Спорт
Звезда прва го доби Олимпијакос дома, Зенит го собори шампионот

Црвена звезда стана првиот тим кој успеал да го победи Олимпијакос на гостински терен оваа сезона во Евролигата, заминувајќи си од Пиреја со 74:70 победа, по вкупно 10 домашни победи на Олимпијакос.
Огњен Добриќ ги предводеше Звезда со 14 поени, вклучувајќи го клучниот поен за 74:67 водство по 6-0 серијата на српскиот клуб. Олимпијакос губеше во поголемиот дел од второто полувреме, откако водеше со 39:37 во третата четвртина. Везенков ги предводеше Олимпијакос со 20 поени, Костас Слукас додаде 18.
Зенит Санкт Петерсбург се врати на победата со 76:67 триумф над актуелниот шампион, Анадолу Ефес, подобрувајќи го скорот на 13-7 за фантастично четврто место на табелата. Алекс Појтрес имаше 21 поени и 9 скока за тимот на Чави Паскал, кој пак има неверојатен скор од 12-1 над тренерот на Ефес, Ергин Атаман.
ЕВРОЛИГА, 23.КОЛО
Зенит Санкт Петерсбург – Анадолу Ефес 76:67 (17:18, 20:18, 15:6, 24:25)
Олимпијакос – Црвена звезда 72:76 (21:22, 15:15, 16:19, 20:20)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Меси не е сигурен дека ќе игра на Светското првенство

Лионел Меси даде изјава што изненади многумина по победата против Венецуела (3:0), во претпоследното коло од јужноамериканските квалификации за пласман на Светското првенство..
Дуелот со Венецуела беше последен за Меси во дресот на Аргентина пред домашната публика, а по натпреварот, ја загрижи домашната јавност.
Имено, Меси сè уште не е сигурен дали ќе настапи на претстојното Светско првенство.
„Со години ја имав наклонетоста на Барселона, а мојот сон беше да го имам тоа и овде, во мојата земја, со мојот народ. Ќе ги паметам добрите работи. Мислам дека нема да играм, поради моите години – најлогично е дека нема да бидам на Светското првенство. Ќе се водам според тоа како се чувствувам. Се обидувам да бидам искрен со себе. Не сум донел одлука, но ќе размислам внимателно“, рече Меси по натпреварот.
Foto/ EPA
Спорт
(Видео) Уругвај, Колумбија и Парагвај се пласираа на СП 2026

Покрај Аргетнина, Бразил и Еквадор, пласман на Светското првенство во 2026 година во текот на ноќта, а во пресрет на последното коло во јужноамериканските квалификации изборија Уругвај, Колумбија и Парагвај.
Уругвај го победи Перу со 3:0 со головите на Агире во 14., односно Де Араскаета во 58. и Вињас во 80.минута.
Со ист резултат Колумбија забележа триумф во дуелот со Боливија. Џејмс Родригез во првото, односно Кордоба и Кинтеро 83 во второто полувреме ги постигнаа головите.
Парагвај и Еквадор одиграа меч без многу возбудувања без голови, но и двете репрезентации изборија место на Мундиалот.
Во последното коло Венецуела и Боливија ќе играат за седмата позиција и место во Интерконтинеталниот бараж.
Венецуела е во предност, има бод повеќе и дуел на дмашен терен со Колумбија, додека Боливија мора да го победи Бразил и да чека кикс на Венецуела.
Foto/ EPA
Спорт
Играч на Милан од 15 милиони евра на заем во Динамо Загреб

Најтрофејниот хрватски клуб, Динамо Загреб, на спектакуларен начин го заврши преодниот рок. Трансфер периодот во Хрватска заврши синоќа на полноќ, а Динамо објави дека во клуботќе пристигне Исмаел Бенасер.
„Модрите“ останаа без титулата минатата сезона, поради тоа решија да направат силен тим. Динамо го обезбеди потписот на поранешниот фудбалер на Милан, Исмаел Бенасер.
Алжирскиот репрезентативец доаѓа на „Максимир“ на позајмица со опција за откуп. Бенасер не беше во плановите на Милан за оваа сезона, а голем подвиг за Динамо е што успеаја да го потпишат и покрај тоа што нема да играат во Лигата на шампионите оваа сезона.
Исто така, од „Максимир“ беше потврдено дека е постигнат договор и дека Бенасер кога ќе ги помине лекарски прегледи ќе потпише за клубот:
„Со големо задоволство објавуваме дека алжирскиот репрезентативец и играч од средниот ред на Милан, Исмаел Бенасер, ќе го засили ГНК Динамо! Динамо и Милан постигнаа договор за едногодишна позајмица со опција за откуп на договорот. Бенасер доаѓа во Загреб, каде што ќе помине лекарски прегледи пред официјалното потпишување на договорот“, се наведува во соопштението од Динамо.
Бенасер во 2019 година за 16 милиони евра од Емполи се пресели во Милан. Одигра 137 натпревари за Милан, а во 2022 година го освои Скудетото со „росонерите“. Претходната сезона ја помина на позајмица во Марсеј. Неговата моментална пазарна вредност се проценува на околу 15 милиони евра.
Фото/ Принтскрин