Свет
Амбасадата на САД во Киев стравува од ракетни напади од Русија
Амбасадата на САД во Киев во средата ги советуваше американските државјани во Украина да не ги игнорираат можните звучни тревоги за воздушен напад и соодветно да се засолнат предупредувајќи дека безбедносната ситуација во Украина може бргу да се влоши по нападот на украински беспилотни летала врз Кремљ за кој руските власти го обвинија Киев.
Американскиот Стејт департмент и Амбасадата на САД во Киев во средата вечерта издадоа безбедносно предупредување за „засилена закана од руски ракетни напади“ во Украина, вклучително и во главниот град на Украина и околината, наведувајќи ги како причина неодамнешниот пораст на нападите во Украина и запаливата реторика од Москва.
„Амбасадата на САД ги повикува граѓаните на САД да ги следат воздушните тревоги, соодветно да се засолнат, да ги следат упатствата од локалните власти и од дополнителни безбедносни информации во претходното безбедносно предупредување. Бидете свесни дека дури и ако напаѓачките проектили или беспилотните летала бидат пресретнати, паѓањето на нивните остатоците претставува значителен ризик“, се вели во предупредувањето од Амбасадата.
Во него исто така се додава дека секој Американец што сè уште е во Украина мора да има план за вонредни ситуации што не се потпира на помошта на американската влада и дека треба да ја напушти земјата во мигот кога ќе биде безбедно да го стори тоа.
Претходно во средата, руските власти предупредија дека ќе се одмаздат за нападот врз Кремљ што Русија го опиша како однапред планиран терористички чин на украинските сили и обид за загрозување на животот на рускиот претседател Владимир Путин. Киев негира каква било одговорност за нападот.
Прес-секретарот на Белата куќа, Карин Жан-Пјер, изјави во средата дека САД не ја охрабруваат и не ѝ овозможуваат на Украина да напаѓа надвор од своите граници.
Само за потсетување, Вашингтон претходно месецов ѝ испрати на Украина неодреден број беспилотни летала „латиус 600 камикаѕе“. Со бојна глава од три килограми и дострел од 445 километри овие дронови речиси може да прелетаат од североистокот на Украина до Москва.
Дополнително, САД ѝ обезбедија на Украина ракетни бомби за нејзините системи ХИМАРС, како и премолчено одобрение за Киев да го користи ова оружје против Крим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.
Европа
Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва
Украинскиот претседател Володимир Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва, но другите учесници на форумот не се толку оптимисти, јави ДПА.
-На дводневниот состанок, на кој присуствуваат 92 земји и осум меѓународни организации, беше повторено дека со заеднички напори може да се стави крај на војната и да се постигне мир, рече Зеленски денеска непосредно пред делегациите да почнат да разговараат на оваа тема.
Меѓутоа, швајцарската претседателка Виола Амхерд нема толку големи очекувања, забележува ДПА.
-Нашите цели се скромни, рече таа, објаснувајќи дека целта на конференцијата е да се поттикне почеток на процес за постигнување траен и праведен мир.
Важноста на меѓународното право како основа на меѓународниот поредок е клучна за ова, рече Амхерд.
-Нападот на Русија го нарушува тоа на најнагласен начин, рече Амхерд.
Русија не беше поканета да учествува на конференцијата, а не учествува ниту Кина, важен сојузник на Москва.
На средбата станало збор и за добивање на најширока можна меѓународна поддршка за украинскиот мировен план, кој предвидува целосно повлекување на Русија од украинска територија.
Свет
Страшна глетка: 28 луѓе висат надолу откако се заглавија во забавен парк во САД (ВИДЕО)
Едно лице е превентивно пренесено во болница, но нема повреди, а 28 се спасени во инцидент во забавен парк во Орегон, САД.
„Пожарникарите успеаја да спасат 28 лица кои беа заглавени на височина од 30 метри, висејќи наопаку, за време на возењето во забавниот парк Оукс .Едно лице е превентивно пренесено во болница, но нема повредени„, соопштија од паркот.
За среќа, брзата реакција на вработените во паркот и пожарникарите спречија сериозни повреди.
Според очевидци, се се случило ненадејно. Прво слушнале татнеж, а потоа и соопштение од огласувачкиот систем внатре во забавниот парк.
Крис Рајан, посетител на паркот, опиша како тој и неговата сопруга се подготвувале да се возат панорамското тркало кога забележале дека возењето е заглавено. Слушаа луѓе како викаат, кога го кренаа погледот, останаа без зборови.
People left dangling upside down for half an hour on Oregon theme park ride. https://t.co/OkVjDTuyJa pic.twitter.com/WWGTRQRWIt
— Sky News (@SkyNews) June 15, 2024