Свет
Евакуирани уште 800 луѓе од островот Ла Палма во Шпанија

Стотици луѓе на островот Ла Палма на шпанските Канарски Острови се разбудија денеска во страв за своите домови и имот.
Нова река од лава од вулканот се закани дека ќе уништи друга населба на пат кон Атлантскиот Океан.
Властите на островот наредија евакуација на речиси 800 луѓе од крајбрежниот град Лос Ланос де Аридана откога лавата почна по нова рута поради што нивните домови се најдоа на можен пат на уништување, пренесува агенцијата АП.
Околу 6.000 луѓе беа веднаш отстранети од областа во часовите по првичната ерупција на вулканот на 19 септември кога нивните домови и фарми беа директно на патот на првиот вулкански поток на лава.
Не беа потребни нови масовни евакуации во следните три недели, но вчера експертите за вулкан ги советуваа властите дека новиот проток на лава се одделил од главниот тек и се упатил кон населено место надвор од она што претходно било зона за евакуација.
Лавата досега уништи над 1.400 згради, вклучувајќи домови, фарми и други објекти, и зафати 656 хектари, вклучувајќи 90 хектари плантажи со банана. Досега нема загинати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Екс полицајци обвинети за убиство

Петмина поранешни полицајци во Мемфис, во врска со смртта на Тајри Николс на 10 јануари се во притвор и денеска се обвинети за убиство, соопштија официјални лица.
Записите покажуваат дека освен за убиство, тие се соочуваат и со други обвиненија како што се тешко киднапирање и тежок напад.
Тадариус Бин, Деметриус Хејли, Емит Мартин Трети, Дезмонд Милс и Џастин Смит беа отпуштени во петокот, откако полициската истрага покажа дека употребиле прекумерна сила или одбиле да интервенираат и да му помогнат на осомничениот
Тие се „директно одговорни за физичкото малтретирање на Николс“, рече началникот на полицијата.
Првичните наоди од обдукцијата покажуваат дека Николс бил жестоко претепан пред да почине, пишува „NBC News“.
„Си-Ен-Ен“ јавува дека полицајците го извлекле Николс од возилото и употребиле сила за да го приведат.
Николс почина три дена откако полицијата го приведе, поради наводно несовесно возење, на 7 јануари.
Полицијата во Мемфис и Бирото за истраги во Тенеси ја истражуваа употребата на полициска сила при апсењето на Николс.
Европа
Лавров по посетата на Африка: Русија останува посветена на извозот на храна во сиромашните земји

Рускиот министер за надворешни работи, Сергеј Лавров по посетата на Еритреја потврди дека Москва останува посветена на извозот на храна во сиромашните африкански земји, соопшти денеска руското Министерство за надворешни работи.
„Лавров ја потврди цврстата посветеност на Русија во исполнувањето на обврските во однос на испораката на клучните прехранбени производи за африканските земји, вклучително и пакетите помош од договорите потпишани со посредство на ОН“ – се наведува во соопштението на министерството, пренесува ТАСС.
Свет
Трамп: Прво тенкови, па потоа нуклеарно оружје

Конфликтот во Украина би можел да ескалира во нуклеарна војна поради префрлањето на западните тенкови во Киев, изјави поранешниот американски претседател Доналд Трамп.
– Прво тенкови, па нуклеарно оружје. Запрете ја оваа луда војна сега. Тоа е толку лесно да се направи – напиша политичарот на својата социјална мрежа „Truth Social“.
Трамп постојано предупредуваше дека ситуацијата во Украина може да ескалира во трета светска војна. Политичарот е убеден дека непријателствата немаше да започнат доколку тој продолжеше да биде претседател на САД.
Германската влада претходниот ден објави дека ќе испрати тенкови Леопард 2 во Украина, пренесува РИА Новости.
Планирано е формирање на два тенковски баталјони, а во првата фаза Берлин од складиштето на Бундесверот ќе префрли чета од 14 борбени возила А6.
Како што истакна германскиот министер за одбрана Борис Писториус, тенковите би можеле да пристигнат во Украина на крајот на март.