Спорт
Тухел ќе го исфрли Лукаку од составот за дербито со Ливерпул?
Томас Тухел размислува да го изостави Ромелу Лукаку од составот на Челси за денешното дерби со Ливерпул по неговото контроверзно интервју кое беше објавено оваа недела и кое предизвика бура реакции меѓу навивачите на Челси.
28-годишниот Лукаку во интервјуто за „Скај спортс Италија“, за кое не бил информиран клубот, јавно кажува дека не е задоволен во Челси поради тактиката на Тухел, и носталгично зборува дека би сакал да се врати во Интер додека е „на врвот на кариерата“. Тој исто така вели дека чекал понуда од Реал Мадрид, Барселона или Баерн Минхен, но дека кога не стигнала понуда, решил да замине во Челси.
Интервјуто се објавува три недели откако биде објавено, токму во време кога дојде до падот на формата на „сините“.
Според порталот „Гол“, Тухел размислува да го исклучи целосно од тимот за супер-важниот меч со Ливерпул, кој двата тима мораат да го добијат ако сакаат да го заддржат темпото со лидерите Манчестер сити. Тухел досега беше релаксиран во односите со медиумите, но во петокот по објавувањето на интервјуто призна дека ќе зборува со Лукаку и дека интервјуто доаѓа во „незгодно“ време за клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA