Спорт
Загреб по пенал-драмата против Мешков, на „сметка“ на Вардар во финалето на СЕХА лигата
ППД Загреб го совлада Мешков Брест на пенални со 6:5 откако регуларниот меч заврши 32:32 за тимот на Ивица Обрван да обезбеди четврто финале во СЕХА лигата во рекордниот 10. настап на Фајнал фор турнирот, иако претходно беше елиминиран од Вардар во четврт-финалето на регионалното натпреварување.
„Плинарите“ отпатуваа на Ф4 во Задар откако Вардар, кој ги победи, беше исклучен од натпреварувањето по позитивниот тест на КОВИД-19 на Борко Ристовски во контроверзна одлука на организаторите на лигата. Наместо Вардар заслужено по 10-ти пат да биде на завршницата на регионалната лига, Загреб доби шанса да се бори за втора титула во историјата. Мешков, пак, ниту во шестиот настап на Ф4 нема да може да се бори за својата прва титула.
По израмнетото прво полувреме, во кое Мешков имаше гол предност (16:15), Загреб за шест минути во второто полувреме направи серија од 0-4, со која дојдоа до 22:26 водство, но белорускиот клуб успеа да се врати и со два брзи гола да израмни на 31:31, пред Сандро Обрановиќ во последните секунди да им донесе предност на „плинарите“, која ја загубија во следниот напад преку Санталов. Во пенал-серијата, Мешков утна два пенали, а поранешниот вардарец, Иван Чупиќ им донесе финале на загрепчани.
Во второто полуфинале, вечерва во 20.30 часот, актуелниот шампион Веспрем е фаворит во дуелот со украинскиот Мотор Запорожје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.