Свет
Канадски готвач продавал отров преку пошта: поврзан со најмалку 7 смртни случаи
Канадскиот готвач Кенет Ло е обвинет за помагање во самоубиство откако истрагата на британскиот „Тајмс“ ја поврза неговата продажба на отров со низа смртни случаи, вклучително и четири во Велика Британија.
Ло, кој според медиумот продавал смртоносна супстанција преку пошта, бил уапсен во вторникот во Мисисага, Онтарио, во врска со две смртни случаја во таа канадска провинција, пишува весникот.
Полицијата соопшти дека по едномесечна истрага, против него е поднесена кривична пријава по две точки: советување или помагање во самоубиство.
Марк Ендрјус, заменик-началник на полицијата на Пил, рече дека 1.200 пакети за кои се верува дека се поврзани со компании поврзани со Ло биле испорачани во повеќе од 40 земји.
Ендрјус додаде дека иследниците работат со повеќе агенции за спроведување на законот низ Онтарио, на национално и на меѓународно ниво, бидејќи веруваат дека може да има повеќе жртви.
„Тајмс“ минатата недела откри дека Ло (57), поранешен инженер, го продавал отровот на млади мажи и жени во Велика Британија.
Истрагата, според весникот, го поврзува лицето со седум смртни случаи, вклучително и четири во ОК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Романија
Земјотрес со јачина од 4 степени според Рихтеровата скала денеска ја погоди Романија во областа Вранча, соопшти романскиот национален институт.
Земјотресoт со умерен интензитет се случи во 11.53 часот на 64 километри источно од Брашов со епицентар на длабочина од 110 километри.
Засега нема информации за материјална штета или евентуални жртви во земјотресот.
Свет
Словачка: Кривична истрага за обелоденување информации за здравјето на Фицо
Окружното обвинителство во Банска Бистрица поведе кривична истрага поради обелоденување информации за здравствената состојба на словачкиот премиер Роберт Фицо, кој беше ранет во обид за атентат минатата недела, соопшти денеска словачкиот државен обвинител.
Обвинителот Марош Жилинка објави дека на 17 мај е поведена истрага поради неовластено постапување со лични податоци, пренесува ТАСР.
Вицепремиерот Роберт Калињак на прес-конференција изјави дека сè уште е невозможно да се процени кога Фицо ќе закрепне и дека неговата здравствена состојба е сè уште многу сериозна, пренесува „Правда“.
Свет
Израел ги повика ирскиот, шпанскиот и норвешкиот амбасадор, ќе им ги пуштаат снимките од киднапирањата
Израел ги отповика своите амбасадори во Шпанија, Ирска и Норвешка. Исто така, ги покани и амбасадорите на Ирска, Шпанија и Норвешка во Израел на разговор во текот на кој ќе гледаат видеа од киднапирањето на 7 октомври, пишува Би-би-си.
„Историјата ќе памети дека Шпанија, Норвешка и Ирска решија да доделат златен медал на убијците и силувачите на Хамас, кои силуваа тинејџерки и палеа бебиња. Наредив амбасадорите веднаш да бидат повикани на разговор за време на кој ќе гледаат ужасни снимки од киднапирањето за да им илустрираме каква извртена одлука донесоа нивните влади. Израел нема тивко да помине преку ова – нивниот потег ќе има сериозни последици“, рече израелскиот министер за надворешни работи, Израел Кац.