Манчестер сити ќе почекаат барем уште едно коло за да ја прослават шампионската титула во Премиер лигата. „Граѓаните“, во дербито на 35.коло, загубија од Челси со 1:2 (1:0). Овој дуел беше генерална проба пред соочувањето на двата тима во финалето на Лигата на шампиони.

Двата тима во дербито влегоа по тешките полу-финални мечеви во Лигата на шампионите. Поради тоа менаџерите Пеп Гвардиола и Томас Тухел започнаа со комбинирани состави.

Во првото полувреме немаше возбудувања се до самиот финиш. Во 44.минута грешката на Кристенсен иницираше акција на Сити, која со гол ја заврши Стерлинг. Во наредниот напад, Сити добија пенал и можност да го решат натпреварот.

Топката ја зеде најдобриот стрелец во историјата на Сити, Серхио Агуеро, се обиде со Паненка, но се посрамоти за сите пари. Менди лесно ја фати топката.

Во второто полувреме, Челси успеаја да направат пресврт. По грешката на Родри и асистенцијата на Аспликуета, Зијеш израмни во 63.минута.

Сити, во 87.минута бараа пенал по старто на Зума врз Стерлинг, меѓтуао судијата Тејлор само одмавна со раката.

На истекот на натпреварот, во 92.минута, Вернер нафрли, а Маркос Алонсо го совлада Едерсон за конечни 1:2.



Баерн Минхен ја декласира Борусија Менхенгладбах со 6:0, за потврда на деветата титула по ред во Бундес лигата. Баерн и пред овој меч ја обезбедија титулата, благодарение на поразот на Лајпциг во Дортмунд.

Баерн до триумфот дојдоа со хет-трик на Роберт Левандовски. Полјакот во досегашниот дел од првенството има постигнато 39 голови, еден му недостига да го израмни апсолутниот рекорд на Герд Милер, а два тој да стане рекордер.

Баерн во првото полувреме постигнаа четири гола, два пати стрелец беше Левандовски, а по еден гол постигнаа Милер и Коман. Во второто полувреме Левандовски го комплетираше хет-трикот, а точка на мечот стави Сане.



Интер ја прегази Сампдорија со 5:1, во првиот натпревар по освоената титула во Серија А. Фудбалерите на Антонио Конте, минатиот викенд, по поуза од 11 години, ја освоија титулата во Италија.

По само четири минути игра Гаљардини го постигна првиот гол. Алексис првиот од двата гола го постигна во 26.минута. Сампдорија намали преку Балде во 35.минута, а во следниот напад Алексис Санчез ја врати предноста од два гола на страната на Интер.

Во вториот дел Интер постигна уште два гола, преку Пинамоти во 61. и Лаутаро Мартинез во 70.минута.

Интер во среда ќе игра против Рома, а наредната сабота ќе го гостува кај Јувентус.