подобруваат и дојде шансата во Лигата на нации, новото натпреварување на УЕФА. Рангирани во најниското ниво (Д-лигата), во шест меча имавме 5 победи и 1 пораз за да обезбедиме пласман погоре (Лига Ц) и во исто време да ја добиеме шансата за пласман преку баражите со Косово и Грузија.
Joy? Relief? Pick your emotion as Igor Angelovski & North Macedonia qualify for the Euro finals. pic.twitter.com/CKBJDOjCBM
— Ed Wyatt (@edwyatt) November 12, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Четирикратниот олимписки шампион го сруши светскиот рекорд во Сингапур

Францускиот пливач Леон Маршан го сруши светскиот рекорд на 200 метри мешано на Светското првенство во Сингапур.
Четирикратниот олимписки шампион постигна резултат од 1:52,69 минути во полуфиналната трка.
Маршан го сруши светскиот рекорд поставен од Американецот Раџан Локти во Шангај во 2011 година за 1,31 секунда.
Финалето на 200 метри мешано на Светското првенство е закажано за четврток.
Фото: принтскрин
Спорт
Италија остана без планираното НБА-засилување

Донте ДиВинченцо нема да игра за Италија на претстојниот Евробаскет и покрај тоа што преговорите траеја неколку месеци и што во меѓу време доби пасош на оваа земја.
Бекот на Минесота беше вклучен во прелиминарниот состав на „Азурите“, што ја израдува целата нација со богатата кошаркарска историја. Кошаркарот од Делавер требаше да биде капитално засилување за Италија.
Иако во претходните месеци ја нагласуваше својата голема желба да ја претставува татковината на своите родители на Европското првенство, се случи ненадеен пресврт.
Поранешниот играч на Милвоки, Сакраменто, Голден Стејт и Њујорк Никс нема да носи дресот на Италија ова лето.
Наместо него, на списокот ќе биде натурализиран Американец, Дариус Томпсон, кој го напушти Анадолу Ефес и од наредната сезона ќе игра во Валенсија.
Фото/ Принскрин
Спорт
Сезоната во ПМФЛ ќе ја отвори дербито Вардар-Пелистер

На денешното извлекување во Хотел Хилтон во Скопје беа утврдени паровите за есенскиот дел од сезоната 2025/26 во Првата Македонска Фудбалска Лига. Сезоната 2025/2026 ќе започне на 8 август.
Новата сезона во Првата македонска фудбалска лига ќе почне со големото дерби. помеѓу Вардар и Пелистер.
Шампионот Шкендија, одбраната на титулата ја започнува на домашен терен против Шкупи. Силекс ќе биде домаќин на Брера, новите прволигаши Башкими и Арсими ќе се соочат во Куманово, Работнички ќе му гостува наТиквеш, а Струга ќе ја пречека Македонија ЃП.
На следниот линк можете да го погленете распоредот: