Свет
(Видео) Taткото на киднапираната Израелка: „Таа е толку исплашена, а јас не можам да ја заштитам“

Израелскиот Канал 12 објави видео од таткото на Израелката Ноа Аргамани, која вчера беше киднапирана од припадниците на Хамас.
Светот го заобиколи видеото на кое милитантите ја качуваат на мотор додека таа плаче и вика: „Не ме убивај, не, не, не“.
Напаѓачот управувајќи го мотоциклот потоа излетува со брзина, а Ноа од тој момент повеќе не е видена.
#NoaArgamani 25, was kidnapped by Hamas terrorists while at a trance music rave near the Gaza border. Noa Argamani can be seen screaming for her life as Hamas terrorists cart her away on a motorcycle. Noa Argamani was attending the 👇 #Israel #IsraelUnderAttack #Palestine 1/2 pic.twitter.com/MJpldGUe7d
— Shailesh Gajula (@shailesh_gajula) October 8, 2023
Нејзиниот татко низ солзи зборува за својата ќерка.
„Ми кажаа дека е објавено видео на кое се гледа. Таа е на мотор, а ми рекоа дека ја киднапирале и ја однеле во Газа“, рече тој.
Тој вели дека се надевал оти е грешка, се додека не му пришол човек од болницата и го прашал дали сака да го види видеото.
„Се согласив, а сега знам. Мора да е Ноа, таа е преплашена. Толку исплашена, и секогаш се грижев за неа. Но, сега не можев да ја заштитам“, раскажува расплаканиот татко.
אביה של נועה מסרטון החטיפה לעזה בוכה בשידור ומתחנן שיחזירו אותה ואת האחרים. פשוט נשבר הלב, איך אפשר להמשיך מפה@N12News pic.twitter.com/Jkl0gPV8fB
— Lila Odin (@LOdinaev) October 8, 2023
Заедно со стотици други млади Израелци, Ноа и нејзиното момче Ави уживаа на музички фестивал во пустината кога беа нападнати од членови на Хамас.
Десетици други Израелци, наводно, биле киднапирани на истата локација и однесени преку границата во Појасот Газа.
По нападот на Хамас и убиството и киднапирањето на израелски војници и цивили, армијата ја започна операцијата „Железни мечеви“.
Премиерот Бенјамин Нетанјаху рече дека тоа не е операција, туку вистинска војна и нареди мобилизација на резервистите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.
Свет
Трамп повторно би го бомбардирал Иран ако извештаите покажат загрижувачки заклучоци за збогатување на ураниум

Претседателот на САД, Доналд Трамп, денес изјави дека апсолутно ќе го преиспита бомбардирањето на нуклеарните објекти на Иран доколку смета дека е потребно, пишува „Си-ен-ен“
„Секако, без сомнение, апсолутно“, им рече Трамп на новинарите во брифингот во Белата куќа, кога директно беше прашан дали би размислил за бомбардирање на земјата доколку идните разузнавачки извештаи покажат загрижувачки заклучоци за збогатувањето на ураниум на Иран.
Трамп рече дека не верува дека Иран би можел „повторно да влезе во нуклеарната програма во скоро време“ по нападите на САД врз неговите нуклеарни објекти минатата недела.
Администрацијата продолжи да изразува доверба во успехот на тие напади, но не понуди никакви разузнавачки податоци за да го поткрепи тврдењето на Трамп дека нуклеарната програма на Иран е, според неговите зборови, уништена.
„Може ли да ви кажам – тие се исцрпени. И Израел е исто така исцрпен. Разговарав со едната и со другата земја, и двете сакаа тоа да се реши – и двете – и ние направивме одлична работа. Но, тие се исцрпени. Последното нешто за кое размислуваат во моментов е нуклеарното оружје. Знаете за што размислуваат? Тие размислуваат за утре, за тоа како да преживеат“, рече американскиот претседател.
Свет
Велика Британија почна да ги одбива украинските бегалци: „Можете да одите во безбеден дел од Украина“

Обединетото Кралство почна да ги одбива барањата за азил од Украинците, тврдејќи дека апликантите можат безбедно да се преселат во други делови од Украина, соопшти „Гардијан“.
Адвокатска фирма со седиште во Лондон изјави за „Гардијан“ дека добива неделни барања од Украинци во чии писма за одбивање често стои дека не ги исполнуваат условите за прогон според Конвенцијата за бегалци, бидејќи се смета дека можат да се преселат во побезбедни делови од Украина.
Во писмата, исто така, се споменува достапноста на јавни услуги во Украина и се предлага да се побара помош од Високиот комесаријат на ОН за бегалци (УНХЦР) и локалните организации.
Компанијата забележува дека зголемувањето на одбивањата е поврзано со промените во упатствата на Министерството за внатрешни работи на Велика Британија во јануари, кои сега ги сметаат регионите како Киев и западна Украина за „генерално безбедни“.
Статусот на бегалец во Велика Британија им дава на примателите пет години престој со право на работа, социјална помош, здравствено осигурување, помош за домување и семејно обединување.
Велика Британија, исто така, нуди привремени визи преку програмите „Домови за Украина“ и „Украинско семејство“, кои овозможуваат престој до 18 месеци. До март 2025 година, беа издадени повеќе од 270.000 визи.
Околу 4,3 милиони Украинци добија привремена заштита во ЕУ
Портпарол на Министерството за внатрешни работи изјави за Гардијан дека Велика Британија понудила или продолжила заштита на повеќе од 300.000 Украинци откако започна конфликтот во февруари 2022 година. Министерството за внатрешни работи нагласи дека барањата за азил се оценуваат од случај до случај и дека шемата „Домови за Украина“ останува отворена.
Неколку милиони Украинци ја напуштиле земјата во последните три години. Според податоците на Евростат, околу 4,3 милиони добиле привремена заштита во ЕУ до март 2025 година.
Лондон ѝ вети на Украина милијарди воена помош од 2022 година.