Свет
„Вагнер“ почна да тренира цивили: „Ако сакате мир, подгответе се за војна“
Лидерот на руската платеничка група Вагнер, Евгениј Пригожин, рече дека неговата организација почнала да тренира цивили во руските региони кои граничат со Украина за да може да формира полициски сили и да ја обезбеди областа.
„Вагнер помага и ќе продолжи да му помага на населението во пограничните области да научи да ги гради потребните структури и да ја обучува и организира полицијата“, рече Пригожин и додаде дека „голем број луѓе веќе се подготвени да ја бранат својата земја“.
Пригожин рече дека главна цел на Вагнер е изградба на објекти и школи за обука во регионите на Белгород и Курск, кои се под редовен напад на украинските сили во последните месеци, пишува АФП.
„Ако сакате мир, подгответе се за војна“, рече тој, инсистирајќи на тоа дека секој Русин има право да ја брани својата татковина како што му одговара.
Пригожин за првпат овој септември призна дека ја основал групата Вагнер во Украина во 2014 година и дека нејзините платеници биле во Африка, Блискиот Исток и Латинска Америка. Пред тоа, тој негираше дека стои зад таа група. Руските закони забрануваат основање приватни воени компании.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.