Свет
Буш: Не знаев дека Пригожин ме послужува со вечера, добро е што сум жив
Поранешниот американски претседател Џорџ Буш изјави дека неодамна дознал дека еднаш во Санкт Петербург вечера го послужил никој друг, туку Евгениј Пригожин, пренесуваат медиумите во регионот.
Говорејќи преку видео врска на конференцијата „Европски стратези на Јалта“ во Киев, поранешниот американски претседател беше прашан за неодамнешната смрт на озлогласениот шеф на групата „Вагнер“, а тој рече дека до неодамна не знаел дека јадел храна која му била послужена од Пригожин.
2002 год, Джордж Буш в гостях у Владимира Путина. В роли официанта – Евгений Пригожин. pic.twitter.com/rTou84k3wa
— Dmitry Kolezev (@kolezev) November 23, 2022
„Она што ме шокираше, е тоа што пред некој ден видов слика од самитот на Г8 во Санкт Петербург каде Пригожин беше момчето кое ме послужуваше со храна. Тогаш беше готвач. Знам само дека преживеав“, изјави Буш во свој стил.
„Слободна Далмација“ пренесува дека неодамна се појавиле фотографии од таа средба од 2006 година, на кои Пригожин му служи вино на американскиот претседател, кој седи на маса со сопругата Лаура и рускиот претседател Владимир Путин и неговата сопруга Људмила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Гроси: Смртта на Раиси предизвика пауза во преговорите меѓу МААЕ и Иран
Смртта на иранскиот претседател Ебрахим Раиси и министерот за надворешни работи, Хосеин Амир Абдолахијан, во хеликоптерска несреќа предизвика пауза во преговорите меѓу Техеран и Меѓународната агенција за нуклеарна енергија (МААЕ), изјави директорот на агенцијата на ОН, Рафаел Гроси.
Во Хелсинки, каде што зборуваше денеска на нуклеарната конференција, тој објасни дека Иран е во период на жалост и дека кога ќе помине, повторно ќе се ангажира, пренесува „Ројтерс“.
Гроси рече дека МААЕ планира да ги продолжи техничките разговори со Иран, но дека тие сè уште не се одржани поради хеликоптерската несреќа минатата недела, во која загинаа претседателот Раиси и министерот за надворешни работи, Абдолахијан.
Свет
Џанг Жан ослободена од затвор, осудена за известување за епидемијата во Вухан
Кинеска новинарка Џанг Жан, која беше осудена во Кина за известување за епидемијата на Ковид-19 во Вухан, е ослободена од затвор по издржување четиригодишна затворска казна, објавија светските медиуми.
Џанг е осудена на четири години затвор под обвинение за „поттикнување кавги и предизвикување проблеми“, пренесува АП.
Меѓутоа, на денот на нејзиното ослободување нејзините поранешни адвокати не можеле да дојдат до неа или до нејзиното семејство бидејќи, како што наведува американската агенција, „полицијата во Шангај ги посетила активистите и нејзините поранешни адвокати во деновите пред нејзиното ослободување“.
Свет
Пресметка на суперсилите во вселената: САД ја обвинуваат Русија за испраќање офанзивно оружје во вселената, Москва ги отфрла тврдењата
Вашингтон ја обвини Москва дека лансирала сателит за кој американското разузнавање верува дека е оружје способно да следи и да напаѓа други сателити, тврдење што Русија денеска го отфрли како лажно.
Американската вселенска команда во вторникот соопшти дека Русија лансирала антисателитско оружје во исто време кога САД лансирале нов сателит во ниската орбита, пренесува „Ројтерс“.
Претходно овој месец, САД укажаа на лансирањето на ракетата „Сојуз“, која наводно носела најмалку девет сателити вклучувајќи го и COSMOS 2576, тип на руско надзорно вселенско летало од руската локација за лансирање Плесец.