Спорт
„Тренерска вртелешка“ во Милан – девет различни тренери од 2014
Тренерската „сага“ на Милан како да нема крај. По отпуштањето на Макс Алегри во јануари 2014 година, „росонерите“ имаа осум различни тренери, а Стефано Пиоли ќе биде деветтиот по отказот кој го доби Марко Џампаоло.
„Немирите“ во Милан не се само на клупата – во тој период клубот имаше три различни сопственици и повеќе директори.
По заминувањето на Алегри, Милан го ангажираше помошникот Мауро Тасоти за еден натпревар, пред на клупата да седне легендата на клубот, Кларенс Сидорф до крајот на сезоната. Пипо Инзаги доби шанса од младинскиот Примавера тим и тој изддржа една сезона. Синиша Михајловиќ доби неочекувана шанса, но беше отпуштен во април 2016, по што Кристијан Броки ја презеде одговорноста до крајот на сезоната.
Винченцо Монтела беше еден од ретките кој изддржи повеќе од една сезона и единствениот кој освои титула, освојувајќи го Италијанскиот Суперкуп против Јувентус на пенали. Монтела беше отпуштен во ноември 2017 и Џенаро Гатузо доби шанса, повторно од Примавера тимот. Рино остана цела сезона 2018/19 и потоа си замина пред да добие отказ.
Марко Џампаоло беше најавуван како тренер со амбициозен и „филозофски“ фудбал, но изддржа само седум натпревари и 111 дена, за нов рекорд.
Последен пат, Милан беше во топ 4 во Серија А во 2012/13.
Најавената замена за Џамаполо, Стефано Пиоли исто така не ги задоволува желбите на навивачите на „росонерите“, посебно бидејќи е познато дека се работи за страствен навивач на Интер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.