Свет
(Видео) Во ист ден попуштија две брани во Мичиген, евакуирани повеќе од 10.000 жители
Гувернерката на Мичиген, Гречен Витмер, прогласи вонредна состојба во еден округ кога во ист ден попуштија две брани предупредувајќи дека центарот на Мидленд би можел да се најде три метри под вода за 12 часа додека илјадници се евакуираат, пренесува РТ.
Браните во Иднвил и Санфорд во близина на Мидленд попуштија вчера по неколкудневните обилни врнежи од дожд и ја принудија гувернерката да издаде наредба за евакуација на 10.000 жители на областа.
#BREAKING: Evacuation orders issued for areas in and around the city of Midland, Michigan following the collapse of the Edenville Dam. pic.twitter.com/sNMtMNJ73D
— UA News (@UrgentAlertNews) May 19, 2020
„Ако не сте се евакуирале од областа, сторете го тоа сега и засолнете се некаде. Досега не сме виделе вакво нешто во округот Мидленд. Ако имате семејство или пријатели во друг дел од државата, одете таму“, се вели во изјавата на Витмер истакнувајќи дека е ангажирана Националната гарда и предупредувајќи дека градот Мидленд би можел веднаш да биде уништен од поплавите.
A video of Curtis Road Bridge which runs over the Tittabawassee River. #EdenvilleDam #Midland #Michigan #USA #Sanford #Edenville
[Knish] pic.twitter.com/Oiar45pS7r— Aurora Intel – #StayHome (@AuroraIntel) May 20, 2020
На социјалните мрежи се појавија фотографии и видеа што ги покажуваат поплавите и дел од причинетите штети, а еден жител го уловил моментот кога попуштила браната „Иднвил“.
Another video of the area and the amount of flooding going on. Crazy stuff.#EdenvilleDam #Midland #Michigan #USA
[Knish] pic.twitter.com/XX1lPbx61m— Aurora Intel – #StayHome (@AuroraIntel) May 20, 2020
Локалните власти ги повикаа жителите да се евакуираат што е можно подалеку од реката Титабаваси на повисоко ниво. Во округот има неколку густо населени заедници и голем број хемиски фабрики, кои би можеле да бидат унштени од масивната поплава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Генералното собрание на ОН би требало да ја поддржи кандидатурата на Палестина за членство
Генералното собрание на Обединетите нации денеска треба да ја поддржи палестинската кандидатура за полноправно членство во ОН со тоа што ќе ја признае како квалификувана за членство и ќе го испрати барањето назад до Советот за безбедност на ОН „да го преиспита прашањето во корист на Палестинците“.
Палестинците ја оживуваат својата кандидатура за полноправно членство во ОН, кое декларативно би ја признало палестинската држава, откако САД ставија вето во 15-члениот Совет за безбедност на ОН минатиот месец.
Гласањето на Генералното собрание од 193 члена се смета за испитување на светското мислење за палестинското прашање. Барањето за полноправно членство во ОН прво мора да биде одобрено од Советот за безбедност, а потоа и од Генералното собрание.
Но, иако самото Генерално собрание не може да даде полноправно членство во ОН, нацрт-резолуцијата за која се гласа денеска ќе им даде на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но тие нема да имаат право на глас во телото.
Дипломатите велат дека нацрт-текстот најверојатно ќе ја добие поддршката потребна за усвојување.
Свет
Двајца скијачи загинаа во лавина во САД, третиот успеал да се ископа од снегот
Откако вчера започна лавина во планините покрај Солт Лејк Сити, Јута, двајца скијачи загинаа, додека властите успеаја да спасат трет со хеликоптер.
Несреќата се случила во близина на Лон Пик, каде неодамна паднаа над 76 сантиметри снег. Центарот за лавина во Јута (UAC) ја потврди смртта на двајца мажи. Спасувачите досега не можеа да стигнат до нивните тела поради небезбедни услови. Центарот наведува дека фаталните лавини се ретки во овој период од годината.
Спасувачите со хеликоптер стигнале на местото на несреќата во кањонот Литл Котонвуд и потврдиле дека двајца скијачи загинале, пишува Би-би-си.
Третиот скијач успеал да се ископа од лавината и бил пренесен во болница. Имињата на загинатите мажи се уште не се објавени, но станува збор за скијачи на возраст од 23 и 32 години. Едниот бил од Јута, додека другиот пристигнал да скија од друга американска држава.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.