Спорт
(Видео) Лудо „Мадрилењо“ дерби – Атлетико во 93.минута го шокира Реал
Реал и Атлетико одиграа без победник 1:1 во дербито во 23.коло во Примера. Атлетико го шокираше градскиот ривал со гол во 93.минута.
„Мадрилењо“ ги оправда очекувањата, а сигурно е дека ќе има многу рекации од двете страни на судењето. ВАР на Атлетико му поништи гол во 48.минута. Спорна е позицијата на Саул во моментот кога Савиќ го матираше Лунин. Од друга страна Реал бараше најстрога казна во две ситуации. По дуелот на Саул и Лукас Васкез и потоа по дуелот на Савиќ и Белингем.
Реал во дербито влезе без Ридигер и Винисиус кој се повреди на загревањето. На местото на Бразиелцот, Анчелоти го стави Брахим Дијаз, кој беше најдобар на теренот.
Имаше среќа да постигне гол во 20.минута. Одлично се снајде по еден карамбол пред голот на Атлетико и лесно ја префрли топката преку Облак. Имаше Дијаз уште една голема шанса во вториот дел, кога лесно ги исфрли Ермосо и Витсел, но ударот не беше добар. Голема шанса во втриот дел имаше и Родрого, но неговиот удар го одбрани Облак.
Атлетико во првиот дел се закани преку Мората, Витсел, Савиќ и Саул. Ударите на Савиќ и Саул не беа прецизни, а Лунин ги одбрани ударите на Мората и Витсел.
Во втроиот дел најдобрата шанза за „јорганџиите“ ја имаше Гризман. Се обиде атрактивно со петица, но Лунин не дозволи да биде изненаден.
Атлетико изедначи во 93.минута, со голот на екс играќот на Реал, Маркос Љоренте. Долга топка испрати Савиќ, на работ од 16.метри Депај ја префрли во средината, на неа налета Љоренте и ги постави конечните 1:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.