Уште една рунда од преговорите на релација Баерн Минхен-Давид Алаба завршила неуспешно. Според „Бил“, преговорите се одржале минатата недела. Договорот на Алаба со Баерн истекува по завршувањето на сезоната, според правилот Босман, тој во јануари ќе може да стапи во преговори со други клубови.

Плата на Алаба и провизијата за менаџерот Пини Захави ги прават преговорите неуспешни.

Алаба, од клубот, бара речиси 400.000 евра неделна плата, а менаџерот како провизија, доколку Алаба го продолжи договорот, сака да извлече од Баерн 20.000.000 евра.

Давид Алаба е играч на Баерн од 2008 година. Медиумите шпекулираат дека интерес за него има кај Барселона, Реал, Манчестер сити и Јувентус.

Супер лигата ќе стане реалност во 2022 година. Идејата е најдобрите или најбогатите европски клубови, по урнекот на НБА, да се натпреваруваат во една лига. Финансиската конструкција би изнесувала 6.000.000.000 долари. Парите треба да ги обезбеди американската банка Џеј Пи Морган. Поради тоа идејата за едно вакво натпреварување потекнала од Ливерпул и Манчестер Јунајтед, клубови чии сопственици се Американци.

Дека Супер лигата е реалност потврди синоќа и Џозеп Марија Бартомеу. Тој вчера си поднесе оставка на претседателската функција во Барселона, а на заминување изјавил дека го пријавил клубот за новото натпреварување.

Идејата е во Супер лигата да учествуваат 18 екипи, по четири од Англија, Шпанија и Италија и по три од Франција и Германија.

Покрај Манчестер Јунајтед и Ливерпул, од Англија би учествувале Челси и Манчестер сити, додека на своите места ќе чекаат Тотенхем и Арсенал.

Кандидати од Шпанија се Барселона, Реал, Атлетико и Севилја, а од Италија се шпекулира со имињата на Јувентус, Интер, Милан и Наполи.

Покрај ПСЖ, Франција би ја преставувале Марсеј и Лион, од Германија „сигурни“ се Баерн и Борусија Дортмунд.

Формирањето на една ваква лига во целост би ја урнала Лигата на шампионите, поради што првиот човек на УЕФА, Александар Чеферин, рекол дека тоа би било „себично натпреварување кое не ги почитува фудбалските вредности“.

Вечерва, со натпреварите во групите Е, Ф, Г и Х, ќе биде комплетирано второто коло во Лигата на шампионите. Дербито ќе се одигра во Торино, каде што Јувентус без Кристијано Роналдо ќе ја пречека Барселона. Интересен може да и натпреварот помеѓу Манчестер јунајтед и лидерот во Бундеслигата, Лајпциг.

Вечерашните пресметки ќе почнат во 18.55 часот со дуелите помеѓу Башакшехир и ПСЖ, односно Краснодар и Челси. Другите шест натпревари на програмата се во 21 часот.

Јувентус и Барселона имаат проблем со формата, клубот од Торино двапати играше нерешено во Серија А, а во ЛШ го победи Динамо во Киев, Барса исто така влезе со победа над Ференцваротш во новата сезона во ЛШ, но во Ла Лига врза два пораза.

Фудбалските фанови нема да го видат дуелот на Роналдо и Меси бидејќи Португалецот сè уште е позитивен на коронавирусот.

Група Е:

Краснодар-Челси 18.55 ч
Севилја-Рен 21 ч

Табела: Краснодар 1, Рен 1, Севилја 1, Челси 1

Група Ф:

Клуб Бриж-Лацио 21 ч
Борусија Дортмунд-Зенит 21 ч

Табела: Лацио 3, Бриж 3, Зенит 0, Борусија 0

Група Г:

Ференцварош-Динамо Киев 21 ч
Јувентус-Барселона 21 ч

Табела: Барселона 3, Јувентус 3, Динамо 0, Ференцварош 0

Група Х:

Башакшехир-ПСЖ 18.55 ч
Манчестер јунајтед-Лајпциг 21 ч

Табела: Лајпциг 3, Манчестер јунајтед 3, ПСЖ 0, Башакшехир 0.