Свет
Вашингтон го предупредувал Киев да се повлече од Бахмут, покажуваат документите на Пентагон
Според последните информации што беа обелоденети од Пентагон, Вашингтон ја предупредил Украина дека нејзините војници би можеле да бидат опколени доколку не се повлечат од Бахмут.
САД, наводно, го предупредиле Киев уште од јануари дека украинските сили нема да можат да го задржат клучниот град во Донбас – Бахмут и постојано повикувале на повлекување, објави вчера „Вашингтон пост“, повикувајќи се на разузнавачки документи.
Според „строго доверлива“ проценка до која дојде весникот, Вашингтон му предложил на Киев дека верува дека постојаниот напредок на Русија во регионот од ноември ја загрозил способноста на Украина да ја задржи контролата над Бахмут и дека украинските војници „се изложени на ризик од опкружување доколку не се повлечат следниот месец.”
Сепак, се чини дека овие предупредувања во голема мера биле игнорирани, пишува американскиот весник, а пренесува „Раша тудеј“.
Киев, наводно, верува дека градот не само што има стратешка воена вредност, туку е од клучно значење за одржување на националниот морал и негирање на правото на Русија да прави територијални придобивки.
Битката кај Бахмут се покажа како еден од најинтензивните и најкрвавите конфликти во Украина, при што двете страни наводно претрпеле значителни жртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пелегрини за Фицо: Лекарите не планираат нови операции, тој останува на интензивна нега
Лекарскиот совет во болницата во словачкиот град Банска Бистрица најверојатно ќе се состане в понеделник кога треба да одлучи за понатамошното лекување на премиерот Роберт Фиц, врз кој беше извршен атентат во средата, изјави новоизбраниот претседател Петер Пелегрини.
Словачкиот премиер Роберт Фицо ќе остане на интензивна нега, соопшти денеска владата на земјата, пренесува Ројтерс.
Тој во четвртокот го посети Фиц, по што изјави дека лекарите кои се грижат за него не планираат нови операции, пренесува словачкиот портал Правда.
Регион
Томислав Николиќ имаше сообраќајна несреќа
Томислав Николиќ, поранешен претседател на Србија и директор на Националниот совет за координација со Руската Федерација и Народна Република Кина, утрово доживеа сообраќајна несреќа.
Несреќата се случила утрово околу 9.15 часот, а Николиќ бил во службеното возило „ауди А8“, пренесува српски „Курир“.
Автомобилот го управувал возачот на Николиќ. Во несреќата нема повредени.
Свет
(Видео) Украинците објавија снимки од жестоки улични борби за важен град на северот
Украинската гранична стража објави снимка од жестоки борби за стратешки важниот град Вовчанск на североистокот на земјата, во областа Харков.
Борбите за тој град траат веќе една недела, откако руските сили почнаа ненадејна копнена офанзива преку границата. Во него тие зазедоа десетина села во регионот на Харков, но градот Вовчанск, кој беше речиси целосно евакуиран, сè уште се држи.
Русите тврдат дека во градот влегле од два правци за да воспостават позиции, а Украинците тврдат дека ги туркаат назад и го стабилизираат фронтот. Очигледно, најголем дел од борбите се водат во областа Вовчанск.