Свет
Путин ги повика Русите на единство, Трамп им ја честита Нова година на непријателите

Рускиот претседател Владимир Путин во сабота во новогодишната честитка упатена до сонародниците изјави дека 2016-та била тешка година повикувајќи ги и покрај сé да ја задржат вербата во својата земја и да останат обединети, а новоизбраниот американски претседател Доналд Трамп честитката на Американците им ја упати преку својата омилена социјална мрежа Twitter, обраќајќи им на „бројните непријатели“ кои не ги именуваше.
„Среќна Нова година на сите, дури и на моите бројни непријатели, како и на оние кои беа против мене и кои убедливо загубија, така што повеќе не знаат што да прават. Ве сакам!“, твиташе Доналд Трамп кој на 20-ти јануари ќе стане 45-от претседател на САД.
Три седмици до инаугурацијата и по многу жестоката и неизвесна претседателска кампања, републиканецот Трамп се подготвува да го преземе водството на поделената земја.
Рускиот претседател Владимир Путин во својата новогодишна честитка, којашто во Москва се емитува на полноќ по локално време, но поради временската разлика веќе беше емитувана на рускиот Далечен исток кој веќе влезе во 2017 година, изминатата година ја оцени како „тешка“.
„Но тие тешкотии ни овозможија повторно да се зближиме. Во прв ред, мораме да веруваме во себеси, во своите можности, во својата земја. Успешно да работите и многу да постигнувам“, вели во честитката рускиот претседател, поздравувајќи ги особено оние ко исе далеку од своите домови, како руските војници во Сирија.
„Имаме огромна, посебна, величествена земја“, истакнува Путин, изразувајќи надеж дека бовата година на Русите ќе им донесе „мир, стабилност и благосостојба“.
Годината што изминува за неколку часа на Русија ѝ донесе големо враќање на меѓународната сцена, особено откако забелеа успеси во Сирија каде на крајот од 2016-та, по чест години стапи на сила нов преки на огнот, а се очекуваат мировни преговори коишто ќе ги координира со Турција по жестоката едногодишна воена кампања./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Мерц ја повика ЕУ на итен договор со Америка за царините

Германскиот канцелар Фридрих Мерц ја повика Европската Унија што е можно поскоро да постигне договор со Соединетите Американски Држави за решение на трговскиот спор поврзан со царинските давачки, предупредувајќи дека остануваат само неколку дена за постигнување договор.
Зборувајќи на банкарски состанок во Берлин, Мерц истакна дека неуспехот да се реши спорот може да ги загрози клучните сектори на европската економија, вклучувајќи ја автомобилската индустрија, челичарниците и фармацевтските компании, објави Ројтерс.
„Европа мора сериозно да се соочи со можноста САД да ја омекне својата посветеност на трансатлантската соработка.
Постојат оправдани сомнежи дали ќе продолжиме да споделуваме заеднички интереси на долг рок“, рече Мерц, пренесува Танјуг.
Свет
(Видео) Пукање во Чикаго: има загинати и повредени

Повеќе лица биле застрелани на забава за промоција на албум во Чикаго, пренесуваат медиумите во регионот.
Извештаите што кружат на социјалните мрежи велат дека луѓе биле застрелани во ресторан и салон на авенијата Вест Чикаго во населбата Ривер Норт за време на забавата за раперот Мел Бакз.
Wild West of some kind.
Chicago, Illinois.
12 people were shot in an intense shooting at a nightclub between Chicago and Franklin Avenues. pic.twitter.com/dnCJXpDcWX— Argonaut (@FapeFop90614) July 3, 2025
Најмалку три лица се убиени, а 16 се повредени, објави Си-би-ес повикувајќи се на локалните власти.
Службеник на градот изјави дека 19 лица биле застрелани во автомобили, од кои тројца смртно, според извештајот.
Портпаролот на полициската управа во Чикаго, Хулио Гарсија, изјави дека дополнителни информации ќе бидат објавени штом ќе станат достапни, но не го прецизира бројот на повредени или точната локација на инцидентот, објави „Ројтерс“.
Портпаролот на медицинската болница „Нортвестерн“, Крис Кинг, потврди дека одделот за итни случаи ја проценува состојбата на неколкумина повредени, но не можеше да го прецизира точниот број на лица примени на лекување или нивната моментна здравствена состојба.
Европа
Анкета: Германците сакаат да го укинат пиењето под надзор кај тинејџерите

Мнозинството Германци сакаат построги закони за заштита на младите од алкохол, вклучително и елиминација на контролирано пиење, што им овозможува на 14-годишниците да нарачаат пиво во бар ако се во придружба на законски старател, покажува анкета објавена денес.
Резултатите од анкетата на „Форса“, нарачана од компанијата за здравствено осигурување Kaufmännische Krankenkasse (KKH), покажуваат дека 65 проценти од Германците ја поддржуваат забраната за контролирано пиење алкохол од страна на малолетници. Според сегашниот закон, на тинејџерите им е дозволено да купуваат и да пијат пиво, вино и пијалаци на база на вино на јавно место ако се во придружба на старател.
Тесно мнозинство од 52 процента од испитаниците исто така сакаат да се зголеми законската возраст за купување и пиење алкохол од 16 на 18 години. Анкетата, спроведена во јуни, опфати 1.004 испитаници од цела Германија на возраст меѓу 18 и 70 години.
Забраната за контролирано пиење ја застапуваат и покраинските министри за здравство, а ја поддржува и федералната министерка за здравство, Нина Варкен. Алкохолот е значаен проблем за децата и за тинејџерите, изјави Катарина Шенк, министерка за здравство во источногерманската покраина Тирингија и претседателка на Конференцијата на министрите за здравство.
Медицинските здруженија долго време апелираат до креаторите на здравствените политики да вложат поголеми напори за намалување на потрошувачката на алкохол во Германија. Германското здружение за исхрана препорачува целосна апстиненција од алкохолни пијалаци наведувајќи дека „не постои безбедно ниво на потрошувачка“.
„Колку порано младите луѓе почнуваат да пијат, толку се поголеми здравствените ризици“, вели психологот на KKH, Франциска Клем.
Покрај краткорочните последици, како што се несреќи, повреди и насилство, алкохолот го зголемува и ризикот од рак, кардиоваскуларни заболувања и заболувања на црниот дроб. Алкохолот е особено штетен за адолесцентите бидејќи нивните тела сè уште се во развој и затоа се почувствителни на неговите токсични ефекти, објавува агенцијата ДПА.