Свет
Велшанец сексуално вознемирувал бебе, се фалел и на интернет: добил 24 години затвор
Воспитувач снимал и фотографирал како сексуално вознемирува бебе, а снимката ја споделувал и на интернет со други педофили. Тој е осуден на 24 години затвор. Томи Алингтон (25) континуирано сексуално го вознемирувал бебето, изјавиле обвинителите пред судот во Велс.
Полицијата за целиот случај дознала кога на „Инстаграм“ добила разузнавачки информации за непримерни фотографии. Таа потоа го пронашла телефонот на Алингтон, кој бил скриен на таванот. Алингтон симнал повеќе од 1.500 фотографии на сексуално вознемирувани деца, од кои 252 биле класифицирани како категорија А, што значи дека ги прикажуваат најекстремните видови злоупотреба, пишува „Дејли мејл“.
Насилникот направил и свои видеа и фотографии, што им овозможило на детективите да го идентификуваат малото момче, кое било повредено. Детективите откриле дека Алингтон на интернет објавувал слики како ја вознемирува својата млада жртва фалејќи се со тоа пред другите педофили.
Во некои од вознемирувачките разговори Алингтон и неговите контакти разговарале за придобивките од вознемирувањето на децата кога сè уште се бебиња бидејќи не може ништо да кажат или да објаснат што им се случува.
Детективите го идентификувале момчето и стапиле во контакт со неговите родители. Мајката на фотографиите и видеата го препознала синот. Судот го осуди Алингтон на продолжена затворска казна поради ризикот за децата.
Алингтон претходно се изјасни за виновен по 17 точки од обвинението за силување деца, сексуален напад, поттикнување дете за сексуална активност, поседување непристојни слики на деца, дистрибуција на непристојни фотографии на деца и поседување непристојни слики. Но, тие злосторства не биле поврзани со неговата работа на училиште. Тој немал претходни пресуди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кинеската индустрија ќе бара проверка на увозот на свинско месо од ЕУ
Кинеските компании имаат намера да побараат од владата антидампинг истрага за увоз на некои свински производи од Европската унија, пишува државниот „Глобал Тајмс“, повикувајќи се на неименуван извор од деловни кругови.
Извештајот е објавен на платформата Х и во онлајн изданието, без да се наведат детали, пишувааљт медиумите во регионот.
Информациите на изворот за барањето антидампинг давачки за увоз на свинско месо од ЕУ се совпаднаа со зголемените трговски тензии меѓу Европската унија и Кина. ЕУ отвори истрага за увоз на повеќе производи од Кина за да ја заштити домашната индустрија, користејќи за првпат овластувања за проверка на кинеските тендери.
Брисел на тој начин го подготвува теренот за ретроактивни царини за кинеските електрични автомобили, а исто така го проверува увозот на соларни панели и производи од челик, пиѓува медиумот.
Лиу Бин, главен експерт на кинескиот центар за автомобилска технологија и истражување (CATARC) и заменик-директор на Кинескиот истражувачки центар за автомобилска стратегија и политика, изјави за „Global Times“ минатата недела дека Кина треба да ги зголеми тарифите за увоз на големи автомобили од 15 на 25 проценти.
Свет
Русија: Ќе возвратиме на одлуката на Полска за ограничување на движењето на руските дипломати
Русија ќе ги анализира ограничувањата наметнати од Полска за движењето на руските дипломати на нејзина територија и ќе преземе одмазднички мерки, изјави денеска портпаролката на руското Министерство за надворешни работи, Марија Захарова.
„Русија ќе одговори на таков начин што на русофобичното полско раководство ќе му биде многу жал“, рече Захарова, пренесе ТАСС.
Полскиот министер за надворешни работи Радослав Сикорски претходно денеска изјави дека Полска ќе воведе ограничувања за движењето на руските дипломати на нејзина територија поради вмешаноста на Москва во хибридната војна против Европската унија.
Односите меѓу Полска и Русија се затегнати по избувнувањето на конфликтот во Украина во 2022 година, објави Ројтерс.
Варшава ја обвинува Москва и за шпионски активности и саботажа на територијата на Полска.
„Се надеваме дека Руската Федерација ќе го сфати ова како многу сериозно предупредување“, изјави Сикорски за новинарите во Брисел.
Тој додаде дека за оваа одлука ќе биде известена руската амбасада во Варшава и дека ограничувањата за движење важат за сите вработени во амбасадата и конзулатите, освен за амбасадорот, пренесува Танјуг.
Европа
Франција: ученик нападнал професорка со нож на час, се обидел да побегне
Денеска 18-годишен ученик со нож нападнал професорка за време на час по англиски јазик во училиште на западот на Франција, јави телевизијата БФМ.
Средношколецот по нападот се обидел да побегне, но бил приведен.
Професорката се здобила со полесни повреди на лицето, пренесуваат француските медиуми.
Извор близок до истрагата вели дека професорката неколку минути пред нападот разговарала со ученикот за неговото неодамнешно неколкудневно отсуство, пренесува Танјуг.