Контакт

Свет

(Од минута на минута) Драмата во Тајланд заврши со среќен крај, спасени сите деца и тренерот

Објавено пред

Акцијата за спасување на младите тајландски фудбалери и нивниот тренер од поплавената пештера на северот на земјата заврши со среќен крај. Денеска беа извлечени последните четири деца и нивниот тренер. Спасувачката мисија траеше три дена.

16:35 Излегоа и спасувачите и лекарот

Последните тројца тајландски спасувачи, како и австралискиот доктор, Ричард Харис, кој е и експерт во нуркање, излегоа од пештерата, со што успешно е завршена тродневната и екстремно тешка спасувачка операција.

15: 30 Момчињата пристигнуваат на лекарски прегледи

Додека волонтерите слават, момчињата и тренерот кои беа извлечени во последната фаза од акцијата, полека пристигнуваат во болница на прегледи.

15: 24 ч – Англискиот фудбалски великан, „Манчестер Јунајтед“ ги повика младите фудбалери годинава да дојдат на нивниот стадион.

– Ни олесна кога слушнавме дека 12-те фудбалери и нивниот тренер кои беа заробени во пештера во Тајланд сега се наоѓаат на безбедно. Би ни било чест да ја поздравиме екипата на фудбалскиот клуб „Диви свињи“ и нивните спасувачи во престојната сезона, објави клубот.

15: 11 ч – Честитки од светските лидери по успешната мисија

Претседателот на САД, Доналд Трамп, германската канцеларка Ангела Меркел и британската премиерка Тереза Меј се меѓу долгата листа на светски лидери кои упатија честитки по успешната спасувачка мисија на 12-те момчиња и нивниот тренер, кои од 23. јуни беа заглавени во пештера во Тајланд.

14:43 ч – Се делат бесплатни јаболка за новинарите

14:28 ч –  Ракоплескање и славење пред пештерата во Тајланд

Со ракоплескање и овации собраните пред пештерата во Тајланд го прославија крајот на успешната мисија за спасување на 12-те момчиња и нивниот тренер кои од 23 јуни беа заглавени во пештерата во Тајланд.

Тројца нуркачи и лекарот се уште се во пештерата

Тајландската морнарица потврди дека во пештерата по спасувањето на 12-те деца и нивниот тренер и понатаму се наоѓаат тројца нуркачи и лекарот кој се грижеше за младите фудбалери во текот на претходните денови.


14: 00 – Сите 12 деца и нивниот тренер спасени од пештерата во Тајланд

Сите 12 деца се извлечени од пештерата во Тајланд, објавија светските медиуми. Според информациите на „Ројтерс“, последен бил извлечен нивниот тренер.

13:43 „Ал Џезира“: Последното дете и тренерот го поминаа најтешкиот дел од патот

На спасувачката акција и се наѕира крајот. Репортерот на „Ал Џезира“ јавува дека последното момче и тренерот стигнале до пештерата број три, што значи дека го минале најтешкиот дел од патот. „Ал Џезира“ очекува наскоро да се појави вест дека и тие се безбедно извлечени од пештерата.

13:29 ч – Деветтото момче на пат кон болницата

Деветтото од момчињата кои беа извлечени од пештерата, најпрво било прегледано во теренската болница во близина на пештерата, а потоа со амбулантно возило е префрлено до хеликоптер кој ќе го однесе во најголемата регионална болница, каде во моментов се наоѓаат и другите момчиња.

13:07 Преимиерот на Тајланд: Децата не биле дрогирани, дадени им се лекови против анксиозност за да го издржат патот низ пештерата

Премиерот на Тајланд, Прајут Чан-оча изјави дека на момчињата им биле дадени лекови против анксиозност за да ја издржат мисијата, пренесе „Гардијан“, споеделувајќи пост на социјалната мрежа „Твитер“.

Претходно, во јавноста се појавија шпекулации дека децата биле дрогирани. Премиерот вели дека не се работи за дрога, туку за лек што ќе ги намали стресот и паниката.

13:00 ч Единаесеттото момче извлечено од пештерата било најмалото во групата

Тајландската телевизија пренесе дека претпоследното, единаесетто момче кое беше извлечено од пештерата е 11-годишниот Чанин Вибунрунгруенг. Тој е најмалиот меѓу неговите пријатели од јуниорскиот фудбалски тим, кои беа заглавени во пештерата од 23 јуни. Засега, нема официјална потврда за оваа информација.

12:40 ч: Спасено единаесеттото момче од пештерата, остана уште едно и тренерот

Спасено е единаесеттото момче од пештерата во Тајланд, потврди „Гардијан“. Тоа значи дека во пештерата останаа заробени само уште едно од децата и нивниот тренер.

Претходно денеска, светските медиуми јавија за спасувањето на две деца.

11: 53 ч: Спасено и десеттото момче

Репортерот на Ројтерс јави дека е спасено и десетто момче од пештерата во Тајланд. Веста ја потврди и „Гардијан“. Сведокот кој разговарал со новинарите на агенцијата „Ројтерс“, раскажал дека видел како спасувачкиот тим извадил две лица, на носилки, надвор од пештерата.

11:30 ч:  Ројтерс: Извлечено деветтото момче

Агенцијата „Ројтерс“ и „Си-Ен-Ен“ пишуваат дека од пештерата било извлечено деветтото момче.

11: 30: Премиерот на Тајланд се фотографираше со роднините на децата

Премиерот на Тајланд, Прајут Чан-оча се фотографираше со роднините на момчињата кои се заглавени во пештерата.

11:26 Холивуд подготвува филм за спасувачката акција, продуцентите пристигнаа во Тајланд

Мајкл Скот и Адам Смит пристигнаа на Тајланд, каде во тек е спасувачката акција на децата кои со недели беа заглавени во пештера.

Би-Би-Си пренесе дека продуцентите веќе разговараат за можен филмски проект. Тие очекуваат дека на местото на настанот ќе пристигнат и други продукции, па велат дека мора да бидат брзи.

11:09 – Се подготвува храна за спасувачите

11.03 ч Итната помош е на пат

Возило на итната помош само што се оддалечи од влезот во пештерата. Нема потврда дали е извлечено деветтото момче, пишува „Гардијан“.

10.50 ч – Пораки за тренерот на социјалните мрежи – некои го осудуваат, други го бранат

Акапол Чантавонг, 25-годишниот фудбалски тренер, кој ги поведе 12-те момчиња во пештерата, за некои е главниот виновник за оваа несреќа, меѓутоа на социјалните мрежи многумина од Тајланд и другите делови од светот застанаа во негова одбрана.

Тие му даваат заслуга за тоа што момчињата се добро и по 15 дена поминати во пештерата.

„Со 25 години овој тренер и самиот сè уште е дете. Очигледно е дека бил голема инспирација за момчињата чиј морал не падна и покрај сè она низ што поминаа. Голема почит за тренерот“, напиша еден од корисниците на социјалната мрежа.

10.43 ч – Дождот ја отежнува акцијата

Дождот паѓаше во текот на целата вечер поради што се стравува дека одредени делови од пештерата се наполнети со вода.

9.55 ч – Илон Маск ја донесе подморницата – „Би можела да послужи во иднина“

Just got back from Cave 3

A post shared by Elon Musk (@elonmusk) on

Американскиот претприемач Илон Маск преку социјалната мрежа „Твитер“ соопшти дека се наоѓа на Тајланд со прототипот на мини подморницата, која, ако не сега, би можела да послужи во иднина.

„Само што се вратив од пештерата Три. Мини подморницата е подготвена доколку има потреба. Направена е од ракетни делови и е наречена „Дива свиња“ по името на фудбалскиот клуб за кој тренираат децата. Ја оставам во случај да биде од корист во иднина“, напиша Маск, кој објави и видеоснимка од симулацијата на движењето на подморницата низ пештерата.

Претходно, шефот на спасувачката мисија ја одби помошта на американскиот претприемач.

9.51 ч – Момчињата не смее никој да ги гушка и допира додека се во болница

По спасувањето, момчињата мора да подлежат на прегледи пред да се прегрнат со своите семејства.

„Нема прегратки и допири сè додека не се направи крвна слика која ќе покаже дали децата имаат некоја инфекција или не. Особено неопходно е да се испита дали добиле бактерии, кои може да се пренесат преку земја или вода. Постои ризик децата да добијат треска и инфекција на белите дробови“, изјави тајландскиот службеник за здравство, пренесе „Гардијан“.

9.38 ч Спасените момчиња се добро, две од нив имаат проблем со белите дробови

Осумте момчиња што беа спасени од пештерата на Тајланд се во добра ментална и физичка здравствена состојба, соопштија владини претставници. Тие биле подложени на медицински прегледи и две момчиња се лекувани поради проблеми со белите дробови. Според информациите, момчињата ќе бидат набљудувани во болница наредните седум дена.

epa

9.33 ч – Ни недостига домот, велат децата извлечени од пештерата на Тајланд

Осумте момчиња што беа спасени од пештерата на северот на Тајланд меѓу првите нешта што ги кажаа во болницата беше дека им недостига нивниот дом.

„Ни недостига домот“, рекоа момчињата, кои истакнаа дека се среќни, пренесе Би-би-си.

8.40 ч – Родителите ги виделе спасените деца

Секретарот на Министерството за здравство на Тајланд, Џедсад Чокдумронгсук, изјави дека родителите ги виделе децата низ заштитното стакло бидејќи сè уште се на прегледи за да се утврди дали некое од нив има инфекции.

„Децата се фудбалери, имаат силен имунитет. Сите се весели и среќни што ќе излезат, но секако мора да ги провери доктор“, рече секретарот додавајќи дека во болница ќе останат и до седум дена.

8.10 ч – Шефот на спасувачката мисија ја отфрли помошта на Илон Маск

Шефот на спасувачката мисија ја одби помошта на американскиот милионер, Илон Маск, кој пред неколку дена дизајнира мала подморница, со чија помош децата би тебало да се спасат лесно и бргу.

„Иако неговата технологија е добра, тоа не е добро за оваа мисија“, рече Наронгсак Осатанакорн, кој моментно ја координира мисијата.

7.20 ч – Деветнаесет члена на спасувачката екипа влегоа во пештерата

Шефот на спасувачката мисија изјави дека 19 члена на спасувачкиот тим влегле во пештерата.

Тој изрази надеж дека дека денешната спасувачка акција ќе помине бргу. Истовремено, објавено е дека резултатите од медицинските прегледи на досега извлечените момчиња ќе бидат познати за 24 до 48 часа.

7.19 ч – Почна третата фаза од спасувачката акција

Почна третата фаза од операцијата за спасување на четирите момчиња и нивниот тренер од пештерата на северот на Тајланд. Официјалните лица наведоа дека сите ќе бидат извлечени во текот на денот.

Што се случуваше вчера?

15.12 ч – Не се знае кој сè е извлечен од пештерата

Член на семејствата на момчињата за Си-ен-ен изјави дека родителите не знаат кое од момчињата е извлечено од пештерата, а кои се останати внатре. Нивните имиња не се објавуваат од почит кон семејствата на децата што сè уште не се спасени.

14.40 ч – Поддршка од целиот свет

Приказната за спасување на момчињата од поплавената пештера ја следат медиумите од целиот свет. Поддршка за заробените момчиња стигнува од сите страни. Една таква порака е забележана и на лондонското метро.

14.31 ч – Амбулантните возила ги носат шестото и седмото момче

Две амбулатни возила се видени како се оддалечуваат од влезот на пештерата Туам Луанг. Како што пишува „Гардијан“, најверојатно во нив се шестото и седмото момче, кои веднаш се пренесени во болница.

14.19 ч – Потрагата е прекината

Четири момчиња и тренерот, што останаа во пештерата, ќе бидат извлечени во текот на утрешниот ден.

Вчера во осумчасовна спасувачка акција беа извлечени првите четири деца. Денеска беа извлечени уште четири. Властите соопштија дека паузите се прават со цел да се контролира намаленото ниво на кислород во пештерата.

 

Претходно беше објавено дека во рамките на денешната спасувачка акција е извлечено едно момче, а набргу потоа стигна и веста за шестиот извлечен млад фудбалер. Сега, според неофицијалните информации што ги обелодени Си-ен-ен, од поплавената пештера извлечени се уште две деца.

Агенцијата АП информира дека тајландските спасувачки служби се таинствени и не соопштуваат детали за тоа како се одвива спасувачката операција. Оттаму не прецизирале кој бил во амбулантното возило кое претходно денеска беше видено како го напушта теренот околу пештерата.

Спасувачите на децата од Тајланд во текот на операцијата премостуваат неверојатни пречки

Спасувачите што вршат евакуација на младите фудбалери заробени во пештерата на Тајланд се соочуваат со големи предизвици – тесни и мрачни тунели низ кои мора да се пробијат само за да дојдат до момчињата заробени внатре. Враќањето назад е уште потешко бидејќи со нив носат неискусни нуркачи на возраст од 11 до 16 години.

Ова видео најдобро покажува колку е опасно и комплицирано минувањето низ тесните пештерски предели.

Дванаесет деца на возраст од 11 до 16 години, членови на јуниорски фудбалски тим, заедно со нивниот тренер, беа заглавени во пештерата од 23 јуни. Врз основа на денешните објави може да се заклучи дека во моментот заробени остануваат уште четири деца заедно со 25-годишниот тренер. Децата спасени денеска се пренесени во болницата во Чијанг Рај, каде што се наоѓаат и нивните пријатели и соиграчи од фудбалскиот тим, кои беа извлечени во текот на вчерашниот ден.

12.25 ч – Тајландската државна телевизија објави видео од хеликоптер и од амбулантно возило за кои се верува дека го транспортирале петтото спасено дете.

12.10 чИзвлечено уште едно дете од пештерата на Тајланд, тврдат очевидци

Си-ен-ен објави дека е извлечено уште едно, петто дете, од пештерата на Тајланд. Телевизијата објави дека член на спасувачкиот тим рекол дека едно момче било видено на носилка пред влезот на пештерата во 16.27 часот по локално време. Оваа информација не е потврдена.

10.50 ч – Уште едно момче ќе биде извлечено за четири часа

Нуркачите влегоа во пештерата, а се очекува следното момче да го извлечат за четири часа. Запрашан за тоа кои момчиња ќе бидат извлечени најпрвин, предводникот на акцијата соопштил дека првин се извлекуваат тие што се најподготвени за тоа.

10.10 ч – „Условите за спасување се исти како вчера… Спасувачкиот тим е ист како вчера со некои измени“, рече водачот на спасувачите, Наронгсак Осатанакорн. Тој додаде дека нивото на водата во пештерата не е загрижувачко и дека вчерашните врнежи од дожд не влијаеле на нивото на водата внатре во пештерата.

9.30 ч – (Видео) Милијардерот Маск на Тајланд испрати мини подморница за спасување

Претприемачот од технолошката индустрија и милијардер, Илон Маск, тестира детска подморница за која тврди дека може да послужи за спасување на момчињата заробени во поплавената пештера на Тајланд.

 

9 ч – Осум момчиња и нивниот тренер по фудбал сè уште се заглавени во пештерата на Тајланд. Во спасувачката мисија, која траеше осум часа, вчера беа спасени четири деца. Репортерот на „Гардијан“ јавува дека денеска има многу малку официјални информации и засега не се знае кога ќе продолжи операцијата.

Сомбун Сомпингаи (38), татко на едно од спасените деца, изјавил за „Ројтерс“ дека спасувачите вчера им рекле дека најсилните деца ќе бидат први извлечени. „Не ни беше кажано кое дете прво ќе биде извлечено… Не можеме да ги посетиме децата во болница затоа што треба да бидат под мониторинг 48 часа“, рекол тој.

Што се случуваше завчера?

19.20 ч – Сe израдував кога го слушнав неговото име, вели мајката на едно од момчињата од пештерата

Мајката на Монгкол Бунпијам, едно од четирите момчиња што беа ослободени од пештерата на Тајланд, вели дека е пресреќна што нејзиниот 14-годишен син најпосле ја здогледал светлината на денот. Таа, како и поголем дел од родителите, ја минала ноќта пред пештерата чекајќи ја радосната вест, пишува „Гардијан“.

„Само го слушнав неговото име, Монгкол, и многу се израдував. Не знам што да му кажам. Чекајте првин да го видам“, раскажува мајката на момчето.

17.02 ч – Почна да врне силен дожд

Репортерот на „Гардијан“ од Тајланд, Џејкоб Голдберг, рече дека неколку минути по прес-конференцијата на спасувачкиот тим, почнало да врне силен дожд.

15.55 ч – Спасувачката акција ќе продолжи утре

На прес-конференцијата, гувернерот на провинцијата Чијанг Рај, Наронгсак Осатанакорн, истакна дека спасувачката акција ќе продолжи утре. Тој истакна дека здравјето на децата е добро и денешната акција ја оцени како успешна. Потврди дека досега се извлечени четири момчиња. Според неговите зборови, акцијата ќе продолжи за 10 до 12 часа.

RKS@kchelvi575

I know this rescue ops is going to be intense as hell but I dint expect it to be this scary 😥. These guys deserve Medal of Honour 🏅

15.45 ч – Момчињата се хоспитализирани

Четирите момчиња што беа извлечени набргу беа однесени во болница и се наоѓаат на прегледи. Како што пренесуваат локалните медиуми, здравствената состојба на едно од момчињата внимателно се набљудува.

15.39 ч – Се огласи и Трамп

Американскиот претседател, Доналд Трамп, на „Твитер“ напиша дека САД одблиску соработуваат со тајландската влада во акцијата за спасување на момчињата од пештерата.

Donald J. Trump

@realDonaldTrump

The U.S. is working very closely with the Government of Thailand to help get all of the children out of the cave and to safety. Very brave and talented people!

15.16 ч – Тајландските „фоки“: Спасени се четири момчиња

Елитната тајландска единица „Фоки“ објави на „Фејсбук“ дека четири момчиња се извлечени од пештерата во која беа заробени 15 дена. Тие се пренесени во болница во Чијанг Раи.

15.03 ч – Семејство се моли за спасување на своето дете

Семејството на 14-годишниот Нутавута Такумсонха се моли за негово спасување и безбедно враќање. Тие најавуваат дека кога ќе се врати, ќе го прослават тоа како негов втор роденден. Неговата баба Ванкаев Пакхума вели дека ѝ олеснило оти децата се пронајдени, но и понатаму е многу загрижена за нивната судбина.

View image on TwitterView image on Twitter

Parthiban@itsparthiban

The family of 14-year-old Nuttawut Takumsonh r praying 4 their boy’s safe return, & say they first thing they’ll do when he’s out is throw a birthday party 4 him. His grandmother has been praying at a shrine in their home, waiting for him to come back safely.

14.55 ч „Ројтерс“: Шест деца се извлечени од пештерата

„Ројтерс“, повикувајќи се на неиуменуван член на медицинскиот тим, пренесе дека од пештерата излегле шест момчиња. Информацијата подоцна беше демантирана.

14.20 ч – Прв од пештерата е извлечен Адул

Детето што прво беше извлечено од пештерата се вика Адул, пресуваат тајландските медиуми.

14.06 ч – Две момчиња спасени од пештерата на Тајланд

Спасувачите извлекоа две момчиња од пештерата на Тајланд, јавија локалните медиуми. Ваквата информација ја потврдиле локалните власти за „Ројтерс“.

„Две деца се надвор. Тие се на пат кон болница“, рекол Тосатеп Бунтонг, шеф на институтот за здравје во Чијанг Раи и дел од спасувачкиот тим. Агенцијата „Франс прес“, пак, јави дека набргу се очекува да излезат уште четири момчиња. Тие моментно се наоѓаат во базата на нуркачите внатре во пештерата и се очекува пеш да го продолжат патот до излезот.

12.52 ч – Опасен пат до површината

Талјандската новинска агенција објави нов графички приказ на акцијата за спасување на кој јасно се гледа како децата ќе бидат извлечени на површината. Патот е тежок и опасен.

12.25 ч – Сè зависи од времето

Рафаел Ароуш, израелски нуркач што живее на Тајланд и кој е вклучен во акцијата за спасување, вели дека времето е јак фактор и дека е навистина страшно. Според неговите зборови, во пештерата има многу јаки водни струи, водата се влева од сите можни страни, а временските услови може да ја уништат целата акција.

– Брзината е многу, многу важна – вели тој.

12.02 ч – Првата група деца тргна кон излезот

Првата група момчиња тргна кон излезот, пишува „Гардијан“. Хеликоптерите, кои би требало да ги однесат до најблиската болница во регионот, оддалечена речиси 100 километри, стигнаа на самото место.

11.35 ч – Тренерот напиша порака со извинување

Тренерот што ги одведе децата во пештерата на родителите им испрати пишана порака со извинување.

– Драги родители, сите деца се добри, спасувачкиот тим внимава на нас. Ветувам дека ќе се грижам за сите деца. Им благодарам на сите што помагаат – напиша тој.

10.58 ч – Детали за спасувачката акција – децата ќе бидат влечени со јаже

Тајландската влада го објави планот за спасување на заробените деца во пештерата. Според него, двајца нуркачи ќе придружуваат по едно момче, а низ пештерата ќе ги влечат со јаже.

Кога ќе наидат на тесен премин, нуркачите ќе ги отстрануваат боците со кислород од грбот и ќе ги тркалаат низ премините.

10.30 ч – Почна акцијата за спасување на заробените деца во пештерата

Акцијата за спасување на 12-те деца и нивниот фудбалски тренер од пештерата на Тајланд почна околу 10 часот по локално време.

Спасувачите влегле во пештерата, а претходно на новинарските екипи и на другите присутни им било кажано да ја напуштат околината. Во близина на пештерата останале само спасувачите, лекарите и обезбедувањето. Пристигнати се неколку амбулантни возила и хеликоптери за децата бргу да бидат пренесени во болница.

Свет

Идентификувани жртвите од масакрот во Нов Зеланд, најмладата имала само 3 години

Објавено пред

Идентификувани се сите 50 жртви од терористичкиот напад на двете џамии во градот Крајстчерч во Нов Зеланд, соопшти полицијата. Од пописот на жртвите може да се види дека најмладата имала само 3 години, а возраста на другите се движи до 77 години.

Над 120 луѓе, вклучително и полицијата, воени патолози и форензичари, беа вклучени во процесот на идентификацијата.

Телата на првите жртви се предадени на семејствата, а првиот погреб беше одржан вчера. Секоја ден веќе се погребуваат жртвите во Крајстчерч.

Семејствата изразија незадоволство поради долгото чекање на телата на своите најблиски бидејќи исламот наложува погреб најдоцна за 24 часа од смртта.

Се обновува џамијата, која е оштетена од куршумите. Премиерката Жакинда Аредерн најави дека утрешната молитва за жртвите ќе биде емитувана во живо и дека ќе се одржи двеминутно молчење.

Вооружени полицајци ги чуваат џамиите Ал Нор и Линвуд. Тие ќе бидат утре отворени, а најголем број верници се очекуваат во џамијата Ал Нор каде што имало и најмногу жртви.

Прикажи повеќе...

Свет

Нов Зеланд забранува полуавтоматско оружје

Објавено пред

Премиерката на Нов Зеланд, Жакинда Ардерн, во четвртокот рече дека полуавтоматските и јуришните пушки ќе бидат забранети во согласност со новиот закон за оружје, по неодамнешното убиство на 50 лица во најголемата пукотница во земјата.

Ардерн рече дека очекува новите закони да стапат на сила од 11 април.

Австралискиот екстремист Брентон Тарант минатиот петок во две џамии во Крајстчерч уби 50 муслимански верници, и рани повеќе од 50 лица.

По нападот Ардерн вети дека ќе ги промени законите за оружје со цел итно да се ограничи пристапот до огнено оружје, особено полуавтоматско оружје како што е пушката АР-15, што ја користел убиецот.

Нов Зеланд е земја со само пет милиони луѓе, а се проценува дека има 1,5 милион парчиња оружје во земјата.

Според податоците објавени од страна на медиумите, во 2017 година повеќе од 99 проценти од барањата за издавање дозволи за поседување огнено оружје беа позитивно решени.

Од 43.509 барања за издавање дозволи, беа одбиени само 188 барања, покажуваат податоците.

Прикажи повеќе...

Европа

Јункер: Брегзит мора да се случи пред изборите за ЕП

Објавено пред

Велика Британија би требало да ја напушти Европската Унија до почетокот на изборите за Европскиот парламент на 23 мај, оцени претседателот на Европската комисија, Жан Клод Јункер.

Британската премиерка, Тереза Меј, со писмо од ЕУ побара поместување на рокот за брегзит од 29 март на 30 јуни.

Според неименуван висок извор од ЕК, Јункер во телефонски разговор ѝ рекол на Меј дека „брегзит мора да биде завршен пред 23 мај“.

Сите 27 членки на Унијата денеска на самит во Брисел ќе одлучуваат за продолжување на рокот за брегзит.

Прикажи повеќе...

Најново

Македонија30 минути

(Видео) Караџовски на распит во Обвинителството за покачените плати на Судскиот совет

Претседателот на Судскиот совет, Зоран Караџовски пристигна во Обвинителството за гонење организиран криминал и корупција. Тој е повикан на распит...

Свет39 минути

Идентификувани жртвите од масакрот во Нов Зеланд, најмладата имала само 3 години

Идентификувани се сите 50 жртви од терористичкиот напад на двете џамии во градот Крајстчерч во Нов Зеланд, соопшти полицијата. Од...

Македонија2 часа

„Пуцко петрол“ на Јаоски го шири бизнисот – отвора бензинска пред „Континентал“

34-годишниот Асмир Јаоски, синoт на градоначалникот на општина Пласница и сопственик на бензинските станици „Пуцко петрол“, Исмаил Јаоски, од редовите на ДУИ, гради бензинска...

Европа15 часа

Туск: Можно е кратко одложување на датумот за брегзит, но под еден услов

Лидерите на Европската Унија се спремни да дозволат кратко одложување на датумот за излегување на Велика Британија од Унијата доколку...

Регион16 часа

Караџиќ: Ова нема врска со правдата

Ова нема врска со правдата, е првата реакција на првиот претседател на Република Српска, Радован Караџиќ, кој денеска во Хаг...

Регион17 часа

Брамерц: Караџиќ направил ужасни злосторства и уништил цела држава

Поранешниот претседател на Република Српска, Радован Караџиќ, е прогласен за виновен за геноцид, злосторства против човештвото и воени злосторства, изјави...

Македонија18 часа

(Видео) Невладините до власта: Потценувачка е сумата од 100 евра за издршка на лице со попреченост

Претставници на граѓанските организации за лица со попреченост и хендикеп го изнесоа револтот од законот за социјална заштита, кој, според...

Македонија19 часа

АВМУ: Вработувањата се итни и неодложни и се во согласност со Изборниот законик

Агенцијата за медиуми потврди дека ангажирала двајца правници по распишувањето на изборите, но тврди дека вработувањата се во согласност со...

Македонија19 часа

Почина 19-годишната девојка, жртва од автобуската несреќа кај Ласкарци

Почина 19-годишната девојка на која ѝ беше ампутирана ногата по автобуската несреќа што се случи на 13 февруари кај селото...

Свет19 часа

Радован Караџиќ осуден на доживотен затвор за геноцидот во Сребреница

Апелациониот суд на ОН му ја зголеми казната на поранешниот лидер на босанските Срби, Радован Караџиќ, на доживотен затвор поради,...

Македонија20 часа

(Видео) Пренџов: Јакимовски не е осомничен за криминал и корупција, туку затоа што премногу работел

Љупчо Пренџов од ГРОМ изјави дека претседателот на партијата, Стевчо Јакимовски, на кој вчера му беше одреден куќен притвор од...

Македонија20 часа

(Bидео) Гувернерката одби да говори за судирот на интереси на директорката за супервизија

Гувернерката на Народната банка, Анита Ангеловска-Бежовска, не сакаше да даде изјава по завршувањето на промотивниот настан во НРБМ, на кој...

Македонија20 часа

(Видео) Џамтоски: Заев вети мораториум за градење и забранет пристап до Али-пашината џамија

Жолта лента за забранет пристап до Али-пашината џамија и мораторум за градење, им ветил премиерот Зоран Заев на претставниците од...

Топ21 час

(Видео) ДКСК: Нема непотизам во случаите со пратеничката Александрова и градоначалникот на Берово

Два предмета од првите 18 кои антикорупциската комисија ги отвори за можен судир на интереси при вработувањето на роднините на...

Македонија23 часа

Досие „Маѓар телеком“: 7,5 милиони евра за „пријателите од Тетово“ и за страната „А“

Поранешниот министер за транспорт и врски од ДУИ, Џемали Мехази, еден час одговараше на прашања на обвинителката Лиле Стефанова, во...

Свет1 ден

Премиерката на Нов Зеланд повика на глобална антирасистичка борба

Премиерката на Нов Зеланд, Жакинда Ардерн, повика на глобална борба против расистичката идеологија на десното крило, по минатонеделните напади на...

Македонија1 ден

Хазби Лика со најмногу вработени роднини во државните служби

Функционерите ги пријавуваат во антикорупциската комисија роднините кои се вработени во државните служби, како и своите блиски кои имаат свои...

Регион1 ден

Денеска ќе биде изречена второстепената пресуда за Радован Караџиќ

Жалбениот совет на Меѓународниот резидуален механизам за кривични судови (наследник на Хашкиот трибунал) ќе ја изрече денеска, по три години...

Македонија1 ден

Се запали автомобил во движење кај старата железничка станица

Автомобил од марката „ситроен“ се запали сред улица во близина на старата железничка станица во Скопје. Очевидци за „Макфакс“ раскажуваат...

Европа1 ден

Татко и син се првите погребани жртви по масакрот во Крајстчерч

Таткото и синот Калед Мустафа (44) и Хамза (16) денеска беа погребани како први жртви во терористичкиот напад во Крајстчерч....

Досие