Спорт
(Видео) Аматерски грешки на Алисон – Арсенал го победи Ливерпул
Арсенал му го нанесе вториот пораз на Ливерпул во Премиер лигата. Во дербито одиграно во 23.коло, Арсенал славеше победа 3:1 (1:1). Со овој триумф Арсенал ја намали предноста на Ливерпул на два бода.
Ливерпул втор пат сезонава гостуваше во северен Лондон и го доживеа вториот пораз. Арсенал беше подобар противник, но победата на „тобџиите“, со две аматерски грешки им ја подари голманот Алисон Бекер.
Подобрата игра од стартот на натпреварот Арсенал ја круниса со гол во 14.минута. Хаверц излезе сам пред Алисон, Базилецот го одбрани неговиот удар, но топката се одби до Сака кој ја спроведе во мрежата.
Ливерпул во првиот дел не покажа ништо, но на полувреме замина со 1:1. Во 48.минута незмасна реакција на Салба и голманот Раја, Дијаз играше со топката, а Габриел си постигна авто-гол.
А вториот дел му припадна на Алисон Бекер, па и на капитенот на Ливерпул Ван Дајк. Во 67.минута двајцата аматерски реагираа, дозволија една долга топка да мине меѓу нив двајца, а Мартинели немаше проблем да ја смести во голот.
Во 88.минута Конате го доби вториот жолт картон. Три минути подоцна, Тросар постигна гол низ нозете на лошо поставениот Алисон.
Ливерпул е лидер со 51 бод, Арсенал има два помалку, трет е Манчестер сити со 46 бода и два натпревари помалку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.