Свет
Се бореше против политичката мафија и нарко бандите, беше осудуван и прогонет: Кој е убиениот претседателски кандитат на Еквадор
![](https://makfax.com.mk/wp-content/uploads/2023/08/Capture-4.jpg)
Еквадорскиот претседателски кандидат Фернандо Вилавиченцо, кој беше застрелан на крајот од предизборниот митинг во Кито, беше еден од ретките политичари кои јавно зборуваа за врските на владата со организираниот криминал, пренесуваат странските медиуми.
Одговорноста за неговото убиство ја презеде криминалната група „Лос Лобос“ (Волци).
Неколку дена пред убиството, Вилавиченко изјави на националната телевизија дека добил неколку смртни закани, за кои тврдеше дека доаѓале од осудениот водач на криминалната група „Чонерос“, Алијас Фит, кој наводно му наредил да престане да го спомнува во јавноста.
Но, одговорноста за неговото убиство ја презеде криминалната група „Лос Лобос“ (Волци), која своевремено се одвои од групата „Чонерос“.
„Лос Лобос“ е втората по големина банда во Еквадор со околу 8.000 членови, од кои многумина се зад решетки. Се верува групата е поврзана со мексиканскиот картел на новата генерација „Халиско“, кој тргува со кокаин.
Како член на Националното собрание, Вилавиченко отворено зборуваше за корупцијата и насилството предизвикани од шверцот на дрога во земјата. Јавно кажа дека Еквадор станал „нарко држава“ и рече дека ќе се бори против политичката мафија.
Вилавиченцо беше еден од најгласните борци против корупцијата на политичката сцена на Еквадор, особено за време на владеењето на поранешниот претседател Рафаел Кореа, кој беше на чело на таа земја од 2007 до 2017 година.
Тој беше осуден на 18 месеци затвор за клевета, за изјави во кои го критикуваше поранешниот претседател.
Од „островот на мирот“ до земја на нарко банди
Еквадор некогаш беше безбедна и стабилна земја во Латинска Америка. Некогаш се нарекуваше „Исла де Паз“ (остров на мирот), но криминалот се зголеми во последниве години, поттикнат од зголеменото присуство на колумбиските и мексиканските нарко картели, кои се инфилтрираа во локални криминални банди, пренесува „Си-Ен-Ен“
Насилството е најизразено на брегот на Тихиот океан на земјата додека криминалните банди се борат за контрола и дистрибуција на дрога.
Сите кандидати на претседателските избори во Еквадор ветија дека ќе се борат против ескалацијата на насилството.
Но, влошената безбедносна и економска ситуација предизвикува повеќе Еквадорци да ја напуштат земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.