Првиот човек на Борусија Дортмунд, Ханс-Јоаким Вацке, во пресрет на четврт-финалниот реванш со Манчестер сити, во Лигата на шампионите, ја коментираше минатонеделната изјава на Пеп Гвардиола, дека Борусија троши многу пари за менаџерски провизии за да ги носи во клубот најголемите таленти.

Според официјалните податоци, минатата сезона во Дортмунд, за менаџерски провизии издвоиле 10 милиони фунти повеќе од Манчестер сити.

„Во последните пет години потрошија речиси една милијарда на нови фудбалери. За пет години!? Кој уште има можност толку да потроши? Гвардиола нема право да ги критикува другите“, рекол Вацке и дополнил.

„Кога започна пандемијата немавме никаков долг. Не должевме ниту едно евро. Поради тоа сега сме во кофорна позиција. Не мораме да продаваме, тоа е важно за нас. Догатите клубови, мора да разберат две работи, доколу сакаат некој наш играч. Прво немаат шанси и второ дека клубот ја одредува цената. Мора да знаат дека цената е таа и дека не постои ниту една друга. Нашето работење е јасно и поштено“.

Вацке, потврдил дека Ерлинг Халанд и наредната сезона ќе го носи дресот на Дортмунд.

„Здодевни ми се тие прашања. Јас знам во чии дрес че биде тој од 1.септември“.

Светскиот шампион во Формула 1, Луис Хамилтон, тврди дека новата сезона, која започна пред две недели, ќе биде полна со предизвици. Британецот смета дека актуелната сезона ќе биде најтешката во неговата кариера.

Луис Хамилтон, сезоната ја започна со победата на Големата награда на Бахреин. Возачот на Мерцедес, во драматична трка, успеа да победи пред возачот на Ред Бул, Макс Ферстапен.

Според прогнозите овие двајца ќе водат голема борба за титулата оваа сезона.

„На почетокот на сезоната не знаете каде точно се наоѓата, тоа ми се допаѓа. Мислам дека оваа 2021 ќе биде најтешка за мене, но и за тимот. Сето ова ќе биде голем поттик за сите нас“, рекол Хамилтон.

Тој дополнил дека Мерцедес има уште многу простор за напредок.

„Секоја трка е нов предизвик, не е лесно да се биде на врвот. Тоа што сум освоил толку шампионски титули не значи дека се имам под контрола“, дополнил освојувачот на седум титули во Формула .

Ханс-Дитер Флик, со Баерн Минхен, не успеа да ја повтори брилијантната мината сезона, кога со сите победи ја освои Лигата на шампионите. Баварците, синоќа, во четврт-финалето, ја предадоа титулата.

Иднината на Флик, во Баерн е неизвесна, не поради елиминацијата од ПСЖ, туку поради лошите односи што ги има со спортскиот директор Хасан Салихамиџиќ.

Не е тајна дека Фудбалскиот сојуз на Германија, сака Флик да ја преземе репрезентацјата по заминувањето на јоаким Лев. Флик го познава системот, тој долги години му беше помошник на Лев, заедно ја освоија светската руна на СП во Бразил.

Доколку Флик, репи да го напушти Баерн по завршувањето на сезоната, тогаш можат да се очекуваа тренерски рокади.

Баерн ќе се обидат да го донесат Јулијан Нагелсман од Лајпциг. Младиот тренер, бележи врвни резултати со Лајпциг, лани стигна до полу-финалето во Лигата на шампионите, а оваа сезона токму со Баерн се бори за шампионската титула во Бундес лигата.

Ако Лајпциг останат без тренерот, тогаш на неговото место ќе пристигне Џес Марш од Салцбург. Оваа рокада е логична бидејќи Ред Бул е сопственик на Лајпциг и Салцбург.