Давид Малинковски го освои петтото место на втората трка на „Словакиа ринг“, што се возеше денеска во рамки на FIA CEZ натпреварувањето во Твинго Купот.

Тој воедно беше и најдобропласиран од македонските возачи, додека Владимир Тренески беше седми, односно втор во бодувањето за домашниот шампионат, а Мартин Костовски заврши десетти или трет меѓу Македонците.

Малинковски возеше фантастична трка и веднаш по стартот успеа да се пробие до четвртата позиција. На некаде 10 минути до крајот на трката, нашиот возач дури успеа и да го преземе водството. Тој постојано беше при врвот во групата од осум автомобили, кои постојано се менуваа на првите неколку позиции. Во финишот, Малинковски падна до седмата позција, но во поседните неколку свиоци Младеновиќ и Ивануша имаа контакт по што излетаа од патеката, а Малинковски го запечати петтото место на трката.

Лука Глазер на крајот во фото-финиш мина прв низ целта, пред вчерашниот победник Ник Стефанчич и Урбан Јеловчан.

Останатите наши натпреварувачи, Ангелче Стојковски заврши на 15.место, Емил Нацка беше 18-ти, Зоран Мираковски на 20.место, а Ненад Костовски беше 22.место.

Милан Ѓорѓевиќ успеа да комплетира само два круга пред да излезе од патеката.

(ПР текст)

Во сенка на големите вчерашни протести на навивачите против газдата Петер Лим, Валенсија стигна до убедлива 3:0 победа над Валјадолид со која практично обезбеди опстанок во Ла лига, цел која секако нема да ги задоволи навивачите на славниот тим.

Максимилијано Гомез постигна два гола еден во финишот на првото полувреме, и еден на стартот на второто за да ја осигура победата, пред Тјери Кореа во 89. минута да стави печат на победата на „лилјаците“.

Со трите поени, Валенсија се на 13. место на табелата со 39 поени, додека Валјадолид се во далеку поопасна ситуација на 18. место со 31 поен,  само еден пред Елче и Уеска во зоната за испаѓање на само три кола до крајот.

ЛА ЛИГА, 35.КОЛО

Валенсија – Валјадолид 3:0

Хетафе – Еибар 0:1

Навивачите на Валенсија на улица, газдата Лим им порачува: Имате птици во главата

ФК Вардар, убедливо најуспешниот македонски фудбалски клуб, 11-кратен освојувач на првенството и 5-кратен освојувач на Купот на Македонија, официјално испадна во втората лига, откако на гостувањето во Струга загубија со 1:0.

Со ова се става точка во најтешката сезона во историјата на „црвено-црните“, кои се во бездна по повлекувањето на спонзорот Сергеј Самсоненко, само една година откако ја освоија својата 11-та титула. На Вардар му беа потребни две победи во последните две кола од шампионатот, но и порази за Академија Пандев, Силекс и Ренова, и тоа не успеаја да го направат на гости кај Струга, која пак, со оваа победа се постави во позиција за Конференциската лига на УЕФА.

Ова е прво испаѓање на Вардар од Првата лига, ако не се смета сезоната 2010/11, кога официјално испаднаа од лигата, пред да се спојат со ФК Миравци, и да го преземат нивното новосвоено место во елитата.

Струга сега се трети, откако Македонија Ѓорче Петров во возбудлив натпревар загуби со 3:4 од новиот шампион Шкендија, иако двапати се враќаа во натпреварот.

Фото: ФК Вардар

ПРВА ЛИГА, 32.КОЛО

Беласица – Академија Пандев 0:2

Борец – Ренова 2:0

Македонија ЃП – Шкендија 3:4

Работнички – Силекс 3:1

Шкупи – Пелистер 0:0

Струга Трим Љум – Вардар 1:0

Табела: 1.Шкендија 74, 2.Шкупи 58, 3.Струга 54, 4.Македонија ЃП 52, 5.Работнички 47, 6.Пелистер 42, 7.Борец 40, 8.Академија Пандев 38, 9.Силекс 36, 10.Ренова 35, 11.Вардар 31, 12.Беласица 17.