Европа
Истражување: 63 отсто од граѓаните на Германија стравуваат дека земјата може да биде вовлечена во војната во Украина

Во анкетата нарачана од Првиот канал на германската телевизија, 63 отсто од испитаниците рекле дека стравуваат дека Германија ќе биде вовлечена во војната, во исто време повеќето сметаат дека Берлин не треба да се воздржува од поддршката на Киев.
Сепак, повеќето испитаници се на мислење дека германската влада не мора да се воздржува од поддршка на Украина.
Во војната со Русија, Германија ја поддржува Украина со испорака на тешко оружје и обука на украинските војници од страна на Бундесверот. Стравот е најмалку распространет кај Зелените (46 отсто), а најмногу кај поддржувачите на Алтернатива за Германија (АфД), со дури 77 отсто.
Анкетата традиционално го поставува прашањето: „Ако в недела има сојузни избори, која партија би ја избрале“?
Севкупно, сегашната владејачка коалиција на социјалдемократите, зелените и либералите би имала 50 отсто поддршка од испитаниците, било наведено во истражувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
ЕУ издвојува една милијарда евра во 2022 година за зајакнување на сопствениот одбранбен фонд

Европската комисија денеска ја усвои годишната програма за работа на Европскиот одбранбен фонд, со која се предвидуваат 924 милиони евра за инвестиции и одбранбени капацитети на ЕУ за 2022 година.
Истовремено, планирани се дополнителни средства за одбранбени иновации од две милијарди евра со цел ЕУ да стане центар на иновации во одбранбениот сектор.
Денеска, решивме да мобилизираме една милијарда евра од буџетот на ЕУ за развој на заеднички одбранбени проекти, особено во вселената, сајбер-просторот и другите области со висока технологија.
Во нашиот нов безбедносен контекст тие инвестиции ќе придонесат за затворање на европскиот одбранбен јаз, велат претставниците на Европската комисија, пренесе „Танјуг“.
Европа
Русија ја укинува горната старосна граница за воен рок

Руската државна Дума денеска усвои предлог-закон за укинување на горната старосна граница за склучување на првиот договор за воена служба.
Во образложението се наведува дека законот сега предвидува првиот договор за воена служба да може да го склучат државјани на возраст од 18 до 40 години и странски државјани на возраст од 18 до 30 години, пренесува „РИА новости“.
Руската државна Дума денеска го усвои предлог-законот за укинување на горната старосна граница за отслужување воен рок, што на 20 мај го поднесоа пратениците на Единствена Русија, Андреј Картаполов и Андреј Красков.
Европа
Во Финска регистриран прв случај на мајмунска сипаница

Финска, најверојатно, го регистрирала првиот случај на мајмунска сипаница, соопшти денеска болницата во Хелсинки.
Светската здравствена организација во вторникот соопшти дека 131 инфекција со вирусот на мајмунска сипаница и 106 други сомнителни пациенти се потврдени по првиот откриен случај надвор од земјите, каде што инфекцијата традиционално се шири од 7 мај, пред сè, во Западна и Централна Африка, објави „Ројтерс“.
Потврдени се 131 инфекција со вирусот на мајмунска сипаница и 106 други сомнителни пациенти.