Регион
„Бега од потпишување“, посочи Курти за Вучиќ по средбата, па остави ЕУ да најде начин за обврските да бидат обврзувачки

Косовскиот премиер, Албин Курти го обвини претседателот на Србија, Александар Вучиќ дека бега од потпишување на договор, а со цел имплементација на прифатените обврски помеѓу двете земји. Тој остави на Европската унија да најде механизам со кој обврските ќе ги направи обврзувачки.
„Во анексот пишува дека веднаш почнуваме со разговорите што се однесуваат на самоуправа на српските општини. Знаете дека српската заедница и заедница на општини не се иста работа. Тоа сѐ се разговара во суштина и за целата содржина, но тие разговори се уште во тек. Зборувавме за тоа, но треба уште многу за да дојдеме до конкретен заклучок. Јас сум премиер за сите граѓани, не сакам да омаловажувам било кого според етничка припадност“, кажа Курти.
Посочи и дека договорот поврзан со српските општини е постигнат од порано.
„За жал, морам повторно да кажам дека тој договор потпишан од страна на поранешните премиери на Косово не е за Заедница на српски општини туку е за Заедница на општини со мнозинска српска националност. Не постои на Косово општини по национална припадност. Општините припаѓаат на граѓаните. Предлогот на поранешниот фински претседател е таков што општините се многу моќни во нашата држава. Не може без општини, таква е структурата на предлогот. Некои од општините имаат и поголема надлежност, во рамки на позитивна дискриминација. И затоа, нашиот Устав кој го има предлогот на Ахтисари, е таков што не дозволува да се омаловажуваат општините“, кажа Курти прашан за формирање на заедница на српски општини.
На маса било разговарано и за проблемот со исчезнатите лица.
„Ние се договоривме за еден текст за договор, во врска со исчезнатите луѓе. Но за жал, тогаш, претседателот на Србија, не сакаше да го потпише, како и денеска. Се сеќавам беше 18 август минатата година, се сретнавме во Брисел. Сега тој договор треба одново да го актуелизираме и на тој начин ургентно да се ангажираме за исчезнатите лица, без разлика на националноста. Има уште 1.617 лица кои се изчезнати, огромен број се Албанци, ама има Срби и Роми. Ние максимално ќе се ангажираме што побрзо да се открие нивната судбина и да се овозможи правда, бидејќи каде и да има исчезнати лица од времето на последната војна, ние добро знаеме дека не се само тие жртви туку и нивните семејства и роднини“, кажа Курти.
Тој посочи дека е премиер за сите граѓани на Косово, вклучувајќи ги и Србите
„Јас се залагам за правата на сите во Косово. Тоа значи дека се залагам да се вратат и тие кои сакаат да се вратат во својата правната своина. Многумина ги продале своите недвижности, но има и такви кои се уште поседуваат“, кажа Курти.
Средбата Курти-Вучиќ траеше 12 часа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Никогаш не заборавајте“: Србите во Виена одбележаа 24 години од почетокот на бомбардирањето на НАТО

Србите во Виена вечерва одржаа митинг по повод 24-годишнината од почетокот на НАТО бомбардирањето на СР Југославија.
На собирот се свештеници, како и српскиот амбасадор Небојша Родиќ.
Тие се собраа во центарот на австриската престолнина на Штефанплац во близина на катедралата.
Зборовите „Никогаш не заборавајте“ се напишани на еден од транспарентите што ги изработиле.
Централната манифестација на Денот на сеќавање на жртвите од бомбардирањето на НАТО во 1999 година се одржува вечерва на плоштадот Свети Ѓорѓи во Сомбор.
Агресијата на НАТО започна на 24 март 1999 година и траеше 78 дена.
Според податоците на Министерството за одбрана на Србија, во воздушната агресија на НАТО загинале 2.500 цивили, меѓу кои 89 деца и 1.031 припадник на армијата и полицијата.
Според истиот извор, ранети се околу 6.000 цивили, од кои 2.700 се деца, како и 5.173 војници и полицајци, а 25 лица се водат како исчезнати,пренесе Телеграф.рс.
Регион
Петар Колев: Со затворањето на бугарскиот клуб „Иван Михаилов“ во Битола,властите во Скопје сакаат да ни кажат дека не нè почитуваат

Поколебливата политика на Бугарија им задава тежок удар на нејзините национални интереси на Балканот. Мораме јасно еднаш засекогаш да кажеме дека сме дел од евроатлантскиот свет – НАТО и Европската Унија и да ги искористиме алатките што ни ги обезбедува ова членство за да ја натераме Република Македонија да не почитува, вели Петар Колев, извршен директор на БГНЕС.
Тој додава дека затворањето на бугарскиот клуб „Иван Михаилов“ во Битола е јасен сигнал кој властите во Скопје сакаат да ни кажат: не ве почитуваме, не нè интересирате. Секогаш кога Македонија треба да постигне некоја стратешка цел, таа ја започнува својата агресивност кон Бугарија. Ова е олицетворение на политиката на институционална омраза кон Бугарите кои живеат таму.
Колев прашува до кога ќе го трпат ова? Бугаринот има една лоша особина – бескрајна добрина, која властите во Скопје ја злоупотребуваат. Бугарија има широк спектар на алатки за да влијае на PCM. Еден од нив е со давање бугарско државјанство на луѓе со бугарска самосвест таму да бидат извлечени од мочуриштето откако РСМ одлучи дека не сака да стане членка на ЕУ.
Тој наведува дека повеќе од јасно е дека зад конфликтот меѓу РСМ и Бугарија стои Москва, која ги поддржува аспирациите на Белград. Зошто ние Бугарите се плашиме да се спротивставиме на руските интереси на Балканот? За што сме загрижени? Македонија е последниот остаток од Коминтерната и комунизмот. Само во Москва и Скопје забрануваат организации со ретроактивно дејство.
Колев вели дека Бугарските институции мора јасно да му стават до знаење на бугарскиот народ дека РСМ сè уште не започнала преговори за влез во ЕУ благодарение на францускиот предлог.
Бугарските институции мора да му дадат сигнал на бугарското општество какви конкретни мерки ќе бидат преземени по бришењето на клубот „Иван Михаилов“ во Битола, што конкретно ќе се прави во врска со претепувањето на Христијан Пендиков, кој со месеци закрепнува.
И МНР и бугарските служби имаат развиено стратегии, таму работат достојни Бугари. Нашите политичари да ги читаат, а нашите институции да почнат да дејствуваат конкретно, изјави Петар Колев, извршен директор на БГНЕС.
Регион
Граѓанин на Србија застрелан во кафуле во Загреб

Загрепската полиција соопшти дека 36-годишен државјанин на Република Србија бил застрелан во кафуле во Загреб и дека му била укажана лекарска помош во Клиничката болница во Дубрава.
Како што се наведува, пукањето се случило во средата околу 22.30 часот во ресторан во Дубрава на авенијата Дубрава, пренесува порталот „Индекс“.
Според полицијата, државјанинот на Република Србија најпрвин вербално се пресметал со непознатиот сторител, кој потоа испукал неколку истрели од огнено оружје.
Еден од истрелите го погодил 36-годишниот маж во ногата и му била укажана лекарска помош во Клиничката болница во Дубрава.
Од полицијата посочуваат дека во тек е кривична истрага по што ќе се знаат деталите за случајот.