Актуелниот шампион, Новак Ѓоковиќ се намачи со светскиот рекет број 81., Кореецот Сунву Квон, но по речиси два и пол часа игра на „Централниот терен“ на Вимблдон, стигна до 6:3/3:6/6:3/6:4 победа за пласман во второто коло, каде што ќе игра со подобриот од мечот помеѓу Австралиецот Танаси Кокинакис и Полјакот Камил Мајхржак.

Србинот имаше доста проблеми против тенисер кој не е познат како специјалист за игра на трева, посебно во вториот сет, кој го загуби, но и на почетокот на третиот сет. Нервозата кај него беше очигледна, но на крајот тој стигна до брејк и до освојување на третиот сет, по што рутински ја запечати победата.

Дел од мечевите на Вимблдон беа одложени поради веќе „традиционалниот“ дожд во британската престолнина. Во второто коло се и домашниот миленик Камерон Нори по 6:0/7:6(3)/6:3 победата над Пабло Андухар, како и младиот Американец, Френсис Тиафоу по 6:4/6:4/6:4 триумфот над Италијанецот Андреа Вавасори.

Барселона го објави нивниот нов гостински дрес за сезоната 2022/23, со олимпиското злато како инспирација во знак на одбележувње на 30-годишнината на Олимписките игри во Каталонија – со боите на петте олимписки круга на ракавите и со мапа на Барселона како позадина.

Новиот дрес е промовиран со паролата: „Оганот живее“ и со порака дека „начинот на кој олимпискиот дух го движеше градот Барселона кон новата ера уште гори и е дел од секојдневниот живот на сите мажи и жени“.

Како и домашниот дрес за 2022/23, дресовите кои ќе ги носат фубалерите и фановите се изработени од 100 отстотен полиестер, произведен од рециклирани пластични шишиња.

Inspired by Barcelona ’92. A kit for a golden age. pic.twitter.com/yzTOGpumsM

— FC Barcelona (@FCBarcelona) June 27, 2022

Формула 1 шампионатот планира да користи одржливо гориво до 2026 година како дел од ветувањето за постигнување на карбонска „неутралност“ до 2030 година.

Новите хибридни мотори, кои треба да почнат да се користат од 2026 година ќе користат целосно синтентичко гориво, за кое подоцна се надеваат дека ќе се користи во стандардните мотори со внатрешно согорување и ќе биде прифатено од автомобилската инустрија. Според „Би-би-си“, само 1 отсто од светските автомобили биле електрични или хибридни во 2020 година.