Спорт
(Видео) Најдобриот голман на светот нападна полицаец, се огласи и Меси
Јужноамериканскиот темперамент дојде до израз на натпреварот помеѓу Бразил и Аргентина во квалификациите за Светското првенство во 2026 година.
„Гаучосите“ славеа со резултат 1:0 на Маракана, но тоа остана во сенка на хаосот во кој учествуваа гостинските навивачи и полицијата.
Поради ова мечот доцнеше половина час, а во меѓувреме се појавија и снимки од хаосот на трибините.
Пред да оди во соблекувалната, во целата приказна се вклучи и аргентинските репрезентативци, а потегот на Емилијано Мартинез, официјално најдобриот голман на светот, кој нападна бразилски полицаец, го обиколи светот.
Emi Martinez isn’t happy with how the police handled the situation pic.twitter.com/bxg8J80HZ2
— Leo Messi 🔟 Fan Club (@WeAreMessi) November 22, 2023
Капитенот на Аргентина, Лионел Меси даде свој коментар за случувањата на познатата Маракана.
„Ова беше тешко за нас. Видовме како ги тепаат луѓето со палки. На трибините имаше и семејства на фудбалерите. Се повлековме во соблекувалната затоа што сакавме да ја смириме ситуацијата. Не можевме ништо да направиме. Гледавме како удираат луѓе, како ги туркаат. Можеше да се случи трагедија. Играчите се прашуваат како им се семејствата“, изјави Меси и додаде:
„Повеќе сте фокусирани на луѓето отколку на играта. Во тој момент натпреварот и играта не беа важни“.
Аргентина, инаку, има 15 бода, додека Бразил има само седум бода од шест натпревари.
Brazilian police giving a baton to a Brazilian fan so he could attack Argentinians.
This is crazy. Disgrace. pic.twitter.com/01ppZmVdqt
— All About Argentina 🛎🇦🇷 (@AlbicelesteTalk) November 22, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.