Контакт

Европа

Полска: Европа мора да се обедини, немаме време

Објавено пред

Полскиот премиер Доналд Туск денеска ќе ги посети Франција и Германија, пренесува „Ројтерс“ и посочува дека трите земји членки на Европската Унија сакаат уште поблиску да се поврзат како одговор на зголемените безбедносни ризици. Со оглед на тоа што војната во Украина ќе влезе во третата година и евентуалното враќање на Доналд Трамп во Белата куќа и последователната сомнителна посветеност на САД кон НАТО, Варшава, Берлин и Париз сметаат дека военото единство е клучно.

dobivaj vesti na viber

„Европа мора да се обедини. Се работи за одговор на прашањето што ќе се случи ако победи Трамп. Немаме време, мораме да имаме поголеми капацитети на одбранбената индустрија“, рече извор во полската влада. Истиот извор наведува дека на Европа итно ѝ е потребно заедничко производство на оружје и дека Полска повеќе не ја блокира стратешката автономија, која има цел да ја направи Европа помалку зависна од другите.

„Полската влада сега првпат вели дека зајакнувањето на европските безбедносни и одбранбени капацитети не е во конфликт со силно НАТО“, рече Дитмар Нитан, германски претставник задолжен за соработка со Полска. Односите меѓу Полска и Германија се заладија за време на осумгодишното владеење на конзервативната ПиС бидејќи таа десничарска полска партија го обвини Берлин за сите зла, од миграцијата до енергетската политика.

Но, со враќањето на Туск, поранешниот претседател на Европскиот совет, на чело на владата во Варшава, ќе биде полесно да се оживее Вајмарскиот триаголник, платформа почната во 1991 година за политичка соработка меѓу Германија, Франција и Полска.

По средбата на Туск со францускиот претседател Емануел Макрон и германскиот канцелар Олаф Шулц, ќе следуваат средби на министрите за надворешни работи на споменатите земји. Според француски дипломатски извор, ова е нов стимул на европскиот проект, важен во изборната година за Европа и САД.

Според овој извор, главни теми на разговорот ќе бидат борбата против руските дезинформации и помошта за Украина, како и зајакнувањето на европската воена индустрија. Единствената чувствителна тема останува прашањето за германските воени репарации за Полска за уништувањето за време на Втората светска војна.

Своевремено ПиС бараше исплата на 1,3 милијарда евра, но Берлин одби. Новата полска влада се залага за покреативно решение на проблемот.

Европа

Естонската премиерка како Макрон: „Ништо не е исклучено, тоа е пораката до Русија“

Објавено пред

Естонската премиерка Каја Калас рече дека сите опции се на маса за да ѝ се помогне на Украина да го победи Путин. Таа го изјави ова неколку дена откако францускиот претседател Емануел Макрон предизвика бура навестувајќи дека постои можност да се испратат копнени сили да му помогнат на Киев.

dobivaj vesti na viber

Зборовите на Макрон предизвикаа реакција кај другите сојузнички влади, чии лидери бргу почнаа да инсистираат дека нема да бидат распоредени војници во Украина. Но, Калас изјави денеска дека лидерите мора да разговараат за сите опции зад затворени врати вклучувајќи ги и сите опции кои сè уште се на маса за да ѝ помогнат на Украина во својата егзистенцијална борба.

„Мислам дека тоа се исто така сигнали што ги испраќаме во Русија, дека не исклучуваме разни работи“, изјави Калас за „Политико“. „Затоа што сите земји сфатија дека мораме да направиме сè за Украина да победи, а Русија да ја изгуби оваа војна“.

Додека повеќето други земји од ЕУ ја отфрлија можноста за испраќање сили во Украина, вклучувајќи ги и главните играчи, како Германија, Обединетото Кралство и САД, министерот за надворешни работи на Литванија, Габриелиус Ландсбергис, вчера изјави дека е благодарен за дебатата што ја иницирал Макрон додавајќи дека „ништо не може да биде тргнато од маса“ и „ниту една опција не може веднаш да се одбие“.

Москва реагира луто на изјавите на Макрон предупредувајќи дека распоредувањето на западните сили во Украина неизбежно ќе доведе до конфликт меѓу Русија и НАТО.

Калас, која во минатото изрази интерес да стане следниот генерален секретар на НАТО, рече дека сè уште верува оти работата треба да му припадне на лидер чија земја ја исполнува целта на алијансата за одбранбени трошоци од 2 отсто од БДП. Сепак, имајќи предвид дека најверојатен кандидат за оваа позиција е холандскиот премиер Марк Руте, кој ја доби поддршката од неколку клучни земји, тоа тешко дека ќе се случи.

Додека Калас се согласи дека Руте има „позитивни квалитети“, таа истакна дека тој ќе биде четвртиот генерален секретар од Холандија, а никогаш немало шеф на НАТО од Естонија, па дури и од која било балтичка земја.

„Се поставува прашањето дали во НАТО има земји од прв и втор ред“, рече таа. „Дали сме еднакви или не? Така тие прашања сè уште остануваат“.

Со оглед на тоа што поранешниот американски претседател Доналд Трамп е сè поблиску до враќање во Белата куќа, многу западни лидери се загрижени дека ќе бидат оставени сами да се грижат за заштита на Украина од руска агресија. Републиканскиот кандидат долго време ја доведува во прашање посветеноста на Вашингтон кон НАТО и неодамна се закани дека ќе ја напушти заедничката одбрана на земјите што не вложуваат доволно во одбраната.

Прикажи повеќе...

Европа

Шефот на украинската армија: Ги отфрламе руските напади, ситуацијата е тешка

Објавено пред

„Украинските сили ги потиснаа руските војници од селото Орливка, западно од Авдиивка, но ситуацијата на источниот фронт и понатаму е тешка“, изјави командантот на украинската армија, Олександр Сирски. Орливка се наоѓа на помалку од 2 километра северозападно од Ласточкине, кое неодамна беше окупирано од руските сили.

dobivaj vesti na viber

Русија го зазеде стратешкиот источен украински град Авдиивка минатата недела по повеќемесечна офанзива и врши притисок врз неколку други области по должината на линијата на фронтот, велат украинските власти.

Украинската армија неделава објави дека се повлекла од уште две села кај Авдиивка. „Непријателот продолжува со активните офанзивни дејства во многу области по должината на линијата на фронтот. Состојбата е особено напната во секторите Авдиивка и Запорожје“, објави Сирски на „Телеграм“.

Сирски истакна дека руските јуришни единици се обидуваат да ја пробијат украинската одбрана и да ги заземат населбите Тоненка, Орливка, Семенивка, Бердичи и Краснохоривка.

Сирски, кој ги посети единиците на Источниот фронт, рече дека некои команданти откриле одредени недостатоци во ситуациската свест и во процената на непријателот“=, што директно влијаело на одржливоста на одбраната во одредени области.

„Ги презедов сите мерки за подобрување на состојбата на терен, со доделување дополнителна муниција и материјални ресурси, како и потребните резерви“, рече Сирски.

Украинската армија и претседателот Володимир Зеленски постојано нагласуваат дека на војниците им недостига воена опрема и муниција потребни за одбивање на руските напади поради недостигот на воена помош од западните сојузници.

Прикажи повеќе...

Европа

(Видео) Путин: НАТО подготвува напад врз Русија, но мора да разберат дека и ние имаме оружје што може да ги порази на нивна територија

Објавено пред

Владимир Путин го почна своето годишно обраќање за состојбата на нацијата пред Федералното собрание на Русија. Кремљ не ги објави клучните теми за кои ќе се разговара, но обраќањето вообичаено ги опфаќа економијата, внатрешните и надворешните прашања.

dobivaj vesti na viber

На почетокот на својот говор Путин се осврна на руските краткорочни планови и аспирациите на рускиот народ. Тој ја поздрави огромната поддршка на населението за, како што ја нарекува, специјалната воена операција во Украина. Тој ги пофали хероите на првите борбени линии и во рововите, кои страдаат, но имаат поддршка од целата земја.

Тој ги критикува, како што ги гледа, колонијалните тенденции на Западот за кои вели дека се наменети да ја уништат Русија. Рускиот лидер вели дека САД се апсолутно решени да создадат поделба. Тој тврди дека Русија се бори за својата слобода и независност. Потоа повика на едноминутно молчење за паднатите херои.

Рускиот претседател најави дека денешниот говор ќе претставува поглед во иднината. Тој потврди дека има прашања што треба да се решат за развојот на Русија. Тој рече дека разговарал со Русите во целата земја, вклучително и наставници, доброволци и војници.

Без конкретно да ја спомене Украина, Путин зборуваше за поддршка на браќата и сестрите и нивната желба да бидат со Русија. Тој ги нарекува жителите на Донбас и Севастопол херои и вели дека нивното востание е прашање на гордост.

Путин истакнува дека Русија покажува целосна одговорност во однос на употребата на нуклеарно оружје. Тоа се однесува на обвинувањата на САД дека Русија лансирала нуклеарно оружје за уништување сателити во вселената.

„Ова е само лага за да изгледаме лошо. И тука мора да запомните дека во последните 15 години предлагаме да се ограничи употребата на нуклеарното оружје. Имаме секаква можна основа да тврдиме дека целото прашање на нашата потрага по стратешката хегемонија не е ништо друго, освен преправање“, рече тој.

Тој забележа дека САД преговараат со Русија само за да ги остварат сопствените интереси.

Западна Русија мора да биде соодветно заштитена по проширувањето на НАТО во Шведска и Финска, вели Владимир Путин. Тој додава дека силите на НАТО подготвуваат напад на руска територија користејќи ги најефикасните сили за ова.

Тој рече дека судбината на која било земја што ќе ја нападне Русија ќе биде многу потрагична од сè што се соочила земјата претходно. „Тие мора да разберат дека и ние имаме оружје, оружје што може да ги порази на нивна територија“, рече Путин додавајќи дека таквиот потег може да охрабри употреба на нуклеарно оружје.

„Зарем тие не го разбираат тоа?“ ,праша Путин. Тој ги обвини западните земји дека мислат оти се врховни.

„Русофобијата ги заслепува луѓето и ги лишува од нивните рационални способности. Без Русија, нема цврст мир во светот“, рече тој пред Федералното собрание.

Прикажи повеќе...

Најново

Економија5 минути

Нема повеќе гарантирани цени во маркетите, секое нелогично зголемување ќе биде санкционирано

Од денеска нема повеќе гарантирани цени на производите во маркетите. Како што порача претходно вицепремиерот за економски прашања, Фатмир Битиќи,...

Македонија17 минути

МНР го осуди нападот во Газа: Ваквиот чин претставува сериозно кршење на меѓународното право

Министерството за надворешни работи најостро го осудува нападот во Газа, кој однесе животи на голем број невини луѓе додека чекаа...

Македонија30 минути

МВР воведе нова секција на веб-сајтот за побрзо закажување термин за лични документи

Министерството за внатрешни работи информира дека од вчера е воведена уште една нова секција на веб сајтот https://termin.mvr.gov.mk/ која има...

Македонија36 минути

„Малолетник избоден до смрт во Прилеп, ново убиство, што прават неспособните кадри на ДПМНЕ во МВР“, прашува СДСМ

„Грозно свирепо убиство на малолетно момче во Прилеп, ново убиство за само неколку дена. Што прават неспособните кадри на ДПМНЕ...

Свет1 час

(Видео) Пожар зафати зграда во Бангладеш, загинаа најмалку 43 лица

Најмалку 43 лица загинаа, а десетици се повредени во пожар што вчера уништи седумкатница во Дака, главниот град на Бангладеш,...

Свет1 час

(Видео) Не стивнуваат реакциите за масакрот во Газа, сведок: Камиони со храна газеа луѓе

Според последните информации од Газа, најмалку 112 Палестинци се убиени, а 760 се повредени додека очајнички се обидувале да ја...

Македонија21 час

(Видео) Бунарите пресушуваат, изворите се повлекуваат; наместо над 400, УХМР има 40 станици за следење на подземните води

Секнати кладенци, пресушени бунари, повлечени изворишта на вода и суви поила за стока станаа главна мака во речиси сите региони...

Европа22 часа

(Видео) Путин: НАТО подготвува напад врз Русија, но мора да разберат дека и ние имаме оружје што може да ги порази на нивна територија

Владимир Путин го почна своето годишно обраќање за состојбата на нацијата пред Федералното собрание на Русија. Кремљ не ги објави...

Македонија22 часа

Демири: Ќе најдеме решение да му се помогне не само на Лео, туку и на секој друг пациент што има потреба

Владата и Министерството се комплетно посветени и ќе се изнајде решение со кое ќе му се помогне на Леонид Индов,...

Македонија23 часа

Во дел од општините ГУП-от не е сменет над 20 години, има голем број дивоградби и неефикасен инспекциски надзор, објави Центарот за граѓански комуникации

Центарот за граѓански комуникации го објави истражувањето на тема „Застарени ГУП-ови, често менување ДУП-ови и голем број дивоградби“ и ова,...

Македонија23 часа

Ванковска на чекор до претседателска кандидатура, собра 9.085 потписи

Професорката Билјана Ванковска која е предложена од политичката партија Левица, заклучно со вчерашниот ден има собрано 9.085 од потребните 10.000...

Македонија23 часа

Пендаровски: ВМРО-ДПМНЕ продолжува да се служи со уличен жаргон и излитени фрази

ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази,...

Топ24 часа

(Видео) Полицајци истепале лице вработено како обезбедување во казино во Куманово

Одделот за внатрешна контрола, криминалистички истраги и професионални стандарди при МВР поднесе кривична пријава против Д.П., полициски службеник во Полициската...

Македонија1 ден

Платите на функционерите, законот за игри на среќа и стратешките инвестиции пред пратениците

На дневен ред на продолжението на 145. собраниска седница, денеска меѓу другите се Законот за изменување и дополнување на Законот...

Македонија1 ден

Лиже таму кај што плукал, Пендаровски е човек без кредибилитет и интегритет, велат од ВМРО-ДПМНЕ

Стево Пендаровски е човек без кредибилитет и интегритет, или со други зборови лиже, таму кај што плукал. Во периодот кој...

Свет1 ден

Белата куќа: Израел мора да обезбеди слободен пристап до Ѕидот на плачот за време на рамазан

Портпаролот на Белата куќа Метју Милер го повика Израел да им го олесни пристапот на муслиманските верници до „Ѕидот на...

Свет1 ден

Ердоган им нуди на Русија и Украина мировни преговори во Турција

Турскиот претседател Реџеп Таип Ердоган рече дека Анкара продолжува да го поддржува мирното решение за сеопфатната руска инвазија на Украина...

Свет1 ден

Бајден беше на систематски: „Поминав“

„Поминав“, изјави американскиот претседател Џо Бајден (81) по неговиот годишен рутински преглед во воената болница во Мериленд, и покрај загриженоста...

Македонија2 дена

Извршниот одбор на СДСМ го поддржа Стево Пендаровски за кандидат за Претседател на државата

На денешната седница во Штип, Извршниот одбор на СДСМ ја разгледа информација за спроведената постапка за можни кандидати за Претседател...

Македонија2 дена

(Видео) Средба Пендаровски – Зеленски: Македонија силно ја осудува руската агресија врз Украина

Претседателот Стево Пендаровски, во рамки на учеството на самиот Украина – Југоисточна Европа, денеска во Тирана оствари средба со претседателот...