Европа
Тајната што Путин ја чува како очите во главата – мрачните детали ги знаат само најверните соработници

Секој потег на рускиот претседател Владимир Путин често е предмет на анализа на западните медиуми. Уште од почетокот на инвазијата на Украина се пишуваше дека Путин е наводно тешко болен, а се споменуваше и дека користи т.н. допелгангери (двојници). Оваа информација повторно се најде во фокусот откога Путин го посети окупираниот украински град Мариупол.
Путин дојде во ненадејна посета на окупираните територии на Украина, што поттикна многу тврдења дека користи замена. Критичарите укажуваат на два дела од неговото тело за да ја докажат својата поента – ушите и брадата.
Петро Андриушченко, советник на градоначалникот на Мариупол, окупираниот украински град што Путин го посети, на „Телеграм“ напиша дека „Путин или еден од неговите двојници“ бил во ноќна посета на окупираниот регион – но, не самиот Путин.
Слични шпекулации стигнаа и од руска страна. За ова прашање зборуваше рускиот екстремист Игор Гиркин Стрелков.
„Кога ќе го видам наводниот Путин во толпата, веднаш знам дека гледам двојник, а никој не знае што вели тој двојник, веројатно зборува глупости“, рече Гиркин.
Корисниците на „Твитер“ шпекулираат дека ликот на Путин отишол во Украина фокусирајќи се и споредувајќи ги обликот на неговото уво и на брадата со фотографиите од 2006 и 2018 година.
Шефот на украинската разузнавачка служба, Кирило Буданов, минатата година за британски „Дејли мејл“ изјави дека рускиот претседател Владимир Путин користи двојници, кои биле подложени на пластична операција. Буданов во интервју за „Дејли мејл“ рече дека украинската влада е многу збунета од постојаните воени грешки на Русија за време на инвазијата и затоа многу луѓе се прашуваат дали Путин сè уште ги носи клучните одлуки.
Колку и да е лош, Путин не е идиот. Рускиот план не следи никаква логика. Големото прашање е дали вистинскиот Путин сè уште постои“, рече шефот на украинската разузнавачка служба тврдејќи дека неговите луѓе откриле двојници што се користеле за замена на Путин во посебни пригоди.
Засега не е познат точниот број на двојници што ги користел рускиот претседател. Според украинските медиуми, овие податоци се внимателно скриени и претставуваат државна тајна. Освен тоа, тешко дека целиот Кремљ знае за двојниците на Путин. Вакви информации имаат само доверливи луѓе околу Путин. Но, во медиумите сè почесто се споменува бројката од тројца двојници.
Буданов, кој е и генерал, вели дека употребата на двојници сега е вообичаена практика.
„Знаеме конкретно за три лица што постојано се појавуваат, но не знаеме точно колку ги има. „Сите направија пластична операција за да изгледаат исто“, вели информаторот.
Буданов смета дека промените се неизбежни во Москва и дека смената на Путин е во интерес на целиот цивилизиран свет. Руските државни медиуми го поврзуваат Буданов со тајни операции на Крим бидејќи тој е поранешен оперативец на специјалните сили, кој подоцна беше назначен за шеф на военото разузнавање.
Буданов и претходно изјави дека Путин користи двојници. Тој за „Њузвик“ изјави дека Путин користел двојници за време на јавните настапи за да ги скрие здравствените проблеми. Тој нагласува дека има специјалисти на украинската разузнавачка служба кои се обучуваат на оваа тема.
„На фотографијата, на пример, ушите се разликуваат. И тоа е како отпечаток од прстот, кај секој човек увото е единствено. Не може да се повтори“, објаснува Буданов.
Тој исто така тврди дека двојниците на Путин имаат разни навики, манири, одење, па дури и дека имаат разни висини.
Ова прашање е исто така тешко да се одговори. Како што пишуваат украинските медиуми, двојниците биле внимателно избрани за никој никогаш да не сфати дека се работи за лажна личност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украински функционер: Европа прави сè што може, но ќе биде тешко без американско оружје

Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев ќе бидат запрени, додека Вашингтон се обиде да го намали значењето на паузата.
Тоа е сериозен удар за Украина во време кога Русија ги засилува нападите во отсуство на дипломатски напредок за решавање на конфликтот. Американскиот претседател Доналд Трамп му се обраќа на рускиот претседател Владимир Путин од јануари, обидувајќи се да изврши притисок врз него да ги запре борбите, но без да постигне конкретен напредок.
Вчера, сосема неочекувано, неговата администрација објави дека престанала да испорачува одредени видови оружје во Киев, официјално поради загриженост за намалувањето на залихите на муниција во САД, од каде што доаѓа најголемиот дел од воената помош за Украина од почетокот на руската инвазија во февруари 2022 година.
Американските претставници вчера се обидоа да го минимизираат влијанието на потегот, без да дадат детали. „Министерството за одбрана продолжува да му презентира опции на претседателот во врска со воената помош за Украина, во согласност со целта за завршување на оваа трагична војна“, изјави портпаролот на Пентагон, Шон Парнел, за новинарите.
Портпаролката на Стејт департментот, Тами Брус, на брифингот изјави дека „ова не е суспензија на американската помош за Украина или испораката на оружје“, туку „изолиран инцидент“.
Оружјето, муницијата и опремата од Соединетите Американски Држави, како и разузнавачките информации, им овозможија на украинските сили да ги сопрат руските трупи, кои окупираа речиси 20 проценти од украинската територија. Украина останува зависна од американските испораки на оружје, изјави за АФП висок украински воен функционер.
„Европа прави сѐ што може, но ќе ни биде тешко без американска муниција“, додаде тој. Синоќа, украинскиот претседател Володимир Зеленски рече дека Вашингтон и Киев се обидуваат да ги „разјаснат сите детали“ во врска со воената помош што Соединетите Американски Држави сè уште ја обезбедуваат. „Продолжената американска помош за нашата одбрана и нашиот народ е во наш заеднички интерес“, рече тој.
Европа
(Видео) Украинците уништија руско складиште за муниција, се шири снимка од огромна експлозија

Украина очигледно извршила напад врз руско складиште за муниција во градот Карцизк во окупираниот дел од Донецката област на 2 јули, објавија и руски и украински Телеграм канал.
На социјалните мрежи се појавија снимки на кои наводно се гледаат моќни експлозии во близина на магацинот за кој се тврди дека се наоѓа источно од рускиот окупиран град Донецк.
Украинската војска не го коментираше нападот, а во моментов нема информации за обемот на штетата.
💥Just now: strike reported on the Russian ammunition depot on Khartsyz'k. pic.twitter.com/o33onaTPWF
— Special Kherson Cat 🐈🇺🇦 (@bayraktar_1love) July 2, 2025
Украинската војска редовно напаѓа воени цели на територијата окупирана од Русија, како и длабоко во Русија, во обид да ја ослабне способноста на Москва да води војна против Украина.
Вечерта на 30 јуни, Украина слично започна напад врз командниот пункт на 8-та комбинирана армија на руските вооружени сили во рускиот окупиран дел од Донецката област. Според неофицијални информации, нападот бил извршен од британски крстосувачки ракети со долг дострел од типот Storm Shadow.
Russian ammunition depot in Khartsyzk https://t.co/VkenrZaEV1 pic.twitter.com/ktxSlOzcCd
— Special Kherson Cat 🐈🇺🇦 (@bayraktar_1love) July 2, 2025
Со месеци, Русија ја фокусираше својата офанзива врз градот Покровск во Донецката област, кој е под постојан напад, а во последно време сè повеќе се обидува да ги пробие украинските линии кон соседната Дњепропетровска област – регион кој досега не беше погоден од борбите.
Европа
Убиен украински командант; Зеленски: Ќе одговориме за овој напад

Во руски ракетен напад врз Хуљајпоље во областа Дњепропетровска беше убиен командантот на 110-та посебна механизирана бригада на Украина, Сергеј Захаревич, а ранети се уште 30 други, изјави украинскиот претседател Володимир Зеленски.
Руската војска го нападна вчера округот Камјански, каде што се наоѓа селото Хуљајпоље, соопшти гувернерот Сергеј Лисак. Хуљајпоље, со население од околу 1.200 жители пред војната, се наоѓа во западниот дел на областа Дњепропетровска, на околу 70 километри од линијата на фронтот.
„Секако ќе им одговориме на Русите за овој напад“, објави Зеленски, додавајќи дека во моментов е во тек истрага за рускиот напад и дека чека извештај од воената команда.
Захаревич дипломирал на Одесскиот институт на копнените сили. Во февруари оваа година, тој беше назначен за командант на 110-та посебна механизирана бригада. Пред тоа, тој беше заменик-командант на 33-та механизирана бригада.
Тој учествуваше во неколку борбени мисии на фронтот. „Нашата армија изгуби уште еден претставник на новата генерација украински офицери кои пораснаа во битка и станаа модели на храброст и проактивно воено лидерство“, соопшти Генералштабот на украинските вооружени сили.