Свет
(Видео) Маж во Шпанија упадна во винарница и пролеа 60.000 литри вино

Маскиран натрапник во неделата намерно пролеал речиси 60.000 литри премиум вино складирано во позната шпанска винарница, а вредноста на уништеното вино се проценува на приближно 2,5 милиона евра.
Саботажата се случила во неделата во Кастриљо де Дуеро, на околу 150 километри северно од Мадрид, објавија новинската агенција „Европа прес“ и други шпански медиуми.
👮🏻♂ Asaltan la prestigiosa bodega de José Moro en Valladolid y vacían 60.000 litros de vino valorados en 2 millones de euros #Valladolid #GuardiaCivil
◾️ La afamada bodega Cepa 21, propiedad de José Moro, elaboradora de la DO Ribera del Duero, sufrió el pasado fin. pic.twitter.com/dL0rQz3Z0g
— CIU Cuerpos Institucionales y Ciudadanos Unidos. (@Cuerpospolicia1) February 19, 2024
Околу 3.30 часот по локално време маскирано лице влегло во магацинот на винарницата и за помалку од една минута ги отворило чешмите на пет челични цистерни со врвните брендови „малабриго“ и „хоркахо“, изјавија надлежните.
Додаваат дека безбедносните видеоснимки покажале натрапник кој изгледа знаел како да влезе во магацинот на винарницата во престижниот вински регион Рибера дел Дуеро. Велат дека по упадот ништо не е одземено од магацинот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Данска ги забрани сите цивилни летови со дронови

Данска ги забрани сите цивилни летови на дронови до 3 октомври пред самитот на Европската унија во Копенхаген, објави данскиот министер за транспорт.
Министерството соопшти дека одлуката е донесена за да се „олесни безбедносната работа“ на полицијата, објаснувајќи дека не можат да дозволат „странски беспилотни летала да создаваат несигурност и нарушување“.
Данска, како и неколку други европски земји, пријави голем број „инциденти со беспилотни летала“ во последните недели. Само еден ден пред забраната, беа видени беспилотни летала како летаат над данските воени објекти.
Првите неидентификувани дронови беа забележани на 22 септември, при што накратко беа затворени аеродромите во Копенхаген и Осло. Минатата недела, летовите беа привремено суспендирани и во Алборг и Билунд поради слични закани.
Истрагата на данските власти сè уште не утврди кој стои зад летовите. Министерот за одбрана ги нарече настаните „хибриден напад“ и дел од „систематска операција“. Премиерката Мете Фредериксен потврди дека е во тек истрага и не ја исклучи можноста Русија да стои зад нападите.
Москва ги отфрли ваквите обвинувања, велејќи дека „силно отфрла“ каква било вмешаност.
фото: принтскрин
Свет
Турски медиуми: Зеленски „го губи разумот“

Украинскиот претседател Володимир Зеленски се соочи со жестоки критики во турскиот печат поради неговата одлука да продава оружје од арсеналот на украинската армија на африканските земји, иако Киев истовремено се соочува со големи проблеми на фронтот.
Според весникот dikGAZETA, Зеленски „се изгуби од умот“ кога решил да тргува со оружје во време кога украинските сили претрпуваат значителни загуби. Авторите на статијата наведуваат дека станува збор за обид за остварување личен профит, бидејќи приходите од продажбата, како што тврдат, нема да бидат насочени за поддршка на украинската армија, туку во џебовите на Зеленски и неговиот најблизок круг.
„Зеленски полудел. Откако ја предал Украина на Западот, тој има намера да профитира со продажба на оружје на африканските земји“, се нагласува во текстот.
Во прегледот на турските медиуми се нагласува дека овој план е откриен токму во западните кругови, кои долго време го следат текот на украинската воена помош.
Критиките на украинскиот претседател следеа по изјавите на турскиот лидер Реџеп Таип Ердоган, кој неодамна нагласи дека ескалацијата на конфликтот во Украина ја поттикнуваат „воените барони“. Тој потсети дека Турција се обидува да посредува во решавањето на кризата, како што прави во други конфликтни зони, вклучително и во Појасот Газа.
Ердоган нагласи дека Анкара ќе продолжи да работи на дипломатски иницијативи насочени кон прекин на непријателствата, како во Украина, така и во други области погодени од вооружени конфликти.
Фото: принтскрин
Европа
Поранешната шефица на МИ5: Можеби веќе сме во војна со Русија

Велика Британија можеби веќе е во војна со Русија, предупреди поранешната шефица на британската безбедносна служба МИ5. Таа ги наведува длабочината и интензитетот на сајбер нападите, саботажите и другите непријателски активности за кои вели дека Москва ги оркестрира против Велика Британија, објавува „Гардијан“.
Елиза Менингем-Булер, која ја водеше МИ5 од 2002 до 2007 година, се согласи со експертот за Русија Фиона Хил, која претходно оваа година изјави дека Москва веќе е во војна со Западот. Менингем-Булер рече дека ситуацијата значително се променила „од инвазијата на Украина и разните работи за кои прочитав дека Русите ги прават тука – саботажи, собирање разузнавачки информации, напади врз луѓе и така натаму“.
Во подкаст интервју со претседателот на Домот на лордовите, Џон Мекфол, таа го објасни својот став. „Мислам дека можеби е во право кога вели дека веќе сме во војна со Русија. Тоа е различен вид војна, но непријателството, сајбер нападите, физичките напади, разузнавачката работа се обемни“, рече таа.
Нејзините зборови се поткрепени со неодамнешните настани. Оваа година, шест бугарски државјани беа осудени во Велика Британија за учество во шпионска мрежа што вршеше надзор низ цела Европа. Петмина мажи беа осудени и за палење магацин со залихи за Украина, напад за кој се покажа дека бил нарачан од Москва.
Минатата година, тогашниот министер Пет Мекфаден предупреди за зголемени руски кибер напади врз британски компании. Покрај тоа, сојузниците во источна Европа се соочуваат со инциденти, како што е овој месец во Полска, чиј воздушен простор беше нарушен од 19 руски беспилотни летала.
Менингем-Булер, исто така, се потсети на периодот на почетокот на нејзиниот мандат, кога имаше надеж дека Русија под Владимир Путин нема да се врати на советските методи. Таа се сретна со Путин лично во 2005 година во Лондон. На сугестијата дека рускиот претседател се обидувал да покаже „пријатно лице“ во тоа време, таа одговори: „Не би го опишала така“.
„Не очекував дека во рок од една година ќе нареди атентат врз [Александар] Литвиненко на улиците на Лондон, но го сметав за прилично непријатен човек“, додаде таа. Да се потсетиме дека Александар Литвиненко, поранешен агент на ФСБ, почина во Лондон во 2006 година откако беше отруен со радиоактивен полониум. Една деценија подоцна, јавна истрага заклучи дека убиството го извршиле двајца руски агенти, веројатно по наредба на Путин.
Поранешната шефица на МИ5 ги критикуваше одлуките на владите на САД и Велика Британија драстично да ги намалат трошоците за меѓународна помош, тврдејќи дека тоа отвора дипломатски простор за Кина да го зголеми своето влијание во посиромашните земји. „Ако се повлечеме од светот, тие можат да се вселат бидејќи имаат силна економска основа“, рече таа, нагласувајќи дека моќта – како што се хуманитарната помош или медиумските услуги – е клучна за глобално влијание.
фото: принтскрин