Спорт
„Трансферите на Халанд и Нуњез се добри за Премиер лигата“

Англискиот репрезентативец и играч на Тотенхем Хари Кејн изјави дека доаѓањето на Ерлинг Холанд и Дарвин Нуњез е „добра работа“ за Премиер лигата. Халанд од Борусија Дортмунд премина во Манчестер Сити, додека Нуњез во Ливерпул пристигна од португалска Бенфика за клупски рекорд од 100 милиони евра.
„Врвните напаѓачи од целиот свет со години играат во Премиер лигата. Нормално е врвните напаѓачи да сакаат да играат во Премиер лигата, а овие два потписи го покажуваат тоа. Тоа е добра работа за лигата“, изјави Кејн.
Кејн пред дуелот меѓу Англија и Унгарија во Лигата на нации изјави дека „добрата конкуренција“ му помага да напредува.
„Се обидувам да останам фокусиран. Пред почетокот на секоја сезона имам цели кои сакам да ги постигнам. Се трудам да не обрнувам премногу внимание на другите играчи. Мое е да продолжам да работам напорно и да се подобрувам”, додаде Кејн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Виљареал и Барселона сепак нема да играат во САД

Шпанската фудбалска лига ја информираше јавноста дека се повлекува од „продажба“ на лигашкиот натпревар помеѓу Виљареал и Барселона на американскиот пазар.
Овој дуел требаше да се игра на 20 декември во Мајами, што предизвика бунт кај навивачите на шпанските клубови. Сепак, дури кога фудбалерите се придружија на протестите (стоејќи мирно првите 15 секунди од натпреварите), челниците на Ла Лига попуштија и ја откажаа „посетата“ во Флорида.
„Ла Лига информира дека, по разговорите со промотерот на натпреварот во Мајами, тој донесе одлука да го откаже настанот поради неизвесноста што владееше во Шпанија во последните недели“, се вели во соопштението.
Лигата изрази жалење што не може да ја искористи „оваа историска можност“ за да организира прв натпревар од шпанското првенство во странство. Обидите на Ла Лига да одржи натпревар во САД датираат од 2018 година, кога Барселона и Џирона требаше да играат натпревар исто така во Мајами, но и тој проект беше блокиран.
Спорт
(Видео) Арсенал убедлив против Атлетико, ПСЖ и ПСВ ги растурија Баер односно Наполи

Седум натпревари се одиграа во ударниот термин од 21 часот во третото коло од Лигата на шампионите. Натпреватите ги обележаа убедливите победи на Арсенал над Атлетико Мадрид (4:0), ПСВ над Наполи (6:2), а ПСЖ победи во Леверкузен со (7:2).
Атлетико Мадрид на „Емирати“ во Лондон, влезе во црна дупа во периодот од 57-та до 70-та минута. Тогаш Арсенал постигна четири гола. До првиот гол, ривалите беа рамноправни на теренот и покрај тоа што Арсенал имаше повеќе од поседот на топката.
Наполи никогаш во историјата не примил шест гола во Лигата на шампионите. Тоа му се случи вечерва во Ајндховен. Наполитанците водеа со 0:1, а потоа им се случи вистински потоп.
Актуелниот европски првак, ПСЖ, држеше час по фудбал во Леверкузен. Избраниците на Луис Енрике седум пати ја погодија мрежата на Баер. Еден гол постигна и „Златната топка“, Усман Дембеле, кој го одигра првиот натпревар уште одд крајот на август.
Резултати: Копенхаген – Борусија Дортмунд 2:4, Њукасл – Бенфика 3:0, ПСВ Ајндховен – Наполи 6:2, Арсенал – Атлетико Мадрид 4:0, Виљареал – Манчестер Сити 0:2, Унион СЖ – Интер 0:4 и Баер Леверкузен – Пари Сен Жермен 2:7.
Foto/ EPA
Спорт
Вардар 1961 со победа се враќа од Тулуз

Ракометарите на Вардар 1961 ја забележаа втората победа во Европската лига. Вечерва во Тулуз, екипата на Иван Чупиќ славеше со 28:26.
Вардар 1961 го растури Тулуз во првиот дел, на полувремето резултатото беше 18:11. Тулуз не се предаде, во вториот дел ја истопи предноста на црвено-црните на само еден гол (23:22).
Сепак Вардарци не ја испуштија победата, се конслидираа, со предност од четири гола влегоа во последните пет минути, па Тулуз немаше ни време, ни сили да ја оспори победата на македонскиот вице-првак.
Јака Малус со 6 гола беше најефикасен кај Вардар.
Во вториот натпревар од групата на Вардар, екипите на Сесвете и Кристијанштад одиграа нерешено 32:32.
Foto/ rkvardar.com.mk