Свет
Авион во Америка среде лет остана без дел од трупот и вратата, наредена итна инспекција

Американската федерална администрација за авијација (ФАА) нареди итна инспекција на 171 авиони „Боинг 737 Макс 9“ по инцидентот што се случи во петокот за време на летот на Алјаска ерлајнс во близина на Портланд.
Директивата на ФАА бара авиокомпаниите да извршат увид во авионите пред нов лет, објави агенцијата во соопштението за печатот, проценувајќи дека оваа операција трае помеѓу 4 и 8 часа по авион.
Директивата се однесува на 171 авион Боинг 737 МАКС 9 во сопственост на американски компании и на оние кои летаат во САД. Дури и пред објавувањето на FAA, Alaska Airlines ги приземји своите 65 такви авиони во очекување на безбедносни проверки. Одлуката следува по инцидентот што се случи во петокот непосредно откако летот на Алјаска ерлајнс полета од меѓународниот аеродром Портланд за Лос Анџелес.
Дел од вратата и трупот се скршија од авионот, кој носеше 171 патници и 6 членови на екипажот и беше на надморска височина од скоро 5.000 метри. И покрај намалувањето на притисокот на авионот, екипажот успешно го сврте леталото и слета назад во Портланд.
Како што пишува портландскиот весник The Oregonian, повикувајќи се на патници, за среќа никој не бил на седиштето директно до скршената врата. Американскиот Национален одбор за безбедност во транспортот испрати тим во Портланд за да ги истражи причините за инцидентот.
Производителот на авионот, американски Боинг, рече дека собира дополнителни информации и дека има технички тим на располагање на истражителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран забранува шетање на кучиња во дваесет градови: „Тие се закана за јавното здравје“

Иранските власти ја проширија забраната за шетање кучиња во бројни градови низ земјата, наведувајќи ги како причини за јавниот ред, безбедноста и здравјето, пишува Би-Би-Си. Откако полициската наредба забрани шетање кучиња во главниот град Техеран во 2019 година, забраната беше воведена во најмалку 18 други градови минатата недела. Исто така, е забрането да се транспортираат кучиња во возила.
Властите во Иран се спротивставуваат на поседувањето кучиња уште од Исламската револуција во 1979 година, бидејќи ги сметаат за „нечисти“ и симбол на западното влијание. И покрај нивните напори, бројот на сопственици на кучиња продолжува да расте, особено кај младите луѓе, кои често го гледаат тоа како форма на бунт против строгиот режим.
Според АФП, градовите Исфахан и Керман ја воведоа оваа забрана во последните денови. Во градот Илам на западот од земјата, каде што мерката беше воведена вчера, локален функционер изјави дека ќе бидат преземени „законски мерки“ против оние што ги прекршуваат новите правила, според локалните медиуми. Но, спроведувањето на забраната досега беше недоследно, и многу луѓе сè уште ги шетаат своите кучиња и во Техеран и во другите делови од земјата.
Во Иран не постои национален закон што конкретно забранува поседување кучиња, но локалните обвинители често наметнуваат забрани што потоа ги спроведува полицијата. „Шетењето кучиња е закана за јавното здравје, редот и мирот“, изјави Абас Наџафи, обвинител на западниот град Хамедан, за државниот весник „Иран“.
Некои сопственици на кучиња дури беа уапсени, а нивните кучиња беа конфискувани затоа што ги шетаа. Многумина сега ги шетаат своите кучиња сами, ноќе, или ги возат наоколу за да ја избегнат полицијата. Политичарите на исламскиот режим сметаат дека чувањето домашни миленици е неисламско. Многу религиозни научници веруваат дека допирањето куче или неговата плунка е „наџис“, односно религиозно нечисто.
Врховниот лидер ајатолахот Али Хамнеи рече дека чувањето кучиња, освен за цели како што се чување добиток, лов или безбедност, е „непристојно“. Во 2021 година, дури 75 пратеници го осудија поседувањето кучиња како „разорувачки општествен проблем што постепено би можел да го промени иранскиот и исламскиот начин на живот“.
Министерството за култура и исламско водство го забрани рекламирањето домашни миленици во 2010 година, а во 2014 година, во парламентот беше поднесен закон за казнување, па дури и камшикување на луѓето што шетаат кучиња, но законот не успеа.
По најновите мерки, критичарите велат дека полицијата треба да се справува со реалните закани за безбедноста на граѓаните, особено во време на зголемување на насилството, наместо да ги ограничува личните слободи и да ги прогонува сопствениците на кучиња. Поседувањето кучиња, кршењето на законот за задолжителен хиџаб, нелегалните забави и пиењето алкохол долго време беа тивка форма на бунт против теократскиот режим на Иран, според медиумите.
Свет
Листа на супербогатата елита во светот: само двајца не се од Америка

Според најновите податоци на „Форбс“ од мај 2025 година, дури 15 луѓе во светот имаат лично богатство поголемо од 100 милијарди долари. Ова е најголемиот досега регистриран број на таканаречени „стомилијардери“.
Прв на листата е повторно Елон Маск, основачот на Тесла и СпејсИкс, со 342 милијарди долари. На второ место е Марк Закерберг, основачот на Мета, со богатство од 216 милијарди долари.
Веднаш зад него е Џеф Безос, основачот на Амазон, чие богатство се проценува на 215 милијарди долари, и покрај неговото формално пензионирање од лидерската позиција во компанијата.
Поголемиот дел од оваа ексклузивна група е составена од Американци. Единствените членови на овој елитен клуб кои не се од Америка се Французинот Бернар Арно, претседател на луксузниот конгломерат LVMH, и Шпанецот Амансио Ортега, основач на Inditex, модна групација која вклучува брендови како Zara, Masimo Duti и Berška. Меѓу најбогатите се Лари Елисон (Oracle), Стив Балмер (поранешен шеф на Microsoft) и Лари Пејџ и Сергеј Брин (основачи на Google).
Свет
Макрон: Гренланд не е на продажба, ниту пак Антарктикот

Францускиот претседател Емануел Макрон денес изјави дека Гренланд не е на продажба, ниту пак Антарктикот.
„Гренланд не е на продажба, ниту Антарктикот, ниту длабокото море не се на продажба“, рече Макрон за време на својот воведен говор во францускиот крајбрежен град Ница на конференцијата на Обединетите нации за заштита на океаните, со што индиректно ги осуди континуираните закани на американскиот претседател Доналд Трамп за анексија на островот, објави BFM TV.
Во недела, Макрон ќе го посети Гренланд, каде што ќе разговара со премиерот на таа автономна територија што е дел од Данска, Јенс-Фредерик Нилсен, и премиерката на Данска, Мета Фредериксен, за безбедноста на Северниот Атлантик и Арктикот, за климатските промени, енергијата и критичните минерали, објави кабинетот на францускиот претседател.
Откако се врати во Белата куќа, американскиот претседател Доналд Трамп постојано ја изразува својата желба да го контролира овој стратешки позициониран остров богат со минерали. Шест месеци откако САД по втор пат под водство на Трамп го напуштија Парискиот договор за климата, чија цел беше намалување на емисиите на стакленички гасови, францускиот претседател силно го бранеше мултилатерализмот, пренесува Танјуг.
„За да ја добиеме битката за океаните, мора да го оживееме мултилатерализмот“, рече Макрон.