Контакт

Свет

Трамп за Бајден: Зборува како опасно момче, а тој не е тоа, не направи ништо

Објавено пред

Доналд Трамп, поранешниот претседател на САД, изјави дека нападите во Авганистан немаше да се случат доколку тој беше претседател.
Во изјава за „Фокс њуз“, Трамп зборуваше за 13 припадници на американската армија, кои беа убиени во Кабул во нападите на како што ги нарече „дивјаци и варвари“.

За потсетување, Исламската држава ја презеде одговорноста за вчерашниот смртоносен напад пред аеродромот во Кабул, во кој беа сместени најмалку 90 Авганистанци.

„Овие благородни американски воини ги дадоа своите животи додека беа на должност. Тие се жртвуваа за земјата што ја сакаат, се тркаа со времето за да ги спасат своите сограѓани од опасност. Тие загинаа како американски херои, а нашата нација секогаш ќе го чува споменот за нив“, изјави Трамп.

Поранешниот претседател на САД, исто така, изрази сочувство до семејствата на загинатите припадници на армијата.

„Денес сите Американци тагуваат со вас“, порача тој.

Тој им се обрати и на ветераните од дваесетгодишната војна во Авганистан.

„Знаеме што направивте, колку бевте храбри и ви благодариме, ве поздравуваме и ќе ве почитуваме за сите времиња“, кажа Трамп.

Тој ја критикуваше администрацијата на Бајден за соработка со талибанците во обид да обезбеди повлекување на илјадници американски државјани и Авганистанци кои им помогнаа на силите на НАТО предводени од САД кои ги соборија талибанците во 2001 година.

„Талибанците се непријатели“, рече поранешниот претседател и посочи дека имал работа со талибанскиот водач.

„Ова е личност која се бори против нас долги години, а ние сега ги користиме за да нè заштитат? Погледнете што се случи со нивната заштита, 100 луѓе – многу повеќе, велат тие, беа убиени, а 13 припадници на нашата неверојатна армија беа убиени, и тоа е само почеток. Имавме многу време. Ние ги имавме талибанците под целосна контрола. Имавме авиони, имавме воздухопловни сили, тие немаа ништо. Немаше причина да се избрзува. Ми требаа две, три години да ги повлечам американските сили. Сакавме брзо да ги извлечеме, но не брзавме. Ние контролиравме сè, а тие се плашеа. Талибанците не би направиле ништо без мое одобрување“, продолжи Трамп.

Поранешниот американски претседател се пожали дека по евакуацијата по наредба на Бајден, талибанците ја виделе слабоста.

„Тој не направи ништо, а потоа тие ја презедоа власта. Ја уништивме сликата за нашата земја и нашите неверојатни воини. Тие се неверојатни, но им треба цврсто водство што го немаат. Бајден зборува како опасно момче, а тој не е тоа. Тој е токму спротивното и светот го знае тоа“, рече Трамп.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Борел: Ја следиме ситуацијата на северот на Косово, провокациите се неприфатливи

Објавено пред

Високиот претставник на ЕУ, Жозеп Борел рече дека внимателно се следи ситуацијата на северот на Косово и им кажа на двете страни дека сите дополнителни провокации или еднострани и некоординирани дејствија се „неприфатливи“.

„Србија и Косово мора безусловно да ја деескалираат ситуацијата на терен со итно повлекување на специјалните полициски единици и отстранување на блокадите на патиштата“, рече Борел.

Тој порача дека Србија и Косово мора да најдат решенија за да ја смират ситуацијата и да се договорат како да се оди напред, и оти ЕУ „активно ќе ги поддржи тие напори“.

„И косовските и српските лидери се целосно одговорни за секој ризик по безбедноста и благосостојбата на заедниците во Косово и во Србија. Го истакнав тоа во моите пораки до претседателот Вучиќ и премиерот Курти оваа недела“, рече Борел.

Тој нагласи дека дијалогот со посредство на ЕУ останува единствената платформа каде се разговараат и решаваат сите отворени прашања меѓу страните, вклучително и прашањата поврзани со слободата на движење и регистарските таблички.

Пристигнувањето на двајцата главни преговарачи во Брисел во наредните денови е првиот позитивен чекор, рече Борел, додавајќи дека е од клучно значење тие да дојдат и да разговараат како да продолжат понатаму и да најдат одржливи решенија што се во интерес на граѓаните.

„Повторуваме – очекуваме и Косово и Србија да се вратат кон помирувањето, регионалната стабилност и соработката за доброто на своите граѓани. Ова е клучно за постигнување сеопфатен и правно обврзувачки договор за нормализација на нивните односи, што е неопходно за двете страни да напредуваат на својот пат кон ЕУ“, рече Борел.

Тој изјави дека е во контакт со генералниот секретар на НАТО, на кого му се заблагодари за вонредната соработка помеѓу КФОР и Еулекс.

„КФОР има клучна улога во поддршката на регионалната стабилност на Западен Балкан“, заклучи високиот претставник на ЕУ.

Српскиот претседател Александар Вучиќ телефонски разговараше со Борел, нагласувајќи дека „Србија ќе продолжи да ги почитува сите договори што ги има потпишано, сите меѓународни правни прописи и ќе продолжи да го поддржува регионалниот мир и стабилност и покрај неодговорното, несериозно и криминално однесување на приштинските власти.

Борел, како што се додава, повика на трпение, зачувување на мирот и продолжување на дијалогот во Брисел.

Прикажи повеќе...

Регион

Српски воени авиони и хеликоптер на КФОР надлетуваат над Косово, Вучиќ разговараше со Столтенберг

Објавено пред

Србите незадоволни од одлуката на Приштина за замена на регистарските таблички веќе седми ден протестираат на северот на Косово кај премините Јариње и Брњак.

Неколку авиони на војската на Србија денеска во неколку наврати повторни ги надлетуваа административните премини. Претходни и хеликоптер на КФОР леташе над просторот во близина на Јариње.

На позициите остануваа и специјалните сили на косовската полиција.

За состојбата денеска српскиот претседател Александар Вучиќ телефонски разговараше со генералниот секретар на НАТО, Јенс Столтенберг.

Како што беше објавено, Вучиќ посочил дека Србија апсолутно со ниту еден потег не го прекршила Бриселскиот договор или Резолуцијата 1244, ниту пак на каков било начин го загрозила зачувувањето на мирот.

„Седум дена трае целосната окупација со оклопни возила на северот на Косово и Метохија, што ја спроведува Приштина, и сите во меѓународната заедница гласно молчат“, истакна Вучиќ.

Тој укажа дека сите одеднаш се загрижени кога гледаат српски хеликоптери и авиони на територијата на централна Србија, затоа што претпоставува дека тие не треба да постојат или не треба да полетаат додека тоа не го одобри косовскиот премиер Албин Курти или некој од меѓународната заедница.

 

Прикажи повеќе...

Свет

Куба почна со извоз на својата вакцина против коронавирус

Објавено пред

Куба соопшти дека за првпат ја извезла во Виетнам својата вакцина против коронавирус „Абдала“, која се дава во три дози. Станува збор за првата пратка во рамките на договорот за испорака на пет милиони дози во оваа земја.

Кубанските научници развија три домашни вакцини против Ковид-19 и чекаат да добијат официјална потврда од Светската здравствена организација, објави „Ројтерс“.

Државната фармацевтска корпорација „Биокуба Фарма“ објави информации за извозот на „Твитер“, откако претходно оваа недела соопшти дека произвела доволно вакцини за да ја исполни целта за имунизација на повеќе од 90 проценти од локалното население до средината на ноември.

„Биокуба Фарма“ верува дека може да произведува 100 милиони дози од вакцините „Абдал“, „Соберана 2“ и „Соберана плус“ годишно. Компанијата тврди дека вакцината го намалува ризикот од сериозни болести или смртност за околу 90 проценти.

Потпретседателката на корпорацијата, Мајда Маури, изјави дека, откако ќе се постигнат целите за снабдување во земјата, ќе почне испораката на вакцини во други земји, вклучително и Иран и Венецуела.

„Разговараме за регулаторни прашања со Аргентина и со други земји во различни региони во светот“, истакна таа.

Иран веќе почна со производството на вакцината „Соберана-2“.

Виетнам, Аргентина и Мексико изразија надеж дека наскоро ќе ги произведуваат кубанските вакцини, додека многу земји користат други кубански лекови за третирање на „Ковид-19“.

Прикажи повеќе...

Најново

Топ1 час

Драма во Ресен: Со нож се обидела да го повреди сопругот со кого се разведуваат, ја нападнала и неговата нова девојка

Семејна драма се случувала вчера во Ресен, кога 31-годишна девојка (Д.Н). се обидела со нож да го повреди сопругот со...

Македонија2 часа

Регистрирани 336 нови случаи на коронавирус, починаа 17 лица

Во последните 24 часа направени се 3.425 тестирања, а регистрирани се 336 нови случаи на Ковид-19: Скопје – 169, Велес...

Македонија3 часа

Од утре почнува вакцинацијата со трета доза во Македонија

Од утре, граѓаните кои имаат над 60 години, здравствените работници и лицата со имунолошки болести, со потврда ќе можат да...

Македонија5 часа

ВМРО-ДПМНЕ тврди дека Шилегов исплаќал милионски суми на наместени тендери

Опозициската ВМРО-ДПМНЕ, на прес-конференција обвини дека градоначалникот на Град Скопје, Петре Шилегов исплаќал милионски суми на наместени тендери, а случајот го...

Македонија6 часа

(Видео) Заев се попиша: „Конечно ќе добиеме релевантни податоци за креирање на реални политики“

Претседателот на Владата, Зоран Заев, заедно со своето семејство во својот дом во Струмица, ја исполни граѓанската должност и законска...

Европа8 часа

Германија бира наследник на Меркел

Околу 60,4 милиони Германци денеска на федералните избори, имаат можност да одлучат за идниот состав на парламентот, и индиректно за...

Македонија9 часа

Од утре изборна кампања

Од утре стартува изборната кампања за Локалните избори што се закажани на 17 октомври. Кампањата ќе заврши на 15 октомври...

Македонија1 ден

Регистрирани 392 нови случаи на коронавирус, починаа 20 лица

Во последните 24 часа направени се 4.633 тестирања, а регистрирани се 392 нови случаи на Ковид-19: Скопје – 180, Куманово...

Македонија1 ден

Заев за виенски „Стандард“: ЕУ треба да го забрза процесот на донесување одлуки

„Понекогаш членките на ЕУ ја забораваат причината зошто работиме заедно, а тоа е затоа што сме заемно корисни. ЕУ е...

Европа1 ден

(Видео) Ерупцијата на вулканот на шпанскиот остров влезе во најинтензивната фаза

Реки лава течеа низ вулканот на шпанскиот остров Ла Палма ноќта помеѓу петокот и саботата, поради што локалниот аеродром беше...

Регион1 ден

Татко си ги задавил трите деца во Загреб, oставил писмо на „Фејсбук“

Три малолетни деца биле задавени од страна на нивниот татко во стан во Загреб, во населбата Млинови. Полицијата на местото...

Европа1 ден

Кој ќе ја наследи Меркел: Изборите се неизвесни, постизборните сојузи се уште понеизвесни

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот,...

Македонија1 ден

Заклучен избирачкиот список, кампањата почнува в понеделник

Државната изборна комисија го заклучи избирачкиот список, со што од понеделник почнува кампањата за локалните избори закажани на 17 октомври....

Македонија1 ден

Досега се попишани околу 1,4 милион граѓани, пописот ќе заврши во четврток

Заклучно до вчера до 12 часот попишани се вкупно 1.395.000 граѓани, над 435.000 домаќинства и над 600.000 станови, а се...

Македонија2 дена

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија2 дена

Осумдесет oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Македонија2 дена

Еврејската заедница во Македонија смета дека со бришењето на терминот „бугарски“ се искривува историската вистина

Eврејската верска заедница и Фондот на холокаустот на Евреите од Македонија велат дека не се согласуваат со намерата за бришење...

Европа2 дена

Норвешка од утре ги укинува сите ковид-мерки

Норвешка ќе ги укине сите рестриктивни мерки воведени поради пандемијата на коронавирус, објави владата. „Поминаа 561 ден откако ги воведовме...

Европа2 дена

„Епл“ реагира на одлуката дека во ЕУ ќе мора да има универзален полнач за сите мобилни телефони

Европската Унија денеска објави дека ќе нареди воведување на универзални полначи за мобилните телефони. Овој потег го налути „Епл“, кој...

Топ2 дена

Работник од Скопје почина при пад од зграда во изградба

Градежен работник паднал и починал додека работел на зграда во изградба во Гази Баба. Според информациите, се работи за М.Ц....

Досие