Свет
Асанж доби делумен пристап до интернет
Еквадор повторно овозможи делумен пристап до интернет за основачот на Викиликс, Џулијан Асанж, кој повеќе од шест години се наоѓа во зградата на амбасадата на таа земја во Лондон.
Оваа информација ја соопшти Викиликс и адвокатот на Асанж, Грег Барнс.
Комуникацијата со светот на Асанж му беше прекината во март бидејќи, како што тогаш соопштила Владата на Еквадор, тој на социјалните мрежи разговарал за прашања што би можеле да нанесат штета на дипломатските односи на таа земја, а меѓу кои беше и дипломатската криза меѓу Лондон и Москва, како и сепаратизмот во Каталонија, пренесе „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.
Свет
(Видео) Се урна дел од автопат во Кина: возила паднаа во провалија, десетици мртви
Се урна автопат во провинцијата Гуангдонг во јужна Кина.
Дел од автопатот се урна рано наутро во јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуангдонг. Инцидентот се случил околу 02:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако оделе дел од патот непосредно пред да се урне.
May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.
31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR
— Byron Wan (@Byron_Wan) May 1, 2024
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.