Спорт
Ван Бастен исфрлен од ФИФА 20

Прославениот холандски фудбалер Марко Ван Бастен пред неколку дена ја шокираше јавноста со срамната шега на темата „холокауст и геноцид“. Легендата на Милан, кој работи како коментатор на холандската телевизија „Фокс Спорт“ во емисија во живо го кажал нацистичкиот поздрав „Зиг Хајл“.
Ван Бастен мислел дека од режијата го исклучиле неговиот микрофон откако завршил разговорот помеѓу новинарот на телевизијата и тренерот на Хералклес Франк Вормут. Но наци поздравот јасно се слушнал во преносот.
По инцидентото тој веднаш се извинил, но тоа не му помогна многу. Телевизијата му изрече суспензија од една недела, а неговиот хонорар е дониран во Институтот за истражување на војната, холокаустот и геноцидот.
Во текот на Втората светска војна убиени се 105.000 Евреи од Холандија. Поради тоа јавноста во земјата побара тој да добие отказ.
Откако приказната излезе во јавноста издавачот и дистрибутерот на видео-игрите „Електроник Арста (ЕА)“ го исфрли Марко Ван Бастен од играта ФИФА 20.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ ја одбрани шампионската титула

Фудбалерите на Пари Сен Жермен на шест кола до крајот на сезоната ја одбранија шампионската титула во Франција.
„Светците“ на домашен терен го совладаа Анже со 1:0 во мечот од 28. коло од Лига 1 и ја освоија 13. титула во националниот шампион, четврта во низа.
Решавачкиот гол попладнево го постигна младиот Дезире Дуе на асистенција на Хвича Кварацхелија во 55. минута.
Парижаните со натпревар повеќе стигнаа до 74 бода, дури 24 повеќе, во однос на второпласираниот Монако.
ПСЖ во моментов е најуспешниот тим во Франција со 13 освоени шампионски титули. Следуваат Сент Етјен и Олимпик од Марсеј со по 10.
Спорт
(Видео) Чудо во Мадрид – По пауза од 17 години Валенсија победи на „Бернабеу“

Валенсија среде Мадрид го шокира Реал во 30.коло и веројатно ја забележа клучната победа во борбата за опстанок. „Лилјаците“ победија со 2:1, а голот за победа го постигна поранешниот играч на Реал, Уго Дуро во 95.минута. Овој пораз претставува тежок удар за шампионските амбиции на Реал.
Натпреварот на „Бернабеу“, покрај стрелецот Дуро, го обележаа апсолутниот херој на Валенсија, голманот Мамардшвили и трагичарот кај Реал, Вунисиус.
Грузиецот му одбрани пенал на Винисиус во 13.минута, а во текот на натпреварот имаше уште неколку брилијантни интервенции.
Винисиус не успеа да го реализира вториот пенал по ред, претходно не погоди и против Атлетико во Лигата на шампионите.
Откако Винисиус го промаши пеналот, казната Реал го стигна во 15.минута кога Дијакаби и донесе предност на Валенсија.
Винисиус се искупи за промашениот пенал во 50.минута кога го изедначи резултатот. Реал потоа нападна со сите сили, но Мамрдашвили не дозволи уште еднаш да биде совладан.
Наместо тоа Дуро го шокира „кралскиот клуб“ со што и ја донсе на Валенсија првата победа на „Бернабеу“ по пауза од 17 години.
Спорт
(Видео) Палас со деветмина го победи Брајтон, Вулверхемптон ја забележа клучната победа за опстанок

Кристал Палас со дветмина го заврши дуелот со Брајтон, но успеа да победи. Ипсвич полека се пакува за Чемпионшип, откако загуби од Вулверхемптон. Вест Хем и Борнмут одиграа без победник.
Кристал Палас го заврши мечот против Брајтон со девет фудбалери, но успеа да триумфира. Тимот од Лондон поведе во третата минута со голот на Матета, но гостите израмнија преку Велбек.
Домашните обезбедија ново водство преку Муњоз, тој погоди во 55. минута, а се покажа дека тогаш е поставен конечниот резултат. До крајот на натпреварот црвени картони добија Нкетија и Гуехи, исклучен беше играчот на Брајтон Ван Хеке, но мрежите останаа мирни.
На дуелот меѓу Вест Хем и Борнмут немаше победник (2:2). Гостите поведоа преку Еванилсон во 38. минута, израмни Фулкруг во 61. а само седум минути подоцна пресврт обезбеди Бовен. Сепак, со својот втор гол во 79. минута Еванилсон го постави конечниот резултат.
Ипсвич имаше последна шанса да го фати возот за опстанок, против директниот ривал Вулверхемптон и се одеше според планот во првите 45 минути.
Во 16. минута Делап им донесе предност на „тратористите“,. Вториот дел им припадна на гостите.
Сарабија изедначи во 72. минута, а 12 минути подцна му асистираше на Ларсен кој погоди за триумф на Вулверхемптон.