Светската здравствена организација (СЗО) соопшти дека од февруари 2020 година до мај годинава од Ковид-19 починале речиси 115.000 здравствени работници.

СЗО додава дека е исклучително важно здравствените работници да имаат приоритет при вакцинирањето.

„Основата на секој здравствен систем е составена од нејзините вработени. Ковид-19 ни покажа колку се потпираме на нив и колку сме ранливи кога оние што го штитат нашето здравје не се заштитени“, рече шесофт на СЗО, Тедрос Аданом Гебрејсус.

„Според податоците од 119 земји, во просек двајца од пет здравствени работници се целосно вакцинирани на глобално ниво. Но, се разбира, ова е просек и не ги покажува огромните разлики меѓу регионите и економските групи. Во Африка 1 од 10 здравствени работници е целосно вакциниран, а во повеќето земји со високи приходи повеќе од 80 % од нив се вакцинирани“, рече Гебрејсус.

„Ги повикуваме сите земји да обезбедат приоритет за сите здравствени работници при вакцинирањето заедно со другите ризични групи“, додаде тој.

Во последните 24 часа во Србија починаа 59 лица, а потврдени се 7.327 нови случаи на коронавирус. Според локалните медиуми, ова е најголем број починати за еден ден од вирусот.

Епидемиологот Предраг Кон рече дека го поздравува воведувањето ковид-пасоши, но наведе дека тие требало да се воведат порано и дека е незадоволен и тажен затоа што не мисли дека тоа ќе биде доволно и дека медицинскиот дел од кризниот штаб уште порано предложил построги мерки.

„Епидемиолошката состојба се разви во практично катастрофална бидејќи никаде немаме сигурен кревет за нови пациенти, така што тие мора да се отпуштат порано за да се добие простор. Ситуацијата е многу, многу лоша“, рече Кон.

Епидемиологот Предраг Кон рече дека го поздравува воведувањето ковид-пасоши , но наведе дека тие требало да се воведат порано и дека е незадоволен и тажен затоа што не мисли дека тоа ќе биде доволно и дека медицинскиот дел од Кризниот штаб уште порано предложил построги мерки.

„Епидемиолошката состојба се разви во практично катастрофална, бидејќи никаде немаме сигурен кревет за нови пациенти, така што тие мора да се отпуштат порано за да се добие простор. Ситуацијата е многу, многу лоша “, рече Кон.

Тој исто така кажа дека очигледно не постои брз начин да се зголеми бројот на вакцинирани граѓани во Србија за да се добие колективен имунитет.

„Побаравме сè што практично работи да биде затворено во 17 часот – пред сè продавници, трговски центри, кафулиња, а да се отвори само она што е за намирници, лекови и гориво. Исто и забрана за јавни собири над пет лица“, рече Кон.

Зборувајќи за ковид-пропусницата, тој рече дека е неопходно да се заостри контролата и, како што додаде, медицинскиот дел од Кризниот штаб, исто така, побарал да биде јавно објавено кој ги крши мерките.

Тој рече дека сите вработени во угостителските објекти, кои се ангажирани на места каде што се неопходни ковид-пропусници по 22 часот, мора да ги исполнуваат условите за нив.

Според него, вирусот сериозно е во оптек кај децата, така што некои од нив се на респиратор и дека сега легитимно е прашањето  дали е време да се размислува за онлајн настава.

„Зависи од податоците, проценката. Податоците од образованието сè уште се такви што покажуваат дека децата биле примарно заразени во семејството, па затоа го носат вирусот на училиште без да го знаат тоа“, рече Кон.

Тој нагласи дека „моторот“ на секоја респираторна епидемија се колективите – училиштето, работата, спортот, веселбите, свадбите, ноќните клубови.