Спорт
(Видео) Гвардиола дивееше по ремито со Брентфорд, па одржа бизарна прес-конференција

Манчестер сити во 21. коло од Премиер лигата на гостувањето кај Брентфорд испушти предност од два гола во само 10 минути. Сити со головите на Фил Фоден имаше водство 0:2, но тогаш Виса и Норгард погодија за 2.2.
Но, реалноста на Сити и по оваа пропуштена победа е дека се бори за четвртото место сезонава и за пласман во Лигата на шампионите. По ова реми, Манчестер сити е шести во Премиер лигата со 35 бодови, исто толку колку и петтопласираниот Њукасл, но со натпревар помалку.
Фудбалерите на Сити беа исцрпени по последниот судиски свиреж, а штом судијата го означи крајот на натпреварот менаџерот Пеп Гвардиола се упати кон Јошко Гвардиол.
Шпанскиот тренер делуваше луто и многу темпераментно му објаснуваше нешто на хрватскиот дефанзивец. Откако разговараше со него, тој премина кај голманот Стефан Ортега и исто толку страсно му објасни, со изразени гестови, викање, гушкање и лесни тупаници.
Со оглед на тоа што камерите уловија што прави и како изгледа Гвардиола, на прес-конференцијата по натпреварот новинарите се интересираа што им зборувал на Гвардиол и Ортега. Менаџерот рече дека е воодушевен од настапот на двајцата.
„Разговаравме за тоа колку добро играше. Тој одигра неверојатен натпревар”, изјави Гвардиола за Гвардиол. „Разговаравме за една акција, исто е и со Ортега, му кажав колку добро играше, колку добро му додаде на Ерлинг и особено сум задоволен од нив двајца“.
Pep Guardiola GOES OFF at Stefan Ortega after Manchester City blew a two-goal lead 😡
Watch 📲 https://t.co/pw74sTKZ7u pic.twitter.com/r4ju4KX6zq
— Optus Sport (@OptusSport) January 14, 2025
Ова не е единствениот чуден одговор на Гвардиола на новинарските прашања, легендарниот тренер продолжи да дава бизарни изјави. Еве уште неколку:
Дали сте задоволни со бодот против Брентфорд?
Да, така е како е.
Наскоро ќе потпишете со Абдукодир Кусанов, Витор Реис и Омар Мармуш?
Немам што да кажам.
Дали Кајл Вокер повторно ќе игра за Сити?
Го кажав тоа што го кажав. Немам што повеќе да кажам.
Стрелецот Фоден рече дека сте ја испуштиле предноста од два гола затоа што тимот бил уморен?
Да, затоа го заменив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Страшен пад на најдобрата скијачка во светот

Италијанската скијачка Федерика Брињоне, победничка на овогодинешниот Светски куп, заработи исклучително тешка повреда.
Федерика Брињоне се здоби со повеќе скршеници на ногата откако падна во велеслаломот што се одржа во рамките на италијанскиот шампионат.
Брињоне падна на патеката Вал ди Фаси откако изгуби контрола над скиите. Со хеликоптер била префрлена во најблиската болница, во Трент.
Италијанската скијачка федерација веднаш соопшти дека Брињоне се здобила со повеќе сложени скршеници на тибијата и главна фибула на левата нога и дека во најбрз можен рок ќе биде префрлена во Милано на дополнителни прегледи, по што ќе биде донесена одлука за операција.
Италијанските медиуми наведуваат дека тоа значи дека Брињоне нема да може да скија до неколку месеци пред Олимписките игри, чиј домаќин следната година ќе биде Кортина.
Fratture multiple a tibia e perone per Federica Brignone, caduta rovinosamente durante la seconda manche dello slalom gigante ai Campionati italiani assoluti in Val di Fassa. La campionessa del mondo sarà operata a Milano pic.twitter.com/mSMu95yhkm
— Tg3 (@Tg3web) April 3, 2025
Спорт
Заврши сезоната за Габриел

Најдобриот дефанзивец на Арсенал, Габриел Магаљаеш, ја заврши сезоната. Најлошата можна информација Микел Артета ја доби шест дена пред првиот четвртфинален натпревар во Лигата на шампионите против Реал Мадрид.
Габриел се повреди пред два дена против Фулам, во Премиер лигата. На теренот мина само 15 минути.
Бразилецот заработи повреда на задната ложа, а бидејќи се работи за тешка повреда која бара операција, 27-годишниот стопер ќе мора да закрепнува неколку месеци.
„Габи ќе биде опериран во наредните денови и веднаш ќе започне со програма за опоравување и рехабилитација, со цел да биде подготвен за почетокот на следната сезона“, се вели во соопштението на Арсенал.
Спорт
Челси нуд 70 милиони за Ендрик

Реал Мадрид во вторникот избори пласман во финалето на шпанскиот Куп. Избраниците на тренерот Карло Анчелоти во реваншот одиграа 4:4 со Реал Сосиедад по продолженијата и благодарение на победата од 0:1 во првиот меч влегоа во борбата за титулата.
Стрелец на првиот гол на Реал беше Ендрик, 18-годишен Бразилец кој ја игра првата сезона во клубот. Досега одигра 29 натпревари, најмногу како резерва, акумулираше 562 минути на теренот. Тој постигна седум гола.
„Дефенса централ“, медиум специјализиран за следење на Реал, тврди дека на „Бернабеу“ по натпреварот со Сосиедад пристигнала понуда од 70 милиони евра за Ендрик. Според овој извор понудата била испратена од Челси.
„Челзи веќе некое време го следи младиот Бразилец и бара напаѓач кој би бил стартер следната сезона. Тие веруваат дека Ендрик е идеалното решение, поради што испратија конкретна понуда од 70 милиони евра за напаѓачот на Реал. На „Станфорд Бриџ“, веруваат дека со атрактивна финансиска понуда и со гаранција дека ќе биде прв напаѓач ќе можат да го привлечат младиот Бразилец“, пишува „Дефенза централ“ и тврди дека Реал нема намера да го продаде Ендрик.
Инаку, Ендрик има договор со Реал до 30.јуни 2030 година.