Свет
Песков: „Оние кои заминаа во странство ќе се вратат дома“
Оние Руси кои заминаа во странство со почетокот на специјалната воена операција (СВО) ќе се вратат кога растечкиот руски пазар ќе стане поатрактивен, изјави портпаролот на рускиот претседател Дмитриј Песков во интервју за РБЦ.
„Како што нашиот растечки пазар станува поатрактивен во позадината на негативните економски трендови во многу земји каде што овие луѓе претпочитаа да одат, тие ќе се вратат дома“, рече портпаролот на Кремљ.
„Во економска смисла ни оди доста добро. Почнавме да се развиваме. Мора да имаме потешкотии. Имаме проблеми. Не можеме, а да не ги почувствуваме самите овие проблеми, со оглед на непријателската атмосфера околу нас. Мислам на она што земјите од колективниот Запад се обидуваат да ни го направат. Но, и покрај тоа, сепак покажуваме многу добри параметри“, потенцира Песков.
Тој ги спомнува руските макроекономски показатели, стапките на раст на БДП што се очекуваат оваа година, стапките на инфлација и невработеност и раст на инвестициите. Според него, овие податоци покажуваат дека „земјата не може, а да не стане се поатрактивна“.
„Дури и голем број европски земји уназадуваат“, рече Песков. Затоа, според неговото мислење, ќе се „вратат“ оние Руси кои претходно ја напуштиле земјата.
Запрашан дали има планови да се преземат посебни мерки за да се охрабрат Русите да се вратат во нивната татковина, портпаролот на Кремљ истакна дека „привлечноста на земјата“ е единствената мерка на која може да помисли. „И атрактивноста на земјата расте. Тоа е објективно, нагласи тој, пренесе агенцијата ТАСС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.