Спорт
(Видео) Леброн им пресуди на Феникс Санс и урна негативен рекорд
 
																								
												
												
											Лос Анџелес Лејкерс, во Аризона, славеа победа во дуелот со Феникс Санс 122:119. „Езерџиие“ ги предводеше Леброн Џејмс, кој на овој натпревар постави и еден негативен рекорд.
Леброн натпреварот го заврши со 32 поени, 11 скока, шест асистенции и по една блокда и украден топка.
Но и покрај одличниот настап и победата, Леброн е главна тема на социјалните мрежи. Причина се загубените топки. Синоќа имаше четири, со што ја мина границата од 5.000 загубени топки во кариерата и стана првиот човек во историјата на НБА кој стигнал до овој неславен рекорд.
Here’s the landmark 5000 turnovers for Lebron. Kinda disappointed they didn’t stop the game and drop the confetti’s pic.twitter.com/9mkdsBasdl
— 🅴  (@DubMnE) November 11, 2023
Леброн против Феникс о одигра 1.430 натпревар во кариерата, само во регуларниот дел од сезоната: Тој се наоѓа на осмото место на вечната листа, но само Карим Абдул-Џабар и Карл Мелоун имаат одиграно повеќе минути од него.
За споредба, седум играчи надминаа 4.000 загубени топки. Станува збор за кошаркари кои веќе се членови или во иднина ќе влезат во „Куќата на славните“.
Меѓу нив се Џон Стоктон и Џејсон Кид, кои заедно со Меџик Џонсон важат за најдобрите плејмејкери во историјата, како и Коби Брајант. Единствениот активен играч меѓу нив е Расел Вестбрук со 4469 на третото место, зад Карл Мелоун (4524) и пред Мозес Мелоун (4264).
Тоа не ги спречи хејтерите да уживаат и со потсмев да го нарекуваат Џејмс крал на изгубените топки и да ги преплават социјалните мрежи со соодветни мемиња.
Lebron James is the first person in the history of any basketball league known to man to ever surpass 5000 turnovers! pic.twitter.com/ky3hb1YbVO
— I'm 60% Huey & 41% Riley (@JewelzFinazzo) November 11, 2023
Congratulations, LeBron #5000 Turnover King of the World! pic.twitter.com/Uk5i40zI78
— Brandon (@clickthatfollow) November 11, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Официјално – Лучано Спалети го презеде Јувентус
 
														Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
 
														Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот. 
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
 
														Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											