Свет
Мекарти: Комисиите да го истражат политички мотивираното гонење на Трамп
![](https://makfax.com.mk/wp-content/uploads/2023/01/donald-tramp-predsednicka-kampanja.jpg)
Претседателот на Претставничкиот дом на американскиот Конгрес, Кевин Мекарти, изјави дека ги упатува соодветните комисии да истражат дали се користат федерални средства за да се влијае на изборите или, како што наведе, политички мотивирано кривично гонење на поранешниот претседател на САД, Доналд Трамп.
„Грозна злоупотреба на моќта од страна на радикалниот обвинител“, напиша Мекарти на Твитер, без да го именува окружниот обвинител.
Here we go again — an outrageous abuse of power by a radical DA who lets violent criminals walk as he pursues political vengeance against President Trump.
I’m directing relevant committees to immediately investigate if federal funds are being used to subvert our democracy by… https://t.co/elpbh7LeWn
— Kevin McCarthy (@SpeakerMcCarthy) March 18, 2023
Претходно Трамп изјави дека очекува да биде уапсен во вторник бидејќи, како што наведе, според протечените информации, верува дека обвинителството на Менхетен го обвинува дека тајно плаќал пари на порно ѕвезда и ги повика своите приврзаници да протестираат.
Во објавите на неговата социјална мрежа „Социјална вистина“, Трамп алудираше на извештаите дека наскоро би можел да се соочи со кривична пријава во Њујорк во врска со давање пари на ѕвездата од филмови за возрасни Сторми Даниелс во замена за нејзиното молчење за наводната врска со него.
Ен-би-си њуз во петокот објави дека агенциите за спроведување на законот подготвуваат можни обвиненија против Трамп на почетокот на следната недела. Локалните, државните и федералните органи за спроведување на законот и безбедносните агенции, наводно, се подготвуваат за можноста Трамп да биде обвинет на почетокот на следната недела, според изјавите на пет високи функционери запознаени со подготовките.
Трамп, кандидатот за републиканска претседателска номинација, го осуди „незаконското протекување“ што „навестува“ дека ќе биде уапсен во вторник. Тој негираше дека сторил нешто лошо и ја нарече истрагата на американскиот обвинител од Демократскиот Менхетен, Алвин Брaг, продолжување на партискиот „лов на вештерки“ против него.
Тој, исто така, го обвини Браг, кој е Афроамериканec, дека е „расист“. Клучен сведок во случајот е Мајкл Коен, поранешен адвокат на Трамп, кој сведочеше пред големата порота минатата недела.
Според Ен-би-си њуз, Коен во 2018 година пред федералниот суд признал дека незаконски и платил на Даниелс, како и на зајачицата на Плејбој, Карен Мекдугал, да молчат за наводната афера со претседателот. За тоа дело, како и за некои други, тој е осуден на три години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.