Свет
(Видео) Невремето ги уништи бегалските кампови за Палестинците на југот на Појасот Газа
Неповолните временски услови во блокираниот Појас Газа, кој веќе 39 дена е силно бомбардиран од Израел, уште повеќе го отежнаа животот на Палестинците.
Силните ветрови и врнежите во регионот ги уништија шаторите на Палестинците чии домови беа уништени во нападите.
Палестинците со кофи и метли се обидуваат да ја исчистат водата која навлегла во шаторите што ги поставиле во дворот на училиштето каде што се засолниле, чекајќи „рака за помош“.
This is a catastrophe!
People live in these tents, it's their only home, I don't know how they will survive the night, this reminds me of the camps in North Syria, where kids die from cold every winter
.
.#GazaHolocaust #GazaCeasefireNOW #JewsAgainstGenocide #IsraelTerrorism… pic.twitter.com/AdpyF5X8RJ— Mariam from Gaza 🇵🇸 (@KufiyyaPS) November 14, 2023
Палестинската државна телевизија објави снимка од палестинско семејство кое живее во шатор на југот на Појасот Газа.
„Сè во шаторот беше уништено, дури и детската облека. Ги напуштивме нашите домови на север со облеката што ја носевме. Немаме друга облека“, рече една Палестинка.
Таа стравува за здравјето на децата кои се во мокра облека.
Палестинецот Абдула, кој се обидуваше да извади вода од едниот шатор, рече: „Се е влажно, видете ја нашата ситуација. Каде се хуманитарните организации? Ако некој има малку хуманост во него, нека дојде да види каква е нашата ситуација”.
Од 7 октомври, Израел изврши жестоки напади врз Појасот Газа, при што загинаа најмалку 11.240 Палестинци, од кои 4.630 деца и 3.130 жени, а беа повредени повеќе од 28.200 луѓе, пренесуваат медиумите во регионот.
На Западниот Брег и Ал-Кудс, израелските сили и еврејските доселеници убија 193 Палестинци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион се судри со јато птици во Мумбаи
Авионот на авиокомпанијата “Емирати” безбедно слета во Мумбаи, бидејќи непосредно пред слетувањето се судри со јато фламинга. Десетици птици загинаа од ударот на авионот, соопшти авиокомпанијата.
Боинг 777 кој летал на релација Дубаи-Мумбаи се судрил со јато фламинга, а се проценува дека имало околу 300.
Како што потврди портпаролот на компанијата „Емирати“ за Ројтерс, авионот слетал безбедно и сите патници се добро, пренесува РТС.
„Во инцидентот е оштетен авионот. Повратниот лет на овој авион кој требаше да лета за Дубаи е откажан“, изјави портпаролот на компанијата.
Европа
Лидерот на опозицијата во Британија: Изборите се шанса да се стави крај на хаосот на владата на Сунак
Кир Стармер, лидерот на британската опозициска Лабуристичка партија, денеска изјави дека националните избори во јули ќе и дадат шанса на земјата да стави крај на хаосот на конзервативната влада на британскиот премиер Риши Сунак.
„Време е за промени“, им рече Стармер на своите приврзаници откако Сунак објави дека изборите ќе се одржат на 4 јули, објави Ројтерс.
Британскиот премиер Риши Сунак претходно денеска потврди дека националните избори во Британија ќе се одржат на 4 јули.
Сунак додаде дека кралот Чарлс III одобрил распуштање на парламентот и дека изборите ќе се одржат на 4 јули.
Ројтерс претходно објави дека Сунак најавил дека изборите ќе се одржат во втората половина на годината.
Свет
Нетанјаху: Објавата на Ирска, Шпанија и Норвешка за признавање на Палестина „награда за тероризам“
Израелскиот премиер Бенјамин Нетанјаху денеска ја осуди најавата на Ирска, Шпанија и Норвешка дека наскоро ќе ја признаат независна Палестина како „награда за тероризмот“ и нагласи дека Тел Авив останува решен кога е во прашање победата во Појасот Газа.
Во изјавата, Нетанјаху изјави дека 80 отсто од Палестинците на Западниот Брег „го поддржуваат масакрот извршен од Хамас на 7 октомври“, пишува „Тајмс оф Израел“.
„На ова зло не смее да му се даде земја. Тоа ќе биде терористичка држава. Ќе се обидат да го повторат масакрот од 7 октомври, а ние нема да се согласиме на тоа“, рече тој.
Израелскиот лидер нагласи дека „наградата за тероризмот нема да донесе мир“ и дека одлуката на овие земји да ја поштедат Палестина нема да го спречи Израел да го победи Хамас.
Норвешка, Шпанија и Ирска најавија претходно денеска дека ќе ја признаат палестинската држава на 28 мај.
Како што рече ирскиот министер за надворешни работи Мајкл Мартин, Ирска планира да ја признае палестинската држава врз основа на нејзините граници од 1967 година, кои ги вклучуваат Газа, Западниот Брег и Ерусалим како главен град и на Израел и на Палестина.